Yasaqya 28:17 - NABUWWA KEE MALIKWA

¹⁷ A magaala edde massowtu waytam, qadaalata. Sekexih gexxaamak cakki kee qadaalat tet sooliseyyo. Diraabay isin elle taamineenihiyya bayseyyo. Isin uqurah liton arac weeqi duufut beele.

Yasaqya 28:17 ပူးပေါင်းရင်းမြစ်များ

2 Malikwa 21:13

Samaariya kee Israayil-malikih yen Acab kee kay buxah mara akah digaale innah, anu sin kaadu digaaleyyo. Yarusalaam-magaala, teetil suge marak foyyah tet cabba heeyyo. Bagul sugtem akak duugeeniih deeriik afah korsen sacnih innah, foyyah tet cabba heeyyo.

Yasaqya 10:22

Away Israayil mari mangah baddi afih qiddeh gide yakkeemih dago mari aduurele. YALLAY Dagelta kinnih, Nabaamak Nabahiyya inkih tan baaxooxat «Abeyyo» iyye baati elle inxicci 'ye innal abe leemih sabbatah, Israayil-ummattat «Abeyyo» iyye baati bical taniih; a baati keenih elle taguude innal keenit akkele.

Yasaqya 25:4

Baaciteeh yossomme marah reebu kinnito, Dageltaw. Gadaama kaa tabbixe way gabat tu sinni miskintuh reebu kinnito, Dageltaw. Too maray ayro carrissah caaco kee rob qayyaawise, reebissah, ken silaalissa. Xuwaw maleelah umaane kaxxa caacoy xeet taggileh inna le'mmay tu mabahta.

Yasaqya 28:15

«Nee kee rabi fanal qahdi yan. Nanu akeera lih bica hayne» intan. «Duufut sinam beya weeqayti yamaate way nee mabeya» intan. «Silac nek duquurusiyya» intan. «Dirab kibaalah nek yan» intan. «Bala qaraanak tamaate way, nee maxagta tu mabahta» intan. Tirtirissan; tahal falmittan.

Yasaqya 28:2

Dagelti gabat lem oobbeya. Qande le celemiy kuwwat le, atkaay qeebi keenit aba'gid gabat leeh; bical yabbixeh yan. Usuk mamaata abu waa saaku, arroqley kaxxam gibdih gurrah, kullim bayissa caacoh innah, kullim duufut beya weeqi'nnah, amaatele, gufele tokke. Toh inkih baaxol oobisele.

Yasaqya 30:18

Tonna'mmay YALLI, tohuh, isi niqmat siinil oobisam faxaah; kaadu siinih racmata'gidih ugtele. Macaay inteenik, YALLI cakki le Dagelta kinni. Kaal kibaal haa mari ruffu iyya mara.

Yasaqya 30:28

Kay ufuy kaxxa weeqay kullim duufut beyahiyyah bis le. Baadal tan doolatwa yaqiyyireh, finqa ken abele. Baadal tan ummatta badseleeh, santiitat hayya ken heeh makot ken beele.

Yasaqya 32:2

Keenik kulli num caacok edde rebsiman reebu akkele. Kaxxa roobuk edde yaggarren reebu akkele. Bakarroytal geen darah gexxa leeh bis aallele. Caxa-sinniih reebu-sinni bacarik-bagul, silal le boolok baguk radda iraawoh bis aallelon.

Yasaqya 5:16

Too waqdi YALLAY Nabaamak Nabahiyya gitah tanim abeleeh, tonnal leh yan nabna kaak ambulleele. Isi ummattal yackume waqdi, *kudduusuk yan Yalla kinnim kaak ambulleele.

Yasaqya 61:8

Macaay inteenik, yooy YALLAH yani qadaalat kicna. Cado akak carrisan sadgatak tu cabaanam niqibiyo. Liyoh an diggal inni ummattah galto gacseyyo; baye sinni qahdi ken lih heeyyo.

Ermiyaas 19:7

« ‹Ta aracal Yuuda kee Yarusalaam mari abba haa mala keenik foyya abeyyo. Ken naqboytit qeebih keenik aysiiseyyo. Carbit ken qidsiiseyyo. Raysa keenik guma kee garboh alluwwah maaqo abeyyo.

Ermiyaas 23:19

YALLIH naqbi mermeritta-caacoh gideey; umeynit baysele.

Ermiyaas 7:14

Tonna leemiik duma Siilol baahem, ta saaku kaadu, ta yi migaq elle yan yi Qibaadah-Qariy sin kee sin kaxxa abbobtih eceeh, isin kaxxam amo elle meqitoonuhiyyal baaheyyom ixiga.

Ermiyaas 7:20

Tonna leemiik YALLAY Mulki lehiyya iyyaamah, «Ta Qibaadah Qariy oson kaxxam edde yakkaleenihiyyal inni naqabu oobiseyyo. Yi naqbi tohut mayaadiyay, ummatta kee alak-alaakulleytal kaadu oobele. Coox kee tooboke daroh agantah elle oobele. Yi naqbi giray sahdayti barguse waahiyya kinni» iyyah yan.

Yacedkel 38:22

Toh lih kaadu dalka kee qabala tittak caxeloonuuh, tohul ken digaaleyyo. Kaa kee kay qaskar kee, wohuk kalah yan maray kay xaquk gacca 'yeh qeebih gulguluh yanihiyyal, kaxxa roobuy gira kee dani (xalol kibrik) agleh yanihiyya keenil ruubeyyo.

Daaniyel 11:22

Naqboytiitih kaak tan qaskarat qeebi abeleeh baysele. Too qaskar dibuk hinna'mmay, kaxxa seekih agantah baysele.

Naacum 1:8

Isi naqboytit kaxxa weeqih duufut ruuba. Kaa niqba mara inkitanuuk bayisah.

Yoosuwa 10:11

Amoorâ-mari Israayil marak woo qalek ooban waqdi, akak taban gitak kudak oobak sugen waqdi, YALLI kaxxa arroqle keenil ruubeeh; too arroqle Qadeeka guffa haanam fan keenil radak sugte. Israayil marih gabat tembexeemik, too arroqle qiddem tembegge.