Yasaqya 30:12 - NABUWWA KEE MALIKWA

¹² Isin toh inteenik, Israayil doore Dageltay *Kudduusuk yani siinik iyyamaa, «Anu sin lih yaabe yab cinna hayteenih duquurusiyyal yeemeneh, ayrisiyyal kibaal haa mara takkeenim siinih teysek,

Yasaqya 30:12 ပူးပေါင်းရင်းမြစ်များ

Yasaqya 26:21

Addunyâ-bagul yan mara inkih ken umaaneh digaala'gidih, YALLI dabqik yawqeh yamaate. Sinam rooci yeyyeeqe mara, aysa baaxo ken mataaqura; qiden marih qabal awqele.

Yasaqya 28:15

«Nee kee rabi fanal qahdi yan. Nanu akeera lih bica hayne» intan. «Duufut sinam beya weeqayti yamaate way nee mabeya» intan. «Silac nek duquurusiyya» intan. «Dirab kibaalah nek yan» intan. «Bala qaraanak tamaate way, nee maxagta tu mabahta» intan. Tirtirissan; tahal falmittan.

Yasaqya 3:14

YALLI isi marak idoola kee abbobtih yan maral cokmi abele. Keenik iyyu waamah: «Yi baaxoy qinab xala coox elle aabakuk sugehiyya bayissen. Buxaaxi siinik masaakiinak beyten duyyek kibut tan.

Yasaqya 3:15

Yi ummat xukkot tabbixeeni'mmay, masaakiinah yan marat taaqiteenim cakkik manton. Aham siinik intam, yoo YALLAY Dagelta kinnih, Nabaamak Nabahiyya» keenik axcele.

Yasaqya 30:1

YALLI iyyeemih, «Yabti-cina le xayloy, sinim tekkeh! Anu faxam cintaanaah, isinnih faxxen mala malsittan. Yi idni maleh bica sinam lih haysittaanaah, dambit dambi osissan.

Yasaqya 30:7

Too duyye akah beenim, Masri mara'mmay, Masri marak geyoonu waan catotta malon. Tohuk gexxaamah Masri marak ‹Summi sinni abeesa› 'yaanam exceh an» iyye.

Yasaqya 47:10

Isinni makari kee uma-taamat kaxxam takkaleeniih, ‹Nanu abnam tablem matan› 'yaanam intan. Litoonum takkalen kas kee ixxiga makot sin beyteeh, ‹Nanu nanih; nek sa tu matan› 'yaanam intan.

Yasaqya 5:24

Tonna leemiik caffa kee qayso elle kafta innal kafettoonuuh, girat cararetton. Ragid siinik soxkele. Qobor siinik kafeh caacay beele. Toh siinit akah takku waytam, YALLAY Nabaamak Nabahiyya isi xintol siinih warsem cinteeniih, Israayil doore Dageltay *kudduusuk yanihiyya aba nek iyyem cinteenimih sabbata. Kay barittot maqal mahaysitinniton.

Yasaqya 5:7

Hay, YALLAY Nabaamak Naba yuysubuke qinab caxa kinnim Israayilik xaylo. YALLI yuysubuke cooxuy, ruffu edde haak yene kinnim Yuudah yoobokeh yan mara. YALLI, meqem aba mara yakkeenim keenik faxak yen. Takkay immay woh makkinnon; sahda qida mara yekken. Cakkik tanim aba mara, yakkeenim keenik faxak yen. Takkay immay woh makkinnon; amot akak gacan mari, «Qadaalat waynah nan» iyyan.

Yasaqya 59:13

Kooy ni Dagelta kinnihiyyal makneeh, koo kataye cinneeh kok nexxeere. Sahdat elle xukkutan inna malisnaah; edde nacsubem, hoxaay; edde yabnam, diraaba. Tah inkih abne» 'yaanam iyyan.

Yasaqya 59:4

«Qadaalat faxximtaama» iyya num mayanaay, cokmi-buxal qadô-baguuk yaabe num mayan. Foyyah taniimil kibaal haanah, diraabat yaabaanah, umam malsaanah, umaane aban.

Yasaqya 7:9

Israayil tet inaytah magaalah tan Samaariyak qandeh mataysa. Samaariya kaadu Ramalyaahû-baxak qandeh mataysa. Imaanal digga axce wayteenik, isin kaadu digga mantan» 'yaanam Yasaqyak iyye. Yasaqya too farmo Acadah warse.

Yasaqya 8:6

«Too mari Siloc deqsita sila le lee-arac cineeh, malik Raaxin kee Ramalyaahû-baxah yifriceenimih sabbatah,

Ermiyaas 13:25

‹Sin ellecabo tamaha› siinik axce. Yoo cinteenih, gabak bicsen duyyel teemeneeniih; tohuk gexxaamah anu siinih malsem tamaha. Tah intam yoo YALLA.

Qaamus 2:4

Kaadu qagissa heeh iyyemii, «Aham YALLI iyyaama. Yuudah yooboke mari fiiruk geerah dambi le taama abeenih; tohuk gexxaamah ken digaaleyyom digga le. Yoo YALLI, aba keenik exceemit maqal haysite cineeniih, yi amriy aba keenik excehiyyal anqaasah haysiten. Oson akak raden ken kaxxa abbobti aqbuduk sugte duyyey xeet kee cooxuk bicseenihiyyah qibaadat gacen. Tohuk gexxaamah makot gexa mara yekken.