Yasaqya 29:13 - NABUWWA KEE MALIKWA

¹³ Yalli iyyamaa, «A mari afak yoo yaynabem ceela'mmay, afqado keenik yoo matassanabba. Oson yot aban qibaada yi garil hebeltô-maqna mali. Diinih loonum, sahda teyyeeqe madqa kee abuk-raqtih luk sugen qaada.

Yasaqya 29:13 ပူးပေါင်းရင်းမြစ်များ

Yasaqya 10:6

Assuuriyah-mara, Yalla-maleelay yoo bagcarrissehiyya edde digaaluh ruubeyyo. Ummatta radoonuuy ken garqoonuuy, tonnah kaadu, gital sugte guddaafah innah taqqa keenit iyyoonuh ken ruubeyyo.

Yasaqya 29:1

Yarusalaam-magaalay, kum tekkeh tan! Dawud dabqah elle sugeeh, Yallih sadgat elle aben mansaf elle yan magaalay, sanatat sanat osisaay, abtan qiidittek maadiyina'mmay,

Yasaqya 29:12

Akriye waa numul beyteeh kaadu, «Yoh ikriyey» intek, «Aleey anu kawsa maaxiga» 'yaanam axcele.

Yasaqya 30:11

«Gitak darifih neh raaqa. Gita nek maalifina. Israayil doore Dageltay kudduusuk yanihiyyat nee mataqbisinay, nanay nee inxica» 'yaanam iyyan.

Yasaqya 42:25

Yalli toh keenik ubulla hee waqdi, isi bagcarray girah innah sinam cararissahiyya keenil ruube. Carbi keenit aba mara keenit ruube; Too carbi girah innah ken laqlaqe'mmay, tohuh edde maradinnon. Too gira ken tokmeh immay, toh baritto keenih makkina.

Yasaqya 63:17

Ku gitak nee hoxissam macaay? Ku yab aabbe sinni maray darre kot caba nee akah abtem macaay? Ku naqoosa kinninok, nel uduur; ku mara kinninok, nel uduur.

Ermiyaas 12:2

Yi Dageltaw, caxah innah atu ken daabisseeh; oson kaadu ragid baahen. Caxa saadda waqdi xaylo elle xalta'nnal, dadlaanaah xaylo xalan. Kulli way migaq kok ugsaanah immay, niya koo fan malon.

Ermiyaas 3:10

Toh abak suggu 'yeenik lakal, Yuudâ-mari yol yaduurem ceele'mmay, woh nummâ-madaarak masuginna. Tah intam yoo YALLA› 'yaanam siinik iyye» keenik iyye.

Ermiyaas 42:20

Ta yab cintaanamak gactam sin matabbixa. ‹YALLAY ni Dageltah yani neh kallacaay dooqa neh ab. Tahaysa YALLI nek aba axcinnaanim abenno› 'yaanam isinnih yok inten.

Ermiyaas 5:2

Yi migaaqal xiibitaanah immay akah xiibitaanam maaban» 'yaanam iyye.

Yacedkel 14:1

Israayil idoolak tu'baxa yakke mari Yallih yab yoo esseraana'gidih, yol yemeeteenih foocal yok daffeen.

Yacedkel 33:30

YALLI kaadu iyyeemih, «Bani-adantow, ku mari magaalat maroh tan gasoh xaqu kee isinni qarwah afal yangoorowen waqdi, ku yaabat yaabaanaah, ‹YALLAK yemeete yab ankacisnu waynak nee beya› sittak iyyan.

Hosiqa 7:14

Afqadook yoo maqbudinnon. Dooqa aban waqdi, gitat tet maaban. Takkay immay daffa 'yeenih diini-maleela akah abta'nnah, waxxaq axcukuuy boogisak aban. ‹Baaxol daro kee qinab nee mawaysiisin› axcuk dooqa aban waqdi, diini-maleela akah abta'nnah, xagar isinnik qanxisan. Yoo cineeniih darre yot caben.

1 Samuwel 15:30

Saawul, «Anu dambi leemit aseh anik bas, away akim isih raqtuh, Israayil-makaabon kee ummatih foocal yoo essekexxeyaay YALLAY ku Dagelta kinni aqbude'gidih yo'lih uduur» kaak iyye.