Yasaqya 30:25 - NABUWWA KEE MALIKWA

²⁵ Sin naqboytiitit kaxxa sugudi yakku waah, ken kaxxa megdebwa taddigillu wayta saaku, kulli qaleela kee koomaamik lee darah oobele.

Yasaqya 30:25 ပူးပေါင်းရင်းမြစ်များ

Yasaqya 32:14

Macaay inteenik, malik qari foyya akkele. Mango xongolo elle radak ten magaala abur akkele. Amo xer qariy magaala akak dacrisak sugeenihiyya foyyah raaqele. Too aracal dabookalwa kee laa aloolele.

Yasaqya 37:36

Tohuk lakal YALLIH malaykatti Assuuriyah-mari elle yan ikke barat amma 'yeh, bool kee bacra-taban kee koona alfih num yiggifeh maacise. Saaku sinam xiinik ugutte waqdi too gide yakke marih ginaada yublen.

Yasaqya 48:21

YALLI isi ummatta bakarroytay lee sinnihiyyal bee saaku, bakaariti ken mahanna. Lee xixxaqak baguk keenih yeyyeeqe. Xixxaq namma ikkel heeh, too waqdi lee akak tewqe.

Yacedkel 17:22

YALLAY Mulki lehiyya iyyaamah, «Anu innih woo xexxaarin sariidik amok ruqa irgiqqa heeh beeyyooh; amo xer qalel daabiseyyo.

Yacedkel 34:13

Marin baaxok ken gacseyyooh, inki aracal ken gaaboyseyyo. Wadir ken baaxo ken gacseyyo. Israayil baaxoy qaleela leeh buyyitte lehiyya ken gacseyyooh; akadah (agdah) yan arac ken beyya heeh, ken aylooleyyo.

Yacedkel 34:26

YALLI kaadu qagseh iyyeemih, «Barkat keenit heeyyooh yi qaleelay taahirih tanih xaqul dabaaqah ken heeyyo. Tokkel faxxiima uddur rob keenih ruubeyyooh, niqmat keenil oobiseyyo.

Yacedkel 47:1

Woo num Yallih Qibaadah Qarih culma fan yoo gacse. Too culmak lee awaquk teneeh; too lee Qibaadâ-Qarik exxak teenay gabbi-qaxat raqtahiyyak amma 'teh sadgat elle aban aracak gabbi-qaxa le kabu darah gexak, ayrô-mawqa le kabuy Qibaadâ-Qari edde yafkunehiyya fanah darah oobak ten.

Ayyuqel 3:18

Too ayrooral qaleeli qinab cooxuk amaggele; laahi kulli qaleelal aloolele; Yuudâ baaxol inkih yan sanat buyitte racele. Yallih Qibaadah-Qarik obta lee Tikible Golol darah oobele.

Naacum 3:12

Assuuriyah mari megdebitte yabbaxu waa marah, *sublay xaylo akak alayteh innah gacele. Subla xaylo caxa ligligga haan way xayuk elle radda innal, ken gabat radelon.