Yasaqya 28:22 - NABUWWA KEE MALIKWA

²² Ahaysa anqas tayseedeenimi. Cinna hayteenik, axawah edde tanin silsilat kiriqqa siinil heelon. YALLAY Dagelta kinnih, Nabaamak Nabahiyya siinil oobisu waa baati siinil yuckumem yoh warseh yani'mmay, anqas cabtaanam siinih tayse.

Yasaqya 28:22 ပူးပေါင်းရင်းမြစ်များ

2 Aydaad 30:10

Farmoh ruuben mari too farmo Efrayim kee Manassê-kedoh rasul tan magaalooli kee Dablon kedoh rasuk kaadu kilbat le kabuh amma 'yaanam yakke marah inkih warsen. Takkay immay too mari too farmo yoobbe waqdi, asal kee furkacatah ken haysite.

2 Aydaad 33:11

Tonna-leemiik YALLI Assuuriyah qaskarih abbobti Yuudâ rasu akah yabbixen innah abe. Too mari Manasse yibbixeeniih, sanat santiita kaak hayyaay nacaasak bicsen silsilatat uxuyya kaa heenih, Baabelon rasu fan kaa been.

2 Aydaad 36:16

Takkay immay Yalli ruuba Yallih farmoytiitil asuuluk keenil anqaasakaay Yallih yab maaqilak sugen. Ellecabol YALLIH naqabuy kaxxam gibdihiyya keenil oobeh; kay naqabuk num macattiiminna.

Yasaqya 10:12

Tonna-leemiik, Yalli Siyon-qale kee Yarusalaamal abah yaniimik gaba kalu waa saaku, Assuuriyah malik abah yan tirtiraay leh yan kaxxiina kee hidak gexxaamah kaa digaalele.

Yasaqya 28:23

Ankacisaay yi yab oobbeya. Yi yab cubbusaay ayti akah ucuya.

Ermiyaas 15:17

Yasuule mara lih asal kee digirit inni wakti mabaysinniyo. Ku amrih oggoluh, dibuk gacca elle exce'kkel, ableh an umaane naqabu yot qidde.

Ermiyaas 20:7

YALLA lih yaabeeh exceemih, «YALLAW yoo aylahisseh, kol aylahite. Qandeh yok taysem aaxigeh; caylah yok teyseh. Sinam burah af yol raqeeqissaah, anqaasah yol raban. Inkih tan ayro yol anqaasak asan.

Ermiyaas 25:11

Inkih yan rasu abuuruy sahda elle deedalta abeyyo. Baabelon-malikih gabat iysibixe baaxooxa, malcina-tabanih sanat Baabelon xintoh gubat gacele.

Ermiyaas 36:23

Sarrak Yahuudi a warkatak exxak teenak kawsak gaba kale waqdi, woo exxay kawsehiyya gabak kaak beeh gilet irgiqqi heeh, laqsitak suge girah addat qide. Inkih tan warkatay kutbe elle tanihiyyak kawsak gaba akak kalinnaan gali gabah addak kaak beyak, inkih tan warkat selli haam fan girat qidak suge.

Ermiyaas 39:7

Tohuk gaba kalla hee waqdi, namma inti kaak yeyyeqsiiseeh, sarrak Baabelon-rasu fan kaa beyaana'gidih, silsilatat uxuyya kaa hee.

Yacedkel 22:14

Anu koo digaalu waa saaku gaba yot maay gacsetto? Tahat yabtam yoo YALLAY Mulki lehiyya; excem duudusa Dagelta kinniyo.

Naacum 1:9

YALLAL macah malissan? YALLI sin baysele. Inki adda kaal saduh gacaanamah, nammayhaak maqagtan.