Yasaqya 30:21 - NABUWWA KEE MALIKWA

²¹ Edde gexxan gitak guri kabul afkune kee, migdi kabul afkune takken waqdi, kay xongolo aabbettoonuuh, «Giti ah kaak; akkek gacay gexa» 'yaanam axcih aabbetton.

Yasaqya 30:21 ပူးပေါင်းရင်းမြစ်များ

2 Malikwa 22:2

Yoosiyaahu YALLI kicna taama abak yen. Isi kaxxa abba Dawuduk kaxxih, Yallih gita kataatak yeneeh, agaagul sinnim Yallih xinto intam abak yen.

Yasaqya 29:24

Too saaku yab ayti akak cule waak sugte hawri-maleela yaabat radele; bagi cubbi geelon. Kulli way ceele-wayto baahak suge mari meqem bartele» iyyah yan.

Yasaqya 42:16

Inti maleela duma edde gexe wayte gitat beeyyo; duma aaxige waak sugen gitat ken beeyyo. Diteh sugte baaxo ifu keenih bahsiiseyyo; umuk suge gita saytun-gita abeyyo. Abu waam tamahaay; duuduse'kkal fanat ken macaba.

Yasaqya 48:17

YALLAY sin wadahiyya iyyam le. Israayil doore Dageltay *Kudduusuk yani siinik iyyamaa: «Anu YALLAAY; sin Dagelta kinniyo; Sin taagah meqe gita sin yaybulleeh, edde gexxan gita siinih ascasse.

Yasaqya 58:11

Anu kulli way sin miraaciseyyooh gadaamittan waqdi, amqinnaanimik sin cayiseyyo. Qande siinit heeyyooh mango lee geyte buqreh innah sin abeyyooh way kafe waa buyyi sin abeyyo.

Ermiyaas 6:16

YALLI isi marak iyyeemih, «Giti elle yangale maglallal solla inxicay baaxo wagitay! Dumî dabaanal sugte gititte cubbusa. Yayse gitay siinih yascassoonu waanahiyyat gexa. Too gitat gexxeenik, amaan geetton» iyye. Takkay immay toh keenih warse waqdi kaal gacseenimih, «Aleeyyah yayse gitat magenna» iyyen.

Yoosuwa 1:7

«A taamal digga xicaay, abba haytaamal agaagul akak cabba haay dudda luk ab. Yi naqasuh yen Muusa koh warse xinto intam inkih oggola num tik. Teetil enna 'taamak tu cabe'kal duudusaay; tonnal gexinnaan ikkel kullim gabal kok bicele.

Yoosuwa 23:6

Tonna'mmay Yallih xinto elle tan Muusal obte kitaabal unkuttubba intem digga luk abtaanam siinil tan. Too kitab inxicca 'tam inkih duudussaanam siinil tan.

1 Samuwel 12:23

Yoh tu gactek, kulli way dooqa siinih abeyyo. Dooqa siinih abe waam YALLAL dambi baaheemik loowinta. Tonnah kaadu abeh meqem kee gitah tanim sin barseyyo.