Yasaqya 30:18 - NABUWWA KEE MALIKWA

¹⁸ Tonna'mmay YALLI, tohuh, isi niqmat siinil oobisam faxaah; kaadu siinih racmata'gidih ugtele. Macaay inteenik, YALLI cakki le Dagelta kinni. Kaal kibaal haa mari ruffu iyya mara.

Yasaqya 30:18 ပူးပေါင်းရင်းမြစ်များ

Yasaqya 18:4

Macaay inteenik, YALLI yok iyyaamah, «Dabqih elle an aracal gacca exceh, dahan yan barih saldah innah tibbat ken wagta; laqo takke waqdi tan ayroh innah, tibbat ken wagta» iyyah yan.

Yasaqya 2:11

Sahdâ-kaxxiina kee anaani gaba edde kalta wakti amaatele. Too ayro nabna luk raqtu waytam, dibuk YALLA.

Yasaqya 2:17

Sahdayti kaxxiina kee anaani gaba kaleleeh; Yallih aftok aqbuduk sugen xeet kee coox bayele. Too ayro nabna luk raqtu waytam, dibuk YALLA.

Yasaqya 25:9

Aham takku wayta saaku kulli num, «YALLI ni Dagelta kinnih, kibaal kaal hayneh, nee wadeh. Yalli kaa kinnih, kaa naamineh. Nee waddem kaa kinnuk, nafriceemiiy wallinnaama» axcelon.

Yasaqya 28:17

A magaala edde massowtu waytam, qadaalata. Sekexih gexxaamak cakki kee qadaalat tet sooliseyyo. Diraabay isin elle taamineenihiyya bayseyyo. Isin uqurah liton arac weeqi duufut beele.

Yasaqya 33:2

YALLAW, neh emeq. Ku maqaaneh qambaalat nan. Maaci elle maacisinnaanimil maqar net hay. Gadaaminna saaku nee cat.

Yasaqya 33:5

YALLI fayya le aracal yan Dageltaay; nabna lem kaa. Siyon-qalel qadaalat kee cakkik-tan-maqaane heele.

Yasaqya 40:31

YALLAL kibalsita maray kibaal kaal haak kaa qambaala qusba qande haysitelon; gabilleemi'nnal haadelon. Qaafiyatah danan yakken; yardeenimih cawal maaban. Abaanamah ibi-gexo, 'kak mataqban; maboolaatan.

Yasaqya 42:14

YALLI iyyemii, «Mango dabaanah tibbat sugeeh ableeh aabbeemik tibba axcuk, tu elle gacse'kal suge. A saakuh tu gactek, abini wakti yemeeteh lacawat tan barrah innah iihisah, deero aba.

Yasaqya 42:16

Inti maleela duma edde gexe wayte gitat beeyyo; duma aaxige waak sugen gitat ken beeyyo. Diteh sugte baaxo ifu keenih bahsiiseyyo; umuk suge gita saytun-gita abeyyo. Abu waam tamahaay; duuduse'kkal fanat ken macaba.

Yasaqya 48:9

«Inni migaaqih taagah bagcarrak inni xabba heeyyo. Sinam yi migaq faylissa'gidih, mabagcarritaay sin mabaysa.

Yasaqya 5:16

Too waqdi YALLAY Nabaamak Nabahiyya gitah tanim abeleeh, tonnal leh yan nabna kaak ambulleele. Isi ummattal yackume waqdi, *kudduusuk yan Yalla kinnim kaak ambulleele.

Yasaqya 55:8

YALLI iyyaamah, «Anu acsubem kee isin tacsubeenim inkim hinnaay; anu abam kee isin abtaanam inkim hinnam taaxigeenim meqe.

Yasaqya 57:16

Tonnal ahak wadir keenik tu mawaay, ahaysa naqabut ken lih maraaqa. Kulli waqdi tu keenik week, sinam boolaateleeh, niya keenik rabele.

Yasaqya 61:8

Macaay inteenik, yooy YALLAH yani qadaalat kicna. Cado akak carrisan sadgatak tu cabaanam niqibiyo. Liyoh an diggal inni ummattah galto gacseyyo; baye sinni qahdi ken lih heeyyo.

Yasaqya 64:4

Dumî dabaanaak akke fanah, ku innah yan Dageltay kaal kibaal hee marah a xaqan le cato abahiyya tubleeh toobbem matan.

Yasaqya 8:17

YALLI isi marak is yooqoreh immay anu niyak kaa aamineeh; niya elle liyom kaa.

Ermiyaas 17:7

Takkay immay yol yaamineeh kibaal yol haa num barkat geya.

Ermiyaas 42:7

Tohuk wadir tabna ayrok lakal YALLIH qangara Ermiyaasal obte.

Daaniyel 12:12

Alfi kee sidiica bool kee soddom kee koona ayro taturra 'tam fan asbiruk sugu waa mari, ruffa le mara.

Hosiqa 1:7

Yuudâ marah tu gactek, keenih xuwaaweyyo. Yoo YALLAY ken Dagelta kinni ken cateyyo. Ken elle catu waam, carbi abitto hinnaay, seef kee gaysê-baxa hinnaay, faaris kee faaris amot yan mara hinnay, inni qandet ken cateyyo» iyye.

Hosiqa 2:14

YALLI kaadu qagseh iyyeemih, «Wadir woo elle sugte bacarik tan baaxo fan tet gacseyyo. Tokkel teetih liyoh an kacanu teetih warisu waa waqdi, yol aduurele.

Hosiqa 5:15

Yi mari dambik abeenimil yoo qaddoowe'kal, keenil maaduura. Gadaamah addat yanin waqdi, yoo kassiteloonuuh yoo gorriselon» iyye.

Malaaki 2:17

Qagseh kaadu keenik iyyeemih, «Yabtan yaabat YALLA taqbisseenih. «Too waqdi ‹Afak nanu YALLA mannal taqbisneeh?› intan. « ‹YALLI umeynit meqe mara yakkaleeh; keenit ruffu iyya› intan. Waqdik teena kaadu, ‹Yallay qadaalat leh akak iyyaanahiyya ankel yani?› intan» iyye.

1 Samuwel 2:3

Sinaamey, hida caba. Kaxxiina xagarat hayya hayteenih mayaabina. YALLI kullim yaaxige Dagelta kinni; ummatta abba haytaamal inkih mekla.