Yasaqya 28:7 - NABUWWA KEE MALIKWA

⁷ Seekaay nabuwwa abte sikratah ibi keenik lagaggaq iyya. Kamrit aben sikratih taagah annikissuk yandafoofolen; baditak gita malit radan. Nabuwwa kamrit tiskireh tan. Suwaawuruy oson yableenit radoonu cineenih; yefferen. Seeka kaadu kaxxam tiskire; sinam amoh keenik bahta yab mekloonuuy kuroonu yefferen.

Yasaqya 28:7 ပူးပေါင်းရင်းမြစ်များ

Yasaqya 19:14

YALLAY Nabaamak Nabahiyya sahda badsa fayu yecee mara ken abe. Tohuk gexxaamah Masri mari baditit yaniih, yiskire numuy isi alliyoh bagul xiinah innah lagaq iyyen.

Yasaqya 22:13

Siinih tu gactekii, Yalli siinik aba iyyem cabba hayteenih digir kee farcit culten. Laa kee illi usgudda hayteenih cado akak tokmen. Qinabak bicissen kamrih maqabat gacten. «Beeraak rabennok, a saaku nakamay naaqubay» inten.

Yasaqya 24:2

Seeka kee seekak kalih maraay, kaadintu kee kaadintu le numuuy, kaddaama kee kaddaama le barraay, duyye xaama num kee yaylamme numuuy, abuud faxa num kee abuud yecee numuuy, mago edde tan num kee mago le num inkih, inki digaalah digaalimelon.

Yasaqya 24:20

Baaxo yiskire numih innah kabuk kabul lagaq axcele. Digga sinni siraqih innah angayyele. Abte Yallih-cinak gexxaamah annikisseleeh, abte niksok sarra muugutta.

Yasaqya 28:1

Efrayimih yooboke maraw, kamri taaqube sakaareenow, able liton; woyyow axcetton. Amo elle miqiton magaala, qobooruk bicisen kalabtaay; elle kaxxiinittaanam teeti. Woyyow, teetit takku waytaamow! Niqmatak tan kayrih tan golok daga raqta magaala siinik birroh innah laqaymuumele. Qaxa liton bilqa litoonuh immay bayettoonum digga le.

Yasaqya 29:11

Sin yuybulle wacyi maceddaanaay; alifit yan kitaabih addal yan yaabih gide siinil akkele. Woo kitab numuk teenay yakriyehiyyal beyya hayteh, «A kitaabal tanim macaay? Ikriyey!» intek, woo num «Anu aham akriyu mabicsa. Macaay intek alifit taniih, fakiimeh akak wayta asta le'kkah makriya» axcele.

Yasaqya 3:12

Urri yi ummattat xukkutah yanih; agbi ken amol yan. Yi ummatey, sin miraacisa mari sin duquurusah, makot sin beyan.

Yasaqya 43:27

Akak radden sin kaxxa abba duma dambit aseh yen; sin afak yabta sin kedoh-abbobti yi yab cinak sugte.

Yasaqya 5:11

Kamrih-maqabah dibroh ugtaah inkih yan carra askiruk kassoowa maraw, woyyow, siinit takku waytaamow!

Yasaqya 5:22

Qinab kamrih agiiray! Yesgellen kamrih maqabah sin aleltam matana'mmay, woyyow, siinit takku waytaamow!

Yasaqya 5:23

Guqul taagah tablen umeynit gexxay intaanaah, qellat sinni mara cakki gee kaltan.

Ermiyaas 14:14

Too waqdi YALLI yok iyyemii, «Ama nabuwwa kinnino iyya mari sin lih edde yaabam diraaba. ‹Yalli nee ruube› 'yaanam siinik iyyaanaah, ‹Yalli wacyih woh nek iyye; ah nek iyye› iyyaana'mmay, toh diraaba. Anu ken maruubinniyo. ‹Wonnah yan saaku woh akkeleeh, ah akkele› axcuk keenih warsaanam tanim hinna. Isinni amok yeyyeeqeenih baahan yaaba.

Ermiyaas 23:13

Duma Samaariyah rasul nabuwwa kinnino iyya mari abe umâ-yabulih tanim ubleh suge. Baqal migaaqal, ‹Woh akkeleeh ah akkele› axcuk sugen. Ta mari yi mara gitak hoxseeh, makot ken beyak yenen.

Ermiyaas 23:16

«Toh too tiya'mmay, Yarusalaam maraw, yoo YALLAY Nabaamak Nabahiyya siinik axcem liyo. Toh macaay inteenik, ama mari siinil yaceem numma makkalina. Deedaltam siinil yaceenim, gee waytaanam geettoonu siinik iyyan. Siinil yaceenim, isinni amok yeyyeeqen yaaba ikkal, anu keenik excem hinna.

Yacedkel 13:7

Anu keenik axceemih: Ama ‹Nubleh› intan wacyi, dirab wacyi. ‹Sarrah woh akkeleeh ah akkele› akak intaanam kaadu, takku waytam hinna. ‹Ah neh warissem YALLA› intan. Diraaba siinik, anu siinih warsem hinna, siinik axceh an.

Yacedkel 44:21

Qibaadâ-Qarik addâ kabu raaqa daarat culan waqdi, qinabak bicsen kamri aaqube waanama.

Hosiqa 7:5

Malik xigla edde abe ayro, kaal malse mari kaa kee kay gubal tan abbobti qinab-kamrit iskirra 'teh hangi keenik akah gexa innah aben. Usuk kaal malse mari abah yan anqaasat gaba yessegelle.

Miika 2:11

A mari faxam dirab keenil yecee nabiy ken duquurusa. ‹Qinabak bicsen kamri kee kamri darah innah siinih caxitele› keenik iyya nabi faxan» 'yaanam siinil gacse.

Cabakkuk 2:15

Sin naqbi kamri inna le. Cuggaaneh siinik tan baaxooxah marah, kamri taceen. Qaybik radak qasunuk qawrat keenik yambullee'gidih kamrit ken taskirisen. Woyyow siinit takku waytaamow!

Cabakkuk 2:16

Migaq elle luk sugten baaxol qaybi sin abbixele. Isin kaadu kamrit iskirra 'teenih qawrat siinik ambulleele. YALLAK migdi gabat tan digaalah kobbaayak aaqubetton. Too waqdi, a saaku liton migaq-gexxoh aftok qaybi sin abbixele.