Yasaqya 3:8 - NABUWWA KEE MALIKWA

⁸ Hay tonnal Yarusalaam baatih lagaq intaah, Yuudâ-rasi finqah gexam faxa. Abba haanam kee inxicca 'yaanam inkih, Yallal saduh taniimi. YALLA qaduk xaafan.

Yasaqya 3:8 ပူးပေါင်းရင်းမြစ်များ

2 Aydaad 28:18

Filistiin mari kaadu Yuudâ rasuk gabbi-qaxat raaqa rakaakay kee ayrô-culmat raqta mango koomaami le baaxol tan magaalooli wararen. Ta mari, Beet-Semes kee Ayyalon kee Gadeerot deqsitta magaalooli qeebit xabbaay isinni gabat raaqissa heen. Tonnah kaadu, Sooko kee Timna kee Gimdo deqsitta magaalooli kee ken dariifal sugte gaandoodi edde yibbixen. Sarra, wokkel elle nooken.

2 Aydaad 33:11

Tonna-leemiik YALLI Assuuriyah qaskarih abbobti Yuudâ rasu akah yabbixen innah abe. Too mari Manasse yibbixeeniih, sanat santiita kaak hayyaay nacaasak bicsen silsilatat uxuyya kaa heenih, Baabelon rasu fan kaa been.

Yasaqya 1:7

Elle sugtan baaxo siinik baateeh, magaalooli siinik cararteh. Isin abalih, marin mari tubqureenim baysaah, baaxo siinik abur aban.

Yasaqya 49:19

Baaxo siinik sinam sinni abuuruk sugte. Takkay immay ahak wadir, akkel dabaaqah gacam faxa mari faxo teetil mageya. Sin yiggileeh abur sin abe mari siinik axxeerele.

Yasaqya 57:4

Iyya tekkeenih sinaamal anqassaanaah? Makoleelaay dirableelay, af elle raqeeqissaanam iyyaay?

Yasaqya 59:3

Diraabat yabtaanaah, kullim dirkih abtaanaah, qabal gabal siinik yan. Toh inkih qellatay isin abtaana.

Yasaqya 6:11

Too waqdi anu kaak exceemih, «YALLAW, ah magide fan sugtu waytaamaay?» exce. Too waqdi usuk yok iyyeemih, «Magaalooli inkih abuuruh raqqaay foyya tikka intam fanah akkuk sugeleeh, tonnah kaadu, qarwa sinaamak foyyah raqqaay baaxol sugtem inkih bayya intam fanah akkuk sugele.

Yasaqya 9:17

Tonna leemiik Yalli furraynak num keenik asillimi mahannaay, ken qayxiixa kee gubuunuk numuh maxuwaawinna. Macaay inteenik, oson inkih Yalla maloonuuy, uma marah yaniiniih; oson edde yabba 'yaanam inkih umaane. Tohuh, Yallih naqbi maxamcaay, ken edde digaaluh ruube gaba wadir magacsa.

Ermiyaas 23:36

Sahda, waara YALLAY Nabaamak Nabahiyyay ken Dagelta kinnihiyyah yab makkook makot beyan. Tahak wadir ‹YALLI ruube quuka› 'yaanam axce waanama. Toh iyya num yenek, yi farmo nummah quuka kaal abeyyo.

Ermiyaas 26:18

«Ciskiyyaahu, Yuudâ-marak malikih yen saaku, nabi Miika deqsita nabiy Moreset rasul yoobokehiyya ummatah inkih YALLI kaak inxica iyyem warseh yeneeh, too nabi too saaku iyyemii, ‹Siyon qale buqre elle takke booxah raaqele. Yarusalaam magaala abuuruh raaqele. Yallih Qibaadah-Qari elle yan qale garbo akkele› iyyeh yen.

Ermiyaas 26:6

ama qariy yi qibaadah xiseenihiyya Siiloh innah hayya heeyyo. A magaala foyya abba heeh; sarra teetit tekkem yubleeh yoobbe mari itta abaara waqdi, «Woo magaalat tekkem siinit takkay» axcuk, abaaroh tet haysitelon› 'yaanam keenik inxic» yok iyye.

Ermiyaas 4:13

Naqboytit, qamburre qaraanal elle tamaate innal, tamaateh tan! Oson qeebi edde aban faaris, baaxok bagul fuluk axcuk gexxa caacoh innal, yamaate. Ken faras sissikaaneh qawiytak umah. Too saaku ummat: «Ahaysa baati nee tibbixeh! Nim tekkeh!» axcelon.

Ermiyaas 44:3

Toh akah tekkem, tokkel suge mari abak suge uma-taamah sabbata. Yot naqabu culuseeniih, xeet kee cooxuk bicsen duyyeh qibaadah sadgat abittot gacen. Too duyyey oson aqbuduk sugeenihiyya, sin kee sin kaxxa abbobtik num yubleeh yaaxige duyye hinna.

Yacedkel 8:12

Too waqdi Yalli yok iyyeemih, «Ama Israayil idoola sirrit abta taama tablem hinna? Tasaawirik kibuk yan qarih addat duyye yaqbuden. Oson tah akah abaanam, ‹YALLI a baaxo cabeh ikkal, nanu sirrit abnam nek mayabla› 'yaanama» yok iyye.

Yacedkel 9:9

YALLI too waqdi yok iyyeemih, «Israayil kee Yuudâ-mari kaxxam gibdi dambi baaheeh; rasul ummat annaak qidaanam baaheeh; Yarusalaam baatilik dabaq aben. Yi giddinaamak, ‹YALLI ahaysa ni baaxo cabeh ikkal, nee mayabla› iyyan.

Hosiqa 5:5

Israayil mari le kaxxiina, kinnon mara keenik taybullee. Ken dambi ken yaydafoofoleeh, ken yankiseh. Yuudâ mari ken lih annikissele.

Hosiqa 7:16

Yoo cabba heenih, yoo akke sinniimiy hebeltohim xiqe waytah qibaadat gaceenih, makot tan gaysey tu anfiqe wayta yekken. Ken abbobti kaxxam kaxxiinitta'mmay, uma rabah rabeloonuuh, Masri mari keenil anqaasah rabelon» iyye.

Miika 3:12

Sin sabbatah Siyon-qale buqre elle takke booxah raaqele. Yarusalaam magaala abuuruh raaqele. Yallih Qibaadah-Qari elle yan qale garbo akkele» iyye.

Miika 6:12

Siinik gadda leelah yan mari tu maleela yadlume. Takkeenimiik dirab leela kinniton. Sinam duquurussan.

Cabakkuk 1:13

YALLAW, ku inti taahirik tan inti kinnuk, umam tablem maqansissa. Umaane aba mara xiqa Dagelta hinnito. Hay ta uma-qamal-leela abta umaane mannal qansissa? Keenik fula cakki gital yan mara baysah ken table waqdi, tibba mannal inta?