Yasaqya 29:6 - NABUWWA KEE MALIKWA

⁶ YALLAY Nabaamak Nabahiyya qaran-kakkaqooy baaxoh-angoyya kee ibak-gibdi-xongolo ruubele. Tonnah kaadu, kaxxa caaco kee caacay kee sinam takme gira ruubele. Yarusalaam mari tohuk cattiimele.

Yasaqya 29:6 ပူးပေါင်းရင်းမြစ်များ

2 Samuwel 22:14

Dagelti-xongolo qaraanak tontoobbe. Kakkaqô-xaw xaawe.

Yasaqya 10:3

Hay, Yalli sin digaalu waa saaku macaa abetton? Yalli xer baaxok temeete bala siinil oobisek, maca abetton? Catoh iyya fan ardetton? Teddereenim anket aaquretton?

Yasaqya 26:14

Mayanin, alqo, boodo oobeeniih; Mayaduuran; kabrik muugutan. Ken digaalteh ken bayisse'kkal, aysa rooci keenil magaca. Ahak wadir ken kassam matan.

Yasaqya 26:21

Addunyâ-bagul yan mara inkih ken umaaneh digaala'gidih, YALLI dabqik yawqeh yamaate. Sinam rooci yeyyeeqe mara, aysa baaxo ken mataaqura; qiden marih qabal awqele.

Yasaqya 28:2

Dagelti gabat lem oobbeya. Qande le celemiy kuwwat le, atkaay qeebi keenit aba'gid gabat leeh; bical yabbixeh yan. Usuk mamaata abu waa saaku, arroqley kaxxam gibdih gurrah, kullim bayissa caacoh innah, kullim duufut beya weeqi'nnah, amaatele, gufele tokke. Toh inkih baaxol oobisele.

Yasaqya 30:30

YALLI, isi xongoloy kaxxa nabna lehiyya akah tantaabbe innah abele. Kay bagcarra qandek leh gide ablelon. Yallih-cayli habug inta giraay; kaxxa rob kee kaxxa caaco kee, tonnah kaadu, kaxxa arroqleh gurral amaatele.

Yasaqya 31:9

Ken malikiy ken dacayrih yene cunxot bayele. Carbi-abbobti meysik gexxaamah, carbi qalaamatih sinbil baaxot qideenih cabelon. Ahat yabtam, yoo YALLAY Siyon-qaleh amol solal girah innah urahiyya.

Yasaqya 43:2

Kaxxa weeqaytih adda tabtaanamah, anu sin lih ani'kkal, akak cunxittaanam manton. Weeqi siinit yamaateemih, anu sin lih ani'kkal, duufut sin mabeya. Urta girak adda gactaanamah gira sin matakma. Anu sin lih ani'kkal, girâ-huuri sin macararisa.

Yacedkel 38:22

Toh lih kaadu dalka kee qabala tittak caxeloonuuh, tohul ken digaaleyyo. Kaa kee kay qaskar kee, wohuk kalah yan maray kay xaquk gacca 'yeh qeebih gulguluh yanihiyyal, kaxxa roobuy gira kee dani (xalol kibrik) agleh yanihiyya keenil ruubeyyo.

Qaamus 1:14

Tohuk gexxaamah, Rabba deqsitta magaalat maroh tan gasot gira ruubeyyo. Woo magaalal tan megdebittet gira ruubeyyo. Too ayro kaxxa deero kee waxxaqa radele. Too carbiy caffat gexxe girah innah baaxo gufele.

Naacum 1:3

YALLI giffa 'ta qande le'mmay, tohuh dagoomut mabagcarrita. Takkay immay umaane aba mara digaale'kal macaba. Isih elle gexa kabul caacay kee caaco ugusa. Siisa sahdah ibat elle ugutta'nnal, qamburre kay ibih gubat ugutta.

Zakariyya 14:5

Too ayro isin, ta daqaaray namma qalek fan gexak Aaxal deqsita arac gufahiyyak addah gacca 'teenih asillimetton. Sin kaxxa abbobti malik Quddiyya deqsita num Yuudâ-rasul malikih yen saakuy baaxo tengeyyehiyya elle tisillime innal asillimetton. Too waqdi YALLAY yi Dagelta kinni isi malaykoota inkih gabat luk akke fanah amaatele.

1 Samuwel 2:10

YALLI isi naqboytit foyyisele; Kulliimik daga raaqa Dagelti qaraanak keenit kaayele. YALLI inkih tan addunyal ackumele. Isi malikit qande heeleeh; isih doore malikih nasri aceele» 'yaanam inte.