Yasaqya 31:1 - NABUWWA KEE MALIKWA

¹ Masri fan catoh gexa maraw, sin ikke tekkem ixiga. Isin cato Israayil doore Dageltay *kudduusuk yanil messertan; YALLAL kibaal mahaytaana'mmay, Masri-marih-fariisa kee, mango faras-gaariiray oson loonuhiyya kee, ken maray faras-amok-qeebi-abahiyyal kibaal haan.

Yasaqya 31:1 ပူးပေါင်းရင်းမြစ်များ

2 Aydaad 16:7

Too dabaanal, Canaani deqsita nabi malik Aasal yemeeteeh, kaak iyyeemih, «Atu YALLAY ku Dagelta kinnihiyyal hinna'mmay, Suuriyah malikih qaskaral kibaal hayteemih, Suuriyah malikih qaskar kok tisillimeh.

2 Aydaad 16:9

YALLI afqadook kaa yaamine marah qande yecee'gidih, inkih yan baadat cubbi le. Tonna'mmay ku tiyah tu gactek, duqur-taamat asseeh; tonna-leemiik ta saakuuk wadir carbi ku amok makata» kaak iyye.

Yasaqya 10:17

Yallay Israayil ifuh yani girah innah akkele. Israayil doore Dageltay *kudduusuk yanihiyya habug inta giray inki ayroh addat eqeb kee sibaasib cararissa akkele.

Yasaqya 2:7

Ken baaxol dahab kee lakqo kibuk tan. Oson yedderen duyye kaxxam mango. Ken baaxol mango faaris yan. Oson lon gaariirak loowo matamixxiga.

Yasaqya 20:5

Kuus kee Masril kibaal luk suge mari hagga axceleeh, niya keenik addigillele.

Yasaqya 22:11

duma suge dorih lee akah caxite wayta innah, magaalah addal dora bicsen. Takkay immay aham takke'gidih, naharal bicissa hayteh aracat sugusseh abtem, Yalla kinnim maloowinnitoonuy, kaa fan mawagitinniton.

Yasaqya 30:16

Tohih aftok isin, «Kaxxa arda le faariisit gacca 'neeh kudenno» inten. Nummah kudetton! Sin faariisa kaxxa arda lem takkaleeni'mmay, ama lakak sin yayradde mari siinik aakumele.

Yasaqya 36:6

Masri mari yemeeteh koo catelem takkale'mmay, toh bayreyta gabah caxxah haanamih bis le. Bayreyti gabâ-caxxa mayakka; yaddigilleeh, gaba kok qanxiseh caba. Kibaal kaal heenik, Masri-malik toh elle yan'inna› kaak inxica» keenik iyye.

Yasaqya 36:9

Masri mari gaariira kee faras qeebi aba mara siinih ruubaanamah, ni qaskarak gacca 'ya qaskariiti siinik aysele» yaanam anqaasah keenik iyye.

Yasaqya 43:15

Israayil ummatey, anu YALLAY *kudduusuk yan sin Dagelta kinniyo. Inkittu sin abeeh, sin malik kinniyo» iyya.

Yasaqya 5:12

Qaffaydah digirtan saaku, *kiraraay karambo kee fooxima fooxissaanaah, qinabak bicsen kamri taaqubeenih. Takkay immay YALLIH taamat baaqid mantoonuy, YALLI abam mataaxigan.

Yasaqya 57:9

Mango qatri kee saliid (zeyti) gabat hayya hayteenih, kaxxa malik fan safarten. Farmoh afat ruuben mara xer baaxo fan rubtaanaah; akeerah agantah ken rubtan.

Yasaqya 64:7

Dooqa abeh kol yaduure num mayanaay, catoh ku fanah yamaate num mayana. Nek tomboqorreeh nanu abne dambih gabat nee bayisse.

Yasaqya 9:12

Suuriyah mari ayrô-mawqa le kabuk gaccaay *Filistiinih yooboke mari ayrô-culma le kabuk gacca 'yeh Israayil yanxuqoonuh af fakka teetit heen. Tohuh, Yallih naqbi maxamcaay, ken edde digaaluh ruube gaba wadir magacsa.

