Yasaqya 30:10 - NABUWWA KEE MALIKWA

¹⁰ Takku waytam sirrih table awliyak, «A sirrih mabuluk raaqa» iyyan. Yallih farmo bahta nabuwwak kaadu, «Hununuh taniimik bagul hayya mahanay, ceetaalissa haay, nanu naabbem elle fanxa innal neh warisa» iyyan.

Yasaqya 30:10 ပူးပေါင်းရင်းမြစ်များ

1 Malikwa 21:20

Acab, Eliyyas yuble waqdi, «Yi naqboytaw, yoo matarte!» kaak iyye. Eliyyas too waqdi kaal gacsemii, «Koo matreh anih; atu inkitanuuk YALLI niqbaamat asa num tekke.

1 Malikwa 22:27

Keenik intamaa, ‹Malikii, «Amaanah uduurra axcem fanah tama num casbit sugusaay dago maaqo kee leek biso kaah maacina» siinik iyye› keenik inxic» iyye.

2 Aydaad 16:10

Malik Aasa toh kaak iyye waqdi, nabam yinqibeh. Too waqdi, «Silsilatat kaa uxuya» iyyeeh kaa casbiseh. Too ayrok wadir sinaamak garabal umam baaha num yekke.

2 Aydaad 25:16

Yaabak fanat kaak radda 'yeh, too tiyak malik kaal gacseemihii, «Malikih fayu yecee num koo abtem iyyaay? Ahaysa yab eyseed; cintek, rabi gadda akketto» kaak iyye. Nabi fayuk kaak yeedeeh immay, qangara kaat heeh, iyyeemihii, «Ta saaku Yalli baati koh loowem ableh an. Toh elle ablemii, umaanek ta axxul lem abba hayteh, away yi fayu cintaamal kok ableh an» kaak iyye.

Yasaqya 28:15

«Nee kee rabi fanal qahdi yan. Nanu akeera lih bica hayne» intan. «Duufut sinam beya weeqayti yamaate way nee mabeya» intan. «Silac nek duquurusiyya» intan. «Dirab kibaalah nek yan» intan. «Bala qaraanak tamaate way, nee maxagta tu mabahta» intan. Tirtirissan; tahal falmittan.

Yasaqya 29:10

YALLI kaxxa xin siinil ruube. Nabuwwa sahdah addah inti takkem faxxiimak ten. Takkay immay YALLI namma inti keenik alfeh. Sirri yable mari sahdah kas kee misinkaca yakkeenim faxxiimak ten. Takkay immay YALLI misinkaca keenik alfeh tut rade ken kaleh.

Yasaqya 5:20

Meqeemik umaama iyyaah, umaamak meqeemi iyya maraw, woyyow, siinit takku waytaamow! Ditek ifu intaanaah, ifuk dite intan. Qeero leemik salfa le intaanaah, salfa leemik qeero le intan.

Ermiyaas 11:21

Too waqdi YALLAY Nabaamak Nabahiyya yok iyyemii, «Qanatot mari koo qidam faxaah, ‹YALLIH migaaqal tu neh warissek koo qidenno› iyyaana'mmay, anu keenik abu waam ah teeti. ‹Tahah anu ken digaaleyyooh, furrayna keenik carbit seleyyo. Qunxa urru keenik qululuh qideyyo.

Ermiyaas 23:17

Yoo buri intit yable marak, ‹YALLI, «Amaanah sin xiiniseyyo. Kullim siinil amqele» siinik iyye› iyyan. Yi yab aabbe waa maray isinnih faxam abahiyyak kaadu, ‹Umaaneh siinit takku waytam mali› iyyan» iyye.

Ermiyaas 26:11

Tohuk lakal seeka kee nabuwwa yabteeh, Yuudah-abbobti kee raqqa 'ye marak iyyeenimii, «A num ni magaalak ceele-waytam iyyeeh; toh isin isinni aytih toobbeenih. Taway hay, taham iyyeemih rabi cokmi kaal yamaateh yan» 'yaanam iyyen.

Ermiyaas 29:27

Hay, tonnah tanim, Anaatot magaalal yooboke Ermiyaasay ummat foocal nabi is celsiisak yaabak sugehiyyak, macah abe wayteeh?

Ermiyaas 36:29

Malik Yahoyaakimik intamaa, ‹YALLI kok iyyaamah, Warkat cararisseeh; Ermiyaas a yab akah baaheeh, Baabelon malik a baaxo bayseleeh, a baaxol taniimik lac macabaay num macabay selele 'yaanam akah iyyem macaay inte'mmay,

Ermiyaas 38:4

Sarrak doolatak saqoltih yan mari malikik iyyeemih, «A num edde yaaba yab qaskar kee ummatak inkih niya yaggile yaaba. Ummatah umam akke waytek, keenih maqaane faxa numuk tanih matan. Ah iyyeemih rabi kaal yamaate» iyyen.

Ermiyaas 5:31

Toh macaay inteenik, nabuwwa diraabak sa nummat yaabe waytam tibbixe. Seeka nabuwwa aba intem abta. Yi mari tohum yableh immay akak iyyam mali! Hay meqehik, ellecaboh ayroy kullim gaba edde kalta maca abetton?» 'yaanam siinik iyye.

Qaamus 2:12

« ‹Takkay immay Qahdi culeena yekke mara qinabak bicsen kamri tefqeeniih; nabuwwak, Yallih farmo neh mawarisina 'yaanam inten.

Qaamus 7:13

Takkay immay Beetal malik qibaada elle abaah, ummat dooqa elle abta qari kinnuk, tahaysa tokkel sirri uble 'yaanam maxcin» 'yaanam iyye.

Miika 2:11

A mari faxam dirab keenil yecee nabiy ken duquurusa. ‹Qinabak bicsen kamri kee kamri darah innah siinih caxitele› keenik iyya nabi faxan» 'yaanam siinil gacse.

Miika 2:6

«Isin ahaysa, a geysiisih mataqbina› yok iyya mari yan. «Yalli qaybik nee maqidak, ahamat mayaabin» yok iyyan.

1 Samuwel 9:9

«Ah meqe yaabak, nee bey hay» iyye. Too waqdi woo Yallih num elle yani'kke fan gexen. Woo magaala elle tan koomah amo awaquk sugen waqdi, lee baaha'gidih gexa baxuw keenit yongoorowe. Woo baxuuwuk, «Tu-yaaxigi magaalal elle yanii?» iyyen. Woo dabaanal Israayil baaxol nabik ‹Tu-yaaxigi› axcuk yeneenih, num Yallal tuk teena esseram faxek, ‹Tu-yaaxigil nee bey› axcuk yenen.