Yasaqya 30:13 - NABUWWA KEE MALIKWA

¹³ ama dambi, tonkommeeh bokokte gasoy maqar cabba hayteh raddam faxxahiyya siinil akkele. Isin tonnal garciik radetton.

Yasaqya 30:13 ပူးပေါင်းရင်းမြစ်များ

1 Malikwa 20:30

Wohuk raaqe mari Afeek-magaala fan kudeeh; tokkel labaatanna kee malcina alfih qaskariital, magaalat maroh sugte gaso raddeeh edde raben. Banihadad kaadu woo magaala fan kudeeh qarik darrê golit yombooqore.

Yasaqya 22:14

YALLAY Nabaamak Nabahiyya isih yo'lih yaabeeh, iyyemii, «A umaanek rabba 'yaanam fan qafu mageyan» axcuk xiibite. Ah intam, YALLAY Dagelta kinnih, Nabaamak Nabahiyya.

Yasaqya 26:21

Addunyâ-bagul yan mara inkih ken umaaneh digaala'gidih, YALLI dabqik yawqeh yamaate. Sinam rooci yeyyeeqe mara, aysa baaxo ken mataaqura; qiden marih qabal awqele.

Yasaqya 29:5

«Takkay immay mango naqboytiitiy kot qeebi abahiyya siisa akkele. Koh racmate waa mari caffay caaco beyte akkele» iyye. Tah sissikuk takku waytaama.

Yasaqya 30:26

Alsa ifuh ayroh innah gaceleeh, ayro kaadu ifuh malcina adda dumak lafitta axcele. Malcina ayroh ifuy yesgelleenihiyyah bis aallele. Aham takku waytam, YALLI isi mara abeh yan biyaakak edde qaffoysu waa saaku.

Yasaqya 47:11

Bala siinil oobele'mmay, too bala isinnik akah kaltan inna mageytan. Masiibat sin abbixele'mmay, faxe sicri siinik mawaasa. Cube waak sugten bala kee qaasir-umaane sin abbixele.

Yasaqya 48:3

«Takku waytam xer dabaanal elle warseh sugeeh, akkele akah exce'nnah tekke. Tohum, garciik cube waan waqdi, akah takke'nnah abeeh, tekkeh.

Yasaqya 58:12

Sin mari duma abuuruh sugte arooca wadir xiseleeh duma sugte rakiiboh bagul qusba qarwa xisele. Isin baateh sugte gaso xisaah abuuruh sugte qarwa bicsa mara deqsitetton» iyyah yan.

Yasaqya 65:7

Anu siinik axcem liyo: ‹Sin kaxxa abbobtih dambi kee isinnih edde assen dambih anu digaaleyyom siini. Tohuk sabab yoo esserteenik, qaleela kee koomam amol cado akak carrisan sadgat abeenih yoo xaafak sugen. Duyyeeyah qibaada elle aben. Tonna leemiik tohuk gexak oson edde asen umaane tohul taguude digaalah digaale ken liyom digga› » 'yaanam axcuk YALLI yaabe.