Yasaqya 30:15 - NABUWWA KEE MALIKWA

¹⁵ Mulki le YALLAY Israayil doore Dagelta kinniih *Kudduusuk yanihiyya iyyaamah, «Amay yol uduuray yol eemena; tonnal waddiimetton. Macisabbootinay kibaal yol hayisa; tonnal qande geetton» 'yaanam iyya'mmay, isin wohim cinteenih.

Yasaqya 30:15 ပူးပေါင်းရင်းမြစ်များ

1 Aydaad 5:20

Too qeebih addat, «Nee cat» axcuk Yallal weeqen waqdi, Yalli ken cateh, Hagrih-yooboke-mara kee carbil ken catak yen marak qeebil ken yiysiiseh. Yallal aaminuk yeneenimih sabbatah, usuk ken kallaci yoobbe.

2 Aydaad 16:8

Macaa, mangah tu gactek, Kuus kee Liibiya loowo sinni gaariiray qaskar qeebi edde abtahiyya kee mango qaskaray faras amok qeebi abtahiyya luk tene'mmay, woo saaku YALLAL kibaal hayteemih sabbatah, YALLI keenik koo yiysiseh.

2 Aydaad 32:8

Usuk catoh sahdaytu leeh; nanu catoh YALLAY ni Dageltah yani lino. Ni aftok qeebi neh abtu waytam kaa» keenik iyye. Ummatta ken malik a yaabat yaabam toobbe waqdi niya keenit gacte.

Yasaqya 28:12

«Offoofiyaay, ahaysa uqrufa; taqbe marak uqrufa inxica» siinik axcuk sugtem Yalla'mmay, takkeenimik Yallih-yab cinten.

Yasaqya 30:11

«Gitak darifih neh raaqa. Gita nek maalifina. Israayil doore Dageltay kudduusuk yanihiyyat nee mataqbisinay, nanay nee inxica» 'yaanam iyyan.

Yasaqya 30:7

Too duyye akah beenim, Masri mara'mmay, Masri marak geyoonu waan catotta malon. Tohuk gexxaamah Masri marak ‹Summi sinni abeesa› 'yaanam exceh an» iyye.

Yasaqya 32:17

Kulli num cakkik-tan-maqaane le gitat gexeleeh, tohuk gexxaamah cisab mayalla; daayiman baaxol amaan gaceleeh nagay aniina anele.

Yasaqya 32:18

YALLIH mari isi buxal cisaabak amaanah xiineleeh; gadaamak affoofele.

Yasaqya 40:31

YALLAL kibalsita maray kibaal kaal haak kaa qambaala qusba qande haysitelon; gabilleemi'nnal haadelon. Qaafiyatah danan yakken; yardeenimih cawal maaban. Abaanamah ibi-gexo, 'kak mataqban; maboolaatan.

Yasaqya 42:24

Israayil-mara seewah sinam gabal haytem iyya? Israayil-mara ken buubu waa marih gabal haytem iyyaay? Taham inkih YALLI keenik abeemi. Dambi lem YALLAL bahneeh; tohuk gexxaamah tamah nel baahe. Yallih gita katayaanam cineeniih, kay amri yaabbeenim cineenih.

Yasaqya 45:22

Baadal tan ummatey, inkih waddintaana'gidih, a saakuuk yol uduura. Yalli dibuk yoo.

Yasaqya 7:4

Too waqdi ‹Cisabbootiyyak isi dacrisaay mameysitinay mawariggitin› kaak inxic» iyye. «Malik Raaxin kee kay mara kee, tonnah kaadu, Ramalyaahû-baxih kaxxa bagcarra, namma caxxat gexxa girah qeerih gide.

Ermiyaas 23:36

Sahda, waara YALLAY Nabaamak Nabahiyyay ken Dagelta kinnihiyyah yab makkook makot beyan. Tahak wadir ‹YALLI ruube quuka› 'yaanam axce waanama. Toh iyya num yenek, yi farmo nummah quuka kaal abeyyo.