Yasaqya 30:30 - NABUWWA KEE MALIKWA

³⁰ YALLI, isi xongoloy kaxxa nabna lehiyya akah tantaabbe innah abele. Kay bagcarra qandek leh gide ablelon. Yallih-cayli habug inta giraay; kaxxa rob kee kaxxa caaco kee, tonnah kaadu, kaxxa arroqleh gurral amaatele.

Yasaqya 30:30 ပူးပေါင်းရင်းမြစ်များ

Yasaqya 10:16

Tonnal hay, YALLAY Dagelta kinnih, Nabaamak Nabahiyya kay qaskaray masu nabahiyyat xagar selta dalka ruubele. Usuk le massakaxxak gubal xagarat urta giray baruge waytahiyya ruubele.

Yasaqya 10:26

Yoo, YALLAY Nabaamak Nabahiyya duma Miidiyan-mara Qoreb-Xixxaq deqsita aracal oogoreh eneeh, Assuuriyah mara kaadu inni keetalat aagureyyo. Masri mara bad fanah caxxa escesse waqdi elle digaale innal, Assuuriyah mara digaaleyyo.

Yasaqya 10:5

YALLI iyyeemih: «Woyyow, Assuuriyat takku waytaama! Inqibe mara edde digaalu waa caxxih aftoh Assuuriya liyo. Yi bagcarra, gabat le caxxa keenik tan.

Yasaqya 28:2

Dagelti gabat lem oobbeya. Qande le celemiy kuwwat le, atkaay qeebi keenit aba'gid gabat leeh; bical yabbixeh yan. Usuk mamaata abu waa saaku, arroqley kaxxam gibdih gurrah, kullim bayissa caacoh innah, kullim duufut beya weeqi'nnah, amaatele, gufele tokke. Toh inkih baaxol oobisele.

Yasaqya 29:6

YALLAY Nabaamak Nabahiyya qaran-kakkaqooy baaxoh-angoyya kee ibak-gibdi-xongolo ruubele. Tonnah kaadu, kaxxa caaco kee caacay kee sinam takme gira ruubele. Yarusalaam mari tohuk cattiimele.

Yasaqya 30:29

Takkay immay Yallih ummatey, isin ruffa axcetton. Qiddi bar abak yenen saare abetton. YALLA elle yaqbuden qalel, YALLA saarissaana'gidih, fooxima gabat luk tawqen waqdi, farcatah yassallen inna assalletton. Israayil-ummat dacrisa Dageltih-qale yamaate mari farcatah yassalle inna assalle lon.

Yasaqya 30:31

YALLI isi cayla Assuuriyah mara yayballayu waa saaku, kaxxa xongoloh xongoleleeh; too xongolo yaabben waqdi, Assuuriyah-maray sin aatakuk suge birti inna le caxxat amuttukele.

Yasaqya 31:4

Macaay inteenik, YALLI yok iyyemii, «Lubak admoh baahe laahih cado yakme waqdi, lacti duwat suge mari yakkeemiik kaa fan dadha way, kaat kaayan way, keenik mameysita. Lac kaak raaqisaanam faxan way, hinnigga keenih m'iyya. Nabaamak Naba Dagelti kaadu too lubaakih innah, Siyon-qalel qeebi abuh yamaate waqdi, kaa akak waasu waa num mayan.

Yasaqya 32:19

Garbol kaxxa arroqle raddaamah, magaala abuuruh raqtaamah,

Yasaqya 33:14

Siyon-qalel tan dambileelat kaxxa cunxo hayte. Yalla-maleela meysih axaxitte. «A giray muxuq intak iyyi yalliile? Daayiman urta girat carariyya iyyi faxa?» iyyan.

Yasaqya 4:6

Kay nabna ayrok silaalo teetih akkele. Rob kee kaxxa caacayak reebu teetih akkele.

