Yasaqya 3:17 - NABUWWA KEE MALIKWA

¹⁷ Takkay immay anu ken digaaleyyooh, amo keenik molla heeh daleela keenik elle ayyaaqeyyo» iyyah yan.

Yasaqya 3:17 ပူးပေါင်းရင်းမြစ်များ

Yasaqya 20:4

Assuuriyah malik woo namma rasuk carbit yibbixe mara qasunuk beele. Qunxaamaay kaxxam inkih gambi qassih, iba qassih, deega qassih beeloonuuh, Masri mari qaybit radele.

Yasaqya 3:16

YALLI kaadu iyyaamah: «Yarusalaam-agbi kaxxiinah le inna wagitay. Kaxxiinah filla qaraanal beyan. Gexan way mellekkiy axcuk gexan. Intiita sahdal yabbixen. Ibat bilqah lon biriita gexan way sasac inta.

Yasaqya 3:18

Yarusalaam-agbi elle kaxxiinita duyye Yalli keenik edde beyu waa wakti yemeeteh. Oson bilqah filla kee amooy ayti kee iba kee carayat lon bila keenik edde kalu waa wakti yemeeteh. Amot lon musaan kee seedar kee, ibat lon birtaay, bagul lon caleytitte kee, tonnah kaadu, kitooba kee gaaxoytitteey, feerat lon ferran kee sanat lon dumam kee qatri edde haan karaaratay gabat beyaanahiyya keenik bukkusele. Toh lih kaadu xagar meqe sartanay culsah xagarat haanahiyyaay, xagaral haan maklabaay, lakqo edde haan oloy gabat beyaanaay, isinni elle yablen miraayataay, bandiiliiy, amô-sara kee saaxi kee, xagar addak yaybulle saray sartaanahiyya inkih keenik kalele.

Ermiyaas 13:22

‹Ah inkih net akah tekkem macaay? Sari nek akah qanxixeeh; a axxul le biyak xagarat nek akah yekkem macaay?› bagul inteenik; toh siinit akah tekkem, sin dambih manga.

Miika 1:11

Saafir deqsitta magaalah maraw, qasunuk gacca inxicaay qaybik isinni qidak, baaxok inkiliqa. Daanan magaalal yan mari elle yan magaalak mayawqa. Beet-Eedal magaalal yan mari booget yaniih, cato siinih mayakka.

Naacum 3:5

YALLAY Nabaamak Nabahiyya iyyeemih, «Nanawê-magaalay, kok naqboyta ekkeh an. Doolatwa qawrat kok akah table innah qasunuk koo cabeyyo.