Yasaqya 30:22 - NABUWWA KEE MALIKWA

²² Dahab kee lakqo bagul akak hayten duyyey aqbuduk sugteenihiyya beyya hayteenih, guddaafa elle qidan gurrah baaxot qidettoonuuh, foocak nek kala 'yaanam axcetton.

Yasaqya 30:22 ပူးပေါင်းရင်းမြစ်များ

2 Aydaad 31:1

Qiid gaba kalek lakal, tokkel suge Israayil mari yakkeemiik, Yuudâ rasul enna 'ta magaalooli fanah gexeeniih, taahirik tan qamidwa akak iyyan qamidway xeetik bicseenihiyya yiggiggileh. Aseera deqsittaamay yaqbudeenihiyyah astah heenih sugen gurumuuda bututtukku heeniih, sadgat elle aban arooca kee Yalla maleela qibaada elle abak sugte aroocay fayyat raqtahiyya bayseenih. Raqqa 'te Yuudah-baaxol inkih tonnah tanim abeeniih; tohuk kalah kaadu, Benyam kee Efrayimiiy Manassê rasul inkih, tonnah tanim aben. Tohuk gaba kalen waqdi, isinni buxaaxih yuduuren.

Yasaqya 27:9

Tonnal dambi keenik katele. Israayil mari edde ase umaanek qafu geen saaku aham akkele: sadgatah xeetik bicsen mansaf, bardak bicsen xisneh innah, iggilla heelon; riira akkele. Aseeral yaaxigen gurmuuday qibaada akah abak sugeeni, qaydarus elle ruuban mansaf soolak maraaqa; bayele'kkal.

Yasaqya 31:7

Macaay inteenik, too ayro, lakqo kee dahabak dambi-le-gaboobit bicissen duyyey Yalla axcuk taqbudeenihiyya baaxot qidetton.

Yasaqya 40:19

Gabak bicsen ceeloh innah, birtak aben ceeloh innah, dahabak yuskuten ceeloy lakqok yan birtak bicseeniih, silsilatat daabiseenih, inna malim Yalli, digga.

Yasaqya 46:6

Marak teeni yamaateeh santat baahe dahab yayyaaqe. Aki num kaadu yamaateeh gabat baahe lakqo yayyaaqeeh miizaanal haa. Too waqdi too dahab kee lakqoy baaheenihiyya dahab bicsa numul yeceen. Too num Yallih aftok yaqbuden ceelo akak bicsa. Too numuy toh bicsehiyyah gabah cawalah maalu yaceen. Sarrak too ceeloy gabak bicseenihiyyah gomboh radaanaah yaqbuden!

Yacedkel 14:6

«Tonna-leemik Israayil marak, ‹YALLAY Mulki lehiyya siinik iyyaamah: Ama qaybik tan xeet kee cooxuk bicsen duyyeh qibaada cabba haay yol uduura› keenik inxic.

Yacedkel 18:6

Israayil mari yaqbude xeet kee cooxuk bicsen duyye mayaqbuda. Woo duyye elle yaqbudeeni'gidih heen aroocal, sadgatah yusguuden saqih cado mayakma. Marin agabut fido mafaxa; wasaktut tan barrat fido mafaxa.

Yacedkel 36:31

Isinni uma-qamal kee qellatay edde asak sugteenihiyya siinih ambulleele. Too waqdi abak sugten dambi kee ceele-waytoy edde sugteenihiyyak gexxaamah, isinni nabsi inqibba heetton.

Yacedkel 7:19

Luk sugen dahab kee lakqo guddaafah innah qidelon. Anu bagcarrita saaku, ken lakqo kee dahab yi bagcarrak ken macatta. Dahab kee lakqo faxaanam keenih maduudussa; qululuk ken macatta. Dumaak dambit ken asissem, tama dahab kee lakqo.

Yacedkel 7:20

Duma yan saaku dahab kee lakqo kee luuluk mangom luk sugeenimih sabbatah, tohul kaxxam kaxxiinitak yeneeni'mmay, maca akak abeenih? Sarra woo duyyek yalla axcuk yaqbuden duyye bicsen; ableh-umam akak aben. Tohuk gexxaamah anu too duyye caraamu keenil abeyyo» 'yaanam iyye.

Hosiqa 14:8

Israayil maraw, ahaysa xeet kee cooxuk bicsen duyyeh intit yoo tableenim siinik moggola. Dooqa siinik oggoltaah sin dacrissem yoo. Anxax caxah innah sin silaalissem yoo. Eelli haan barkat siinit haytem yoo» iyye.

Zakariyya 13:2

«Too ayro Yalla axcuk aqbuduk sugen duyyey xeet kee cooxuk bicseenihiyyah migooqa baaxok bayseyyo. Tohuk wadir too duyye num kassitak maraaqa. ‹Nabi kinniyo› iyya mara bayseyyooh; nadaasak tan roocaaniyyay ken yaabissahiyya baaxok ayyaaqeyyo.