Yasaqya 51:9

YALLAW, ugutay ku qandet nee catey. Ku gabal nee catey. Dumî dabaanal akah abte innah ab. Racab deqsita kaxxa alay baddi addal geytimahiyya rike rikeh kurtem koo.

Yasaqya 52:10

Baadal tan ummatta inkih, YALLI isi gabay taahirik tanit abe taama isinni intit yubleenih; baadal enna 'ya mari, Yalli isi ummatta umaanek wadem aaxigele.

Yasaqya 62:8

YALLI kaxxa xagana cule; woo xagna isi qandet duudusele. Iyyeemih: «Ahak wadir isin tubquren daro naqboytit-gadda siinik matakka. Allî-baaxoh-mari sin kamriy qinabak bicisseeni mayaaquba.

Yasaqya 66:15

Macaay inteenik, YALLI girah innal amaatele. Kay gaariira qaana fuluk haak tamaate. Niqba mara kaxxa bagcarrat edde digaala'gidih, YALLI gira gabat luk amaatele.

Yasaqya 66:16

Addunyal eneyya iyya mara gira kee seefit digaalele. Mango mara keenik qidele.

Ermiyaas 25:32

«Qagisay keenik intamaa, YALLAY Nabaamak Nabahiyya siinik iyyamaa, ‹Bala temeetek, wagita. Umaane fuluk axcuk baaxook baaxoh marat tabta. Baaxô-maggaraqak kaxxa caaco ugutta› keenik inxic» yok iyye.

Yacedkel 10:5

Galwa-leemih galwak tawqeh tan xongolo, Qibaadâ-Qarik afa le kabu raaqa daaratal kinni way antaabbuk ten. A xongolo Nabaamak Naba Dageltih xongoloh anay luk ten.

Yacedkel 13:13

YALLAY Mulki lehiyya iyyaamah, «Anu bagcarrita saaku, sin baysa'gidih kaxxa caaco kee roobuy arroqle lehiyya ruubeyyo.

Ayyuqel 2:5

Qaleelah amol ooba waqdi, kafin bocot gexxa girah xaw xaawaah; xoxbisan faras gaariirah xaw xaawa. Carbih gaadda qaskarih innah rooruh yamaate.

Qaamus 1:14

Tohuk gexxaamah, Rabba deqsitta magaalat maroh tan gasot gira ruubeyyo. Woo magaalal tan megdebittet gira ruubeyyo. Too ayro kaxxa deero kee waxxaqa radele. Too carbiy caffat gexxe girah innah baaxo gufele.

Miika 1:4

Yallih itqat too qaleeli, samqiiti-innah diyaayele. Too qaleelak ooba diyay, leeh innah daqar oobele.

Yoosuwa 10:10

Gibqoonul YALLI, Israayil marih foocal, Amoorâ-mara fixixiseeh, qeebit akah baditan innah keenik abe. Too waqdi YALLI ken catak, woo qalek akak taban gitak keenit aben ardah Beet-Coron deqsitta magaala fan ken baahen. Qadeeka kee Makkeda deqsitta namma magaalak gabbi qaxa raaqa arac fan gital ken qidak ken baahen.

Yoosuwa 10:11

Amoorâ-mari Israayil marak woo qalek ooban waqdi, akak taban gitak kudak oobak sugen waqdi, YALLI kaxxa arroqle keenil ruubeeh; too arroqle Qadeeka guffa haanam fan keenil radak sugte. Israayil marih gabat tembexeemik, too arroqle qiddem tembegge.

1 Samuwel 7:10

Samuwel Yallih sadgatih abittot yan waqdi, Filistiin-mari ken yabbixe'gidih keenit xayyooweh yen. Too waqdi YALLI qaraanaak kakkaqo keenil ruube. Too waqdi aben wariggah fixixeenih, mariiy kabul keenik gexe. Toh yublen waqdi, Israayil mari Mixfa deqsita aracaak keenit aben ardat Beet-Kaar deqsitta magaala fan ken baahen. Gital mango mara keenik qideenih, keenik yayseenih.