Yasaqya 29:20 - NABUWWA KEE MALIKWA

²⁰ Macaay inteenik, racmatta maleela baatih gexele. Kulliimil qangaasalah raba mari mano luk maraaqa. Umaaneh abittoh sangeelak yen marih baati akkele.

Yasaqya 29:20 ပူးပေါင်းရင်းမြစ်များ

Yasaqya 13:11

Yalli annah iyye. «Ken umaaneh sabbatah, baadal bala oobiseyyooh; umaanet asa mara ken umaanek gexxaamah digaaleyyo. Kaxxam isit yakkale mara ayqunxeeyyo; racmatta-maleelay anaani lehiyya ramma heeyyo.

Yasaqya 13:3

Anu innih, yi bagcarra yaybulleeni'gidih, celeemah tan yi qaskaray yi taamah doorehiyyah seece. Oson yi iisa yafrice mara kinnon» iyye.

Yasaqya 29:5

«Takkay immay mango naqboytiitiy kot qeebi abahiyya siisa akkele. Koh racmate waa mari caffay caaco beyte akkele» iyye. Tah sissikuk takku waytaama.

Yasaqya 49:25

Takkay immay YALLI, «Toh tekkeemi» 'yaanam iyya. «Sin lih aaminnaan mara lih anu aameyyo. Qaskar gabat yan casbi mari asillimele. Racmatta sinni malik seewah orbisem gabak kaak kalelon. Sin xaylo umaanek anu cateyyo.

Yasaqya 51:13

YALLAY sin gineeh qaran fidseeh baaxoh kaadu elle solta rakiibo bicse, hawwenteenii? Kulli waqdi siinit xukkutaah, sin baysam faxa marih bagcarritaamah macah meysittan? Ken bagcarra tu makalta.

Yasaqya 59:4

«Qadaalat faxximtaama» iyya num mayanaay, cokmi-buxal qadô-baguuk yaabe num mayan. Foyyah taniimil kibaal haanah, diraabat yaabaanah, umam malsaanah, umaane aban.

Daaniyel 7:7

«Anu tohih wagittot an waqdi, too wacyil fereyhaytoh ali yemeete. Too ali kaxxa qande luk yeneeh kaxxam akak meysitan alay cunxo sinaamat qidahiyyak ten. Kaxxa moddiiniy biriitah yanihiyyat qide mara kitif kitif heeh yokme. Sarrak wohuk raqteemik amot taqqa 'ye. Too ali gersi alluwwah inna hinna'mmay tabna gaysa luk yen.

Miika 2:1

Miika kaadu iyyeemih, «Deerih gacca 'yeh umam acsubuk xiina maraw, woyyow siinit takku waytaamow! Toh abtoonu duddaanamih sabbatah, maaci maacisa waqdi, xayih bar acsubuk xinten umaanet assan.

Miika 2:3

Tohuk gexxaamah YALLI iyyeemih: «Anu too maral bala ruubam faxa. Anu ruubu waa balak num siinik macattiima. Kaxxa gadaamah gadaamitetton. Tahaysa kaxxiinah amo qaraanal haak magexxan.