Yasaqya 30:9 - NABUWWA KEE MALIKWA

⁹ Macaay inteenik, oson kulli way Yalli faxe waam aban. Aamanti-sinni-xayloy YALLI keenik iyyam oggole waytahiyya kinnon.

Yasaqya 30:9 ပူးပေါင်းရင်းမြစ်များ

2 Aydaad 33:10

YALLI, Manasse kee Manassê-marak, «Ahat maasina» 'yaanam iyyeh immay, oson woh moggolinnon.

Yasaqya 1:10

Sodom marih bis le reedonow, YALLI siinik iyyam ankacisa! Gomorrâ-marih bis le ummattey, ni Dagelti siinik aba iyyam oobbeya!

Yasaqya 1:2

YALLI iyyeemih, «Sin lih yabtem, YALLAK; qaran kee baaxoy, ankacisa. Anu innih qarise urri yab yok cineh; xaylo yoo cinteh.

Yasaqya 1:4

Dambi-le-ummattey, mako-le-maray, umaane-raceynittey, taama akak toome urrow, YALLA cabba hayteenih, Israayil doore Dageltay *kudduusuk yanihiyya bursutteenih darre kaat cabten.

Yasaqya 10:5

YALLI iyyeemih: «Woyyow, Assuuriyat takku waytaama! Inqibe mara edde digaalu waa caxxih aftoh Assuuriya liyo. Yi bagcarra, gabat le caxxa keenik tan.

Yasaqya 10:6

Assuuriyah-mara, Yalla-maleelay yoo bagcarrissehiyya edde digaaluh ruubeyyo. Ummatta radoonuuy ken garqoonuuy, tonnah kaadu, gital sugte guddaafah innah taqqa keenit iyyoonuh ken ruubeyyo.

Yasaqya 24:5

Baaxo nadaasa abtem sinaama. Macaay inteenik, Yalla cinaanaah, usuk aba iyyem abe waanaah, Yallih Qahdiy daayiman waarahiyya makan.

Yasaqya 28:15

«Nee kee rabi fanal qahdi yan. Nanu akeera lih bica hayne» intan. «Duufut sinam beya weeqayti yamaate way nee mabeya» intan. «Silac nek duquurusiyya» intan. «Dirab kibaalah nek yan» intan. «Bala qaraanak tamaate way, nee maxagta tu mabahta» intan. Tirtirissan; tahal falmittan.

Yasaqya 30:1

YALLI iyyeemih, «Yabti-cina le xayloy, sinim tekkeh! Anu faxam cintaanaah, isinnih faxxen mala malsittan. Yi idni maleh bica sinam lih haysittaanaah, dambit dambi osissan.

Yasaqya 48:4

Yab ayti akak cule waah, xixxaqay lee adda akak cule waytah bis litoonum aaxaguk en.

Yasaqya 5:24

Tonna leemiik caffa kee qayso elle kafta innal kafettoonuuh, girat cararetton. Ragid siinik soxkele. Qobor siinik kafeh caacay beele. Toh siinit akah takku waytam, YALLAY Nabaamak Nabahiyya isi xintol siinih warsem cinteeniih, Israayil doore Dageltay *kudduusuk yanihiyya aba nek iyyem cinteenimih sabbata. Kay barittot maqal mahaysitinniton.

Yasaqya 63:8

YALLI, «Oson yi maraay; yi xayloy yoo make wayta kinnon» iyyeeh, tonna leemiik ken wadeena yekke.

Yasaqya 65:2

Umaanek aduure cinaah uma-taamak aduure waah uma-gitat gexa maray deedal kee dirab kataatah, inkih tan ayroy dudda le ‹Yol ama› axcuk namma gaba keenih fidseh ‹Yol ama› exce.

Ermiyaas 35:14

Yonadabak rade mari, ken kaxxa abba keenik aba iyyem abaanaah, ken kaxxa abbah yab uxih yabbixeeniih, baaxot maqidinnon. Hay, isin litoonum macaa? Kulli way sin lih yaaba way, yab yok akah cintaanam macaa?

Ermiyaas 7:13

Isin ta axxul le dambit assaanam uble waqdi, fiiruk geerah sin lih yaabeh immay yok tu aabbe cinteenih. Maabina siinik exceh tu yol magacisinniton.

Ermiyaas 7:28

Ken lih yabta waqdi keenik intaamah, ‹Isin, YALLAY sin Dagelta kinni iyyam cine mara kinniton. YALLI, «Umaanek uduura», siinik iyyeh immay kay yab cine mara tekken. Sin garil numma baateh; nummat mayabtan› keenik inxic» yok iyye.

Ermiyaas 9:3

YALLI iyyemii, «Diraabak sah nummat mayaaban; Maqarah loonum, diraaba. Nummak yaaxigeenim malon. Yi mari umaane umaanê-lakal aban; anu ken Dagelta kinniyom yok mayaaxigan» iyye.

Yacedkel 24:3

Ama yi maray yabti cina lehiyyah a yab ceelalloh waris. Keenik intaamah, YALLAY Mulki lehiyya siinik iyyaamah: ‹Buuti leek kibba haay giral xik.

Hosiqa 4:2

Xagana akah culeenim maduudusan. Diraabat yaaban. Sahda qidan. Garqa abaanah dalwat asan. Biili biiluk yembeggeh. Sahda kulli ayro titta qidak assa.

Xafanya 3:2

Yarusalaam magaalah mari YALLIH yab cineeh, YALLI keenik akah xiina iyye meqe manoh xiinaanam cineenih. Imaan YALLAL hoonu cineeniih; kaal cato essera mara makkinnon.