Yasaqya 3:18 - NABUWWA KEE MALIKWA

^18-23 Yarusalaam-agbi elle kaxxiinita duyye Yalli keenik edde beyu waa wakti yemeeteh. Oson bilqah filla kee amooy ayti kee iba kee carayat lon bila keenik edde kalu waa wakti yemeeteh. Amot lon musaan kee seedar kee, ibat lon birtaay, bagul lon caleytitte kee, tonnah kaadu, kitooba kee gaaxoytitteey, feerat lon ferran kee sanat lon dumam kee qatri edde haan karaaratay gabat beyaanahiyya keenik bukkusele. Toh lih kaadu xagar meqe sartanay culsah xagarat haanahiyyaay, xagaral haan maklabaay, lakqo edde haan oloy gabat beyaanaay, isinni elle yablen miraayataay, bandiiliiy, amô-sara kee saaxi kee, xagar addak yaybulle saray sartaanahiyya inkih keenik kalele.

Yasaqya 3:18 ပူးပေါင်းရင်းမြစ်များ

Yasaqya 3:17

Takkay immay anu ken digaaleyyooh, amo keenik molla heeh daleela keenik elle ayyaaqeyyo» iyyah yan.

Yacedkel 23:26

Xagaral lito sara kok kalelon. Xagarat bilqah haysitte bila kok kalelon.

Yacedkel 23:40

«Allî-baaxok labha keenih baahaana'gidih, farmoh sinam ruuben. Woo maray farmo akah ruubeenihiyya keenih yemeeteh; too waqdi taaxige namma maqanxá kaqallaay intil kucul hayyaay qax-meqe bilat gacca 'te.

Makaabon 8:21

Too waqdi Debac kee Xalmunna Gidqoonuk annah inte. «Labhâ-taama abtam labhaytuk, amay isih nee qid» kaak iyyen. Too waqdi Gidqoon ken qideeh; ken gaalih fillat bilqah heenih sugen bilâ-duyye beeh.

Makaabon 8:26

Oson too waqdi, qax-meqe duyye kee fillat haan bilaay woo Miidiyan malikwa luk ten qasdiimin sara kee gaali fillat luk yen bilâ-duyye sinnim, Gidqoonul yeceen aytî-dahab dibuk labaatanni kiilo yekke.