Yasaqya 28:21 - NABUWWA KEE MALIKWA

²¹ YALLI duma Faraadim-qalel akah abe innah siinit ugtele. Gibqon-Golol akah bagcarrite innah siinit bagcarritele. Isi taamay isin kaak akkaluk suge waytaana abele.

Yasaqya 28:21 ပူးပေါင်းရင်းမြစ်များ

2 Samuwel 5:20

Too waqdi Dawud Baqal-Faraadim fan gexeeh, qeebi keenit abeeh, tokkel keenik yeyseh. Sarrak iyyemii, «YALLI yi naqboytit weeqi innah duufut bee» iyye. Tohuk gexxaamah too aracak migaaqah Baqal-Faraadim iyyen.

2 Samuwel 5:25

Too waqdi Dawud YALLI kaak ab elle inxicca 'ye innal abe. Tohuk gexxaamah, Filistiin-mara Gabaq-rasuk xabba haanamaay Geser-rasuh amma 'yaanam salafak xiiriyak been.

1 Aydaad 14:11

Yallak too gacsa gee waqdi, Baqal-Faraadim deqsita aracal qeebi keenit abeeh keenik yeyseh. Keenik yeyse waqdi, «Yalli yi naqboytit weeqi innah yi duufut bayse» 'yaanam iyye. Too aracak Baqal-Faraadim akah iyyeenim tohu.

1 Aydaad 14:16

Dawud Yalli kaak elle inxicca 'ye innal abeeh; tohuk gexxaamah, Filistiin-mara Gibqon-magaalak xabba haanamaay Geser-magaalah amma 'yaanam salafak xiiriyak been.

Yasaqya 10:12

Tonna-leemiik, Yalli Siyon-qale kee Yarusalaamal abah yaniimik gaba kalu waa saaku, Assuuriyah malik abah yan tirtiraay leh yan kaxxiina kee hidak gexxaamah kaa digaalele.

Yasaqya 28:19

Bala qaraanak siinit elle amaatinnaanimil sin baysele. Bar siinit amaateleeh, laqo siinit amaatele'mmay saabo sin cabsiisele» iyye. Ta farmok maqna teexegeenik, kaxxa hagga siinil akkele.

Yasaqya 29:14

Tohuk gexxaamah anu ta maral ablewaynuh taniimiy kaxxa cunxoh akak cunxutoonu waanahiyya baaheyyo. Oson kasloytiitih lon marih kas foyya abeyyo. Ken maray bagi cubbi luk yenek woo cubbi foyya abeyyo» iyye.

Yasaqya 29:23

Macaay inteenik, anu siinih acee xaylo tabloonu waytan waqdi yoo aqbudetton. Yaqkuub doore Dageltay kudduusuk-yani kinniyom yok aaxigetton. Yi migaq aynabetton. Yi meysi xagarat siinik culele.

Yasaqya 64:2

Gira boco elle urussa'nnah, too girah bagul lee akah facta'nnah amaay qandek litom isi naqboytit uybulluyaay; baadal tan ummatta ku foocal akah axaxitta innah keenik ab.

Yasaqya 65:7

Anu siinik axcem liyo: ‹Sin kaxxa abbobtih dambi kee isinnih edde assen dambih anu digaaleyyom siini. Tohuk sabab yoo esserteenik, qaleela kee koomam amol cado akak carrisan sadgat abeenih yoo xaafak sugen. Duyyeeyah qibaada elle aben. Tonna leemiik tohuk gexak oson edde asen umaane tohul taguude digaalah digaale ken liyom digga› » 'yaanam axcuk YALLI yaabe.

Ermiyaas 30:14

Naqboytat aban atka siinit abe; siinit tekke digaala, gibdi digaala. Toh siinik akah abem, dambi siinik manguk sugeeh; edde sugteenim kaxxa umaane kinniimih sabbata. Tonna leemiik qalla-sin-lih-luk-suge-mari sin hawweenih; siinit waanam malon.

Yacedkel 33:21

Seewah nee edde been taban kee nammahaytô sanatak tabanhaytoh alsak konoyhaytoh ayro, Yarusalaamak yoowweh yemeete num yol yemeeteeh, «Yarusalaam makko tekkeh» 'yaanam iyye.

Cabakkuk 1:5

Tohuk lakal Yalli isi ummatak iyyeemih, «Ama dariifal siinik tan doolatwa wagga haay, tokkel takkem tabloonu waytaanam kaxxa qagab siinil akkele. Taabbeenimih numma siinit ceele waytaamay qagabak tanihiyya isin addunyâ bagul anih abeyyo.

Yoosuwa 10:10

Gibqoonul YALLI, Israayil marih foocal, Amoorâ-mara fixixiseeh, qeebit akah baditan innah keenik abe. Too waqdi YALLI ken catak, woo qalek akak taban gitak keenit aben ardah Beet-Coron deqsitta magaala fan ken baahen. Qadeeka kee Makkeda deqsitta namma magaalak gabbi qaxa raaqa arac fan gital ken qidak ken baahen.

Yoosuwa 10:11

Amoorâ-mari Israayil marak woo qalek ooban waqdi, akak taban gitak kudak oobak sugen waqdi, YALLI kaxxa arroqle keenil ruubeeh; too arroqle Qadeeka guffa haanam fan keenil radak sugte. Israayil marih gabat tembexeemik, too arroqle qiddem tembegge.

Yoosuwa 10:12

Too ayro YALLI Israayil mara Amoorâ-marak yiysiise waqdi, Yoosuwa YALLA lih yaabeeh; Israayil mari elle yani'kkel iyyemii, «Ayroy, Gibqon magaalah amol idiy. Alsay, Ayyaalon dorrih amol idiy» iyye.