Yasaqya 29:14 - NABUWWA KEE MALIKWA

¹⁴ Tohuk gexxaamah anu ta maral ablewaynuh taniimiy kaxxa cunxoh akak cunxutoonu waanahiyya baaheyyo. Oson kasloytiitih lon marih kas foyya abeyyo. Ken maray bagi cubbi luk yenek woo cubbi foyya abeyyo» iyye.

Yasaqya 29:14 ပူးပေါင်းရင်းမြစ်များ

Yasaqya 10:12

Tonna-leemiik, Yalli Siyon-qale kee Yarusalaamal abah yaniimik gaba kalu waa saaku, Assuuriyah malik abah yan tirtiraay leh yan kaxxiina kee hidak gexxaamah kaa digaalele.

Yasaqya 19:3

Masri marih mala foyya abeyyooh, niya keenik aggileyyo. Yalla 'yeenih yaqbudeenimil cato esserelon. Ginnili kee kalluwallel fayu essereloonuuh, rabe marih roocaaniyyak, ‹Maca neh taysee?› 'yaanam axcelon.

Yasaqya 28:21

YALLI duma Faraadim-qalel akah abe innah siinit ugtele. Gibqon-Golol akah bagcarrite innah siinit bagcarritele. Isi taamay isin kaak akkaluk suge waytaana abele.

Yasaqya 44:25

Ginnili kee kalluwalle dirableela kinnoonum aybullee. Faal qida mara kee cutuk-beya duquura kinnoonum aybullee. Sahda le ixxiga, iggima kinnim keenik aybullee.

Yasaqya 63:17

Ku gitak nee hoxissam macaay? Ku yab aabbe sinni maray darre kot caba nee akah abtem macaay? Ku naqoosa kinninok, nel uduur; ku mara kinninok, nel uduur.

Yasaqya 65:7

Anu siinik axcem liyo: ‹Sin kaxxa abbobtih dambi kee isinnih edde assen dambih anu digaaleyyom siini. Tohuk sabab yoo esserteenik, qaleela kee koomam amol cado akak carrisan sadgat abeenih yoo xaafak sugen. Duyyeeyah qibaada elle aben. Tonna leemiik tohuk gexak oson edde asen umaane tohul taguude digaalah digaale ken liyom digga› » 'yaanam axcuk YALLI yaabe.

Ermiyaas 19:7

« ‹Ta aracal Yuuda kee Yarusalaam mari abba haa mala keenik foyya abeyyo. Ken naqboytit qeebih keenik aysiiseyyo. Carbit ken qidsiiseyyo. Raysa keenik guma kee garboh alluwwah maaqo abeyyo.

Ermiyaas 49:7

Edom giddinaamak YALLAY Nabaamak Nabahiyya iyyem ah teeti. «Edom mari luk yen kas cabeh innaa? Ken fayisak yen marih kas manke gexeeh? Oson luk yenen kas keenik kuuleh maay maacise?

Qobadya 1:8

Edomuh yooboke mara digaalu waa saaku, kas le mara keenik selli heeyyo. Luk sugen kas ken waysiiseyyo.

Cabakkuk 1:5

Tohuk lakal Yalli isi ummatak iyyeemih, «Ama dariifal siinik tan doolatwa wagga haay, tokkel takkem tabloonu waytaanam kaxxa qagab siinil akkele. Taabbeenimih numma siinit ceele waytaamay qagabak tanihiyya isin addunyâ bagul anih abeyyo.