Yasaqya 31:4 - NABUWWA KEE MALIKWA

⁴ Macaay inteenik, YALLI yok iyyemii, «Lubak admoh baahe laahih cado yakme waqdi, lacti duwat suge mari yakkeemiik kaa fan dadha way, kaat kaayan way, keenik mameysita. Lac kaak raaqisaanam faxan way, hinnigga keenih m'iyya. Nabaamak Naba Dagelti kaadu too lubaakih innah, Siyon-qalel qeebi abuh yamaate waqdi, kaa akak waasu waa num mayan.

Yasaqya 31:4 ပူးပေါင်းရင်းမြစ်များ

2 Aydaad 20:15

Too waqdi Yacadiyel iyyeemih, «Amoytaay, Yuuda kee Yarusalaam ummatey, YALLI siinik iyyamaa, ‹A qaskaray kaxxam mangohiyyak mameysitinaay niya siinik addigille waytaama. Carbi Yalli siinih abele'kkal isin mabtan.

Yasaqya 10:16

Tonnal hay, YALLAY Dagelta kinnih, Nabaamak Nabahiyya kay qaskaray masu nabahiyyat xagar selta dalka ruubele. Usuk le massakaxxak gubal xagarat urta giray baruge waytahiyya ruubele.

Yasaqya 12:6

Siyoonul geytima maraw, qililisa; ruffa 'xica. Israayil doore Dageltay *kudduusuk yanihiyya yan. Ni fanat tanim kaa kinni. Nabna leeh, muxxo lem kaa» 'yaanam axcuk too-ayroora Yallih mari Yallih migaq fayliseleeh, saarisele.

Yasaqya 30:30

YALLI, isi xongoloy kaxxa nabna lehiyya akah tantaabbe innah abele. Kay bagcarra qandek leh gide ablelon. Yallih-cayli habug inta giraay; kaxxa rob kee kaxxa caaco kee, tonnah kaadu, kaxxa arroqleh gurral amaatele.

Yasaqya 30:32

Yalli fiiruk geerah ken yaagureemih karambo kee *kirar kanniyto yaabbeenimik maadayinnon. Tonna leemiik YALLI isih Assuuriyah-maral-yuckume-digaalat ken digaale le.

Yasaqya 42:13

YALLI, celem gaaduh elle gexa'nnal, gaaduh gexele. Carbih gexa num elle gexa'nnal, bagcarritak gexele. Qeebih tirtirisak naqboytiitik aysele.

Ermiyaas 50:44

Yalli qagseh iyyemii, «Ordon garboh addak garciik yewqe lubak lac elle gilisa'nnal, Baabelon-mara giliseyyo. Ken magaalak ken xiiriyeyyo. Tohuk wadir too baaxol innih doore abba heeyyo. Yoo eleelu iyyi duudaa? Yol saduh gactu duddam iyyaay? Yi foocal soolu duuda amoyti mayan.

Hosiqa 11:10

Anu lubak innah xongolu waa waqdi, yi mari axaxitak ayrô-culmaak yoo fanah amaatele.

Qaamus 3:8

Lubak gardam yaabbe way meysite waa num mayan. YALLAY Mulki le yaabe waqdi, kaak yoobbem ummatah warse waa nabi mayan» 'yaanam iyye.

Zakariyya 12:8

Yooy YALLA kinni Yarusalaamal yan mara too ayro dacriseyyooh; gacca 'yaah, kaxxa boola keenik le num Dawud gide qandek aallele. Dawuduk rade mari yoo kee yi malaykattih innah ken miraacisele.

Zakariyya 14:3

Tohuk lakal YALLI dumî-dabaanal akah abak suge innah, too doolatwat qeebi abuh ugtele.

Zakariyya 2:5

YALLI isih, girak bicsen gasoh innah, tet dacriseleemih xagana culeeh, isi nabna luk tet addal anele› » iyye.

Zakariyya 9:15

YALLAY Nabaamak Naba isi ummat umaanek catele. Kay ummat naqboytiitik aysele. Qinabak bicsen kamrik cayyeh yiskire numih innah, qeebi booxal tirtiriselon. Naqboytiitik qabala caxelon. Ken naqboytiitih qabal, sadgatah qiden saqih qabalay sacnik sadgat elle aban mansaf bagul caxaanahiyyah innah caxitele.

Zakariyya 9:8

Inni baaxo innih dacriseyyooh; qaskar mattaaqatta akki tet mahaa. Ahaysa inni mara racmatta sinni abbobtih gabat biyaaki mahaa. Yi mari biyaakak abeh gide ubleh an» 'yaanam iyye.