Yasaqya 9:13

Yallih-marah tu gactek, dambik matoobitinna. YALLAY Nabaamak Nabahiyya ken digaaleh immay, tohuh kaal maaduurinnon.

Ermiyaas 17:5

YALLI kaadu iyyeemih, «Yoo cinna heeh, sahdaytul yaamine numul yi abaaro oobele. Numtin qandel kibaal haa numul yi abaaro oobele.

Ermiyaas 2:13

Macaay inteenik, yi mari namma dambit aseh yan. Yooy banaadantu bakaarak waddaah sila le lee bisu lehiyya cabba heenih lee addal akak salale wayta dorwah dagot gacen. Tah intam yoo YALLA.

Ermiyaas 37:7

too qangaral YALLAY Israayil doore Dagelta kinnihiyya iyyeemih, «Ama Yuudâ-malikiy Yalla neh kallac kok iyyehiyyak intaamah, ‹Masri-qaskar ku catoh tamaateeh gitat tani'mmay wadir gacele.

Ermiyaas 42:14

‹Masriy carbi elle deedalaah *baantah ugra elle aabbe waynaah qulul elle able waynahiyya gexenno› inteenik,

Yacedkel 17:15

Takkay immay Yuudâ-malik qeebi kaat abuh ugteeh, Masri malikih farmo ruube. ‹Mango qaskar kee faaris yoh rub› 'yaanam kaah ruube. Tonna'mmay yakkaleh ikkal elle yakkale'nnal, annah tanim aba num yasillimu maay duudaa? Yalla-kee-xagana make num maay yasillimee?» iyye.

Yacedkel 29:16

Israayil tohuk wadir ken catol kibaal haanamak raaqele. Israayil, Masrik ellecabo tabalu wayta saaku, Masril hayteh sugte kibaal qellat kinnim isik aaxigele. Israayil mari YALLAY Mulki lehiyya kinniyom, too saaku yok aaxigele» iyye.

Daaniyel 9:13

Muusa baahe xintol warissa hayte digaalah nee digaalte. Takkay immay YALLAW, ni Dageltaw, nanu uxih nummâ gita katayakaay, edde sugne dambik uduurra 'neh, koo ruffa mahannino.

Hosiqa 11:5

Tohuh, yol aduure cineenih. Tohuk gexxaamah, Masri fan ken gacseyyo. Assuuriyah mari keenil ackumele.

Hosiqa 11:9

Siinih abah an naqabut sin mabaysa. Israayil ummatey, ahaysa sin mabaysa. Anu Yalla kinniyo ikkal, sahdaytu hinniyo. Taahirik yan Dagelta kinniyooh sin lih an. Ahaysa siinit mabagcarrita.

Hosiqa 14:3

Assuuriya nee macatta. Carbi faaris catoh tu neh maxiqa. Ahaysa gabak bicsen duyyek, ‹Ni Dagelta› m'inna. YALLAW, qayxiixah racmata Dagelti dibuk koo› inxica» keenik iyye.

Hosiqa 7:7

Abeenih yanin bagcarrah isinni abbobti qideenih. Isinni malikwak numuuy way keenik qideeni'mmay, num keenik cato yol messerinna» iyye.

Cabakkuk 1:12

Cabakkuk tohuk lakal iyyeemih: «YALLAW, atu dumaak yan Dagelta kinnitooh, waara Yalli koo. Kudduusuk yan Dagelta kinnito. Aqbudem kooy; yoo dacrissam koo. YALLAW, Baabelon mara sinaamak addak doorru hayteh nee edde digaalan qande keenit hayte.

Cabakkuk 3:3

Ni Dagelti akak yamaatem, Edom kabuuy, Edom rasu. Ni Dagelti akak yamaatem, Faaran migaq le koomaami. Taahirik yan Dagelti kaa. Kay nabna qaranwa gufteh. Kay fayla baaxo timlikeh.

Zakariyya 10:5

Yoo wakalih loonumih sabbatah, Yuudâ-mari qeebil agiiray naqboytit kallat tayborooroke akkelon. Faaris amok qeebi abta labhak kinni way qeebil ayselon.