Yasaqya 29:11 - NABUWWA KEE MALIKWA

¹¹ Sin yuybulle wacyi maceddaanaay; alifit yan kitaabih addal yan yaabih gide siinil akkele. Woo kitab numuk teenay yakriyehiyyal beyya hayteh, «A kitaabal tanim macaay? Ikriyey!» intek, woo num «Anu aham akriyu mabicsa. Macaay intek alifit taniih, fakiimeh akak wayta asta le'kkah makriya» axcele.

Yasaqya 29:11 ပူးပေါင်းရင်းမြစ်များ

Yasaqya 28:7

Seekaay nabuwwa abte sikratah ibi keenik lagaggaq iyya. Kamrit aben sikratih taagah annikissuk yandafoofolen; baditak gita malit radan. Nabuwwa kamrit tiskireh tan. Suwaawuruy oson yableenit radoonu cineenih; yefferen. Seeka kaadu kaxxam tiskire; sinam amoh keenik bahta yab mekloonuuy kuroonu yefferen.

Yasaqya 29:12

Akriye waa numul beyteeh kaadu, «Yoh ikriyey» intek, «Aleey anu kawsa maaxiga» 'yaanam axcele.

Yasaqya 29:18

Too ayro, kitab addal tanim ayti-mali aabbele. Inti-mali kaxxa diteh addak awqele; inti geele.

Yasaqya 8:16

Isin yi darsay, Yalli yol ruube farmo dacrisaay tet daanisa.

Daaniyel 12:4

«Kaadu yok iyyeemih, ‹Daaniyelow, ama kitab alifay ellecabo edde takke wakti fanah alifay asta edde hayis. Mango mari takkeemih maqna yaaxige'gidih, kaxxam taqabelon› iyye.

Daaniyel 12:9

Too waqdi usuk yok iyyeemih, ‹Daaniyelow, aham ellecabô-wakti yakkem fanah uqurat sugteh, num aaxige waama.