Yasaqya 29:9 - NABUWWA KEE MALIKWA

⁹ Ama tekken xangi-maleelay akah taniinihiyya tika. Akah tanin inti maleela tika. Qinabak bicsen kamri aaqube'kal lagaggaq intan. Gambiik gambil lagaq intaana'mmay, toh kamri maqubih sabbatah abtaanam hinna.

Yasaqya 29:9 ပူးပေါင်းရင်းမြစ်များ

Yasaqya 1:2

YALLI iyyeemih, «Sin lih yabtem, YALLAK; qaran kee baaxoy, ankacisa. Anu innih qarise urri yab yok cineh; xaylo yoo cinteh.

Yasaqya 19:14

YALLAY Nabaamak Nabahiyya sahda badsa fayu yecee mara ken abe. Tohuk gexxaamah Masri mari baditit yaniih, yiskire numuy isi alliyoh bagul xiinah innah lagaq iyyen.

Yasaqya 29:1

Yarusalaam-magaalay, kum tekkeh tan! Dawud dabqah elle sugeeh, Yallih sadgat elle aben mansaf elle yan magaalay, sanatat sanat osisaay, abtan qiidittek maadiyina'mmay,

Yasaqya 29:10

YALLI kaxxa xin siinil ruube. Nabuwwa sahdah addah inti takkem faxxiimak ten. Takkay immay YALLI namma inti keenik alfeh. Sirri yable mari sahdah kas kee misinkaca yakkeenim faxxiimak ten. Takkay immay YALLI misinkaca keenik alfeh tut rade ken kaleh.

Yasaqya 49:26

Siinit xukkuta mari titta akmeloonuuh; sittak caxen qabala yaaquboonu waan waqdi, kamri yooqobe marih innah askirelon. Too waqdi baadal eneyya 'ya mari, anu YALLA kinniyom aaxigele. Sin wadaah xixxibaanek sin yeyyeeqe Dagelta kinniyom aaxigelon. Yaqkuub-Dageltay cayla le kinniyom aaxigelon.»

Yasaqya 51:17

Yarusalaamey, ugut! Ugutay bical gac. YALLI bagcarrite saaku, kay bagcarrah kobbaayak tooqobe. Woo kobbaayak tooqobeeh lagaq koo hayte.

Yasaqya 56:10

Israayilit dacayrih yan mari inkih, inti-maleelaay iggimaleela. Oson dacayrih buxat yan kutay tu yableemih kaaye waahiyyah gide. Deerih gacca 'yeenih xiinan. A mari manxu xin kicna. Soonitaanamak sa abaanam malon.

Yasaqya 6:10

Sarrak kaadu yok iyyeemih, «Hawri ken cabsiisaay, ayti maleela kee inti maleelay tu able wayta ken ab. Tonnal tu mayablaanaay, tu mayaabbaanaay tut maradan. Intih yubleeniih, aytih yoobbeeniih, tut rade ken tekkek, yol yaduureenim takkeeh, yol yuduureenik urelon» yok iyye.

Yasaqya 63:6

Bagcarrite waqdi inkih tan doolatwat eeqeteh ken askirise. Qabala keenik baaxok bagul caxe» iyye.

Ermiyaas 13:13

keenik intamaa, ‹Yoo YALLI a baaxol yan marak Dawuduk raaqe dardaarinna le mara kee, seeka kee nabuwwa kee raqqa 'ye maray Yarusalaamal yanihiyya, kamrik baqqa heenih katla fan amma akah iyyan innah keenik abeyyo.

Ermiyaas 2:12

Qaraanow, tah atu xiqta umaane hinnak, hagga inxicaay axaxit.

Ermiyaas 23:9

Ermiyaas dirab le nabuwwah giddinaamak iyyeemih, «Cisab yoo yibbixeeh; afqado dub yok inta; xagar yok axaxitah. YALLAY *kudduusuk yani kee Yallih qangarah meysih, yiskire numih innah gaceh an. Mango kamri yooqobe numih bis elle an.

Ermiyaas 25:27

Sarrak YALLI yok iyyeemih, too marak intaamah, «YALLAY Nabaamak Nabah, Israayil doore Dagelta kinnihiyya, ‹Tama kamrik baqqa hayteenih edde iskirraay allittaay, sarra akak ugute waytan niksoh innikissa intaanam fanah sin afqeyyo. Toh akah axcem, anu siinit ruubu waa maray seefit sin selu waahiyyah ceelallo› 'yaanam siinik iyya» keenik inxic.

Ermiyaas 4:9

YALLI kaadu qagseh iyyaamah, «Too ayro malik kee doolat mari giliicih abam waagisele. Seekat meysih axaxo heele. Nabuwwa kaadu ibak-gibda-cunxo abbixele» 'yaanam siinik iyya.

Ermiyaas 51:7

Baabelon yi gabat tan dahab kobbaayah bis luk ten. Inkih tan addunyal yan mara too kobbaayal yan kamrik tefqeeh, too marat moyya gexxe.

Cabakkuk 1:5

Tohuk lakal Yalli isi ummatak iyyeemih, «Ama dariifal siinik tan doolatwa wagga haay, tokkel takkem tabloonu waytaanam kaxxa qagab siinil akkele. Taabbeenimih numma siinit ceele waytaamay qagabak tanihiyya isin addunyâ bagul anih abeyyo.