Yasaqya 28:15 - NABUWWA KEE MALIKWA

¹⁵ «Nee kee rabi fanal qahdi yan. Nanu akeera lih bica hayne» intan. «Duufut sinam beya weeqayti yamaate way nee mabeya» intan. «Silac nek duquurusiyya» intan. «Dirab kibaalah nek yan» intan. «Bala qaraanak tamaate way, nee maxagta tu mabahta» intan. Tirtirissan; tahal falmittan.

Yasaqya 28:15 ပူးပေါင်းရင်းမြစ်များ

Yasaqya 28:18

Sin kee rabi fanal yan qahdi bayele. Akeera lih hayten bici gaba kalele. Duufut sinam beya weeqayti yamaate way duufut sin beele.

Yasaqya 28:2

Dagelti gabat lem oobbeya. Qande le celemiy kuwwat le, atkaay qeebi keenit aba'gid gabat leeh; bical yabbixeh yan. Usuk mamaata abu waa saaku, arroqley kaxxam gibdih gurrah, kullim bayissa caacoh innah, kullim duufut beya weeqi'nnah, amaatele, gufele tokke. Toh inkih baaxol oobisele.

Yasaqya 29:15

Edde tanin mala YALLAK yaaqurem yakkale maraw, sinim tekkeh! Uma-taama bar ditet abaah, «Nanu abnam iyyi nek yableeh, iyyi yaaxige?» 'yaanam intan.

Yasaqya 3:12

Urri yi ummattat xukkutah yanih; agbi ken amol yan. Yi ummatey, sin miraacisa mari sin duquurusah, makot sin beyan.

Yasaqya 30:10

Takku waytam sirrih table awliyak, «A sirrih mabuluk raaqa» iyyan. Yallih farmo bahta nabuwwak kaadu, «Hununuh taniimik bagul hayya mahanay, ceetaalissa haay, nanu naabbem elle fanxa innal neh warisa» iyyan.

Yasaqya 30:12

Isin toh inteenik, Israayil doore Dageltay *Kudduusuk yani siinik iyyamaa, «Anu sin lih yaabe yab cinna hayteenih duquurusiyyal yeemeneh, ayrisiyyal kibaal haa mara takkeenim siinih teysek,

Yasaqya 30:28

Kay ufuy kaxxa weeqay kullim duufut beyahiyyah bis le. Baadal tan doolatwa yaqiyyireh, finqa ken abele. Baadal tan ummatta badseleeh, santiitat hayya ken heeh makot ken beele.

Yasaqya 30:9

Macaay inteenik, oson kulli way Yalli faxe waam aban. Aamanti-sinni-xayloy YALLI keenik iyyam oggole waytahiyya kinnon.

Yasaqya 44:20

Ballaaqet aben daacoh gide ikkal, tuxxiq lem hinna. Oson ceele-waytiy duquruk kalih mari edde ase waahiyyat asaanaah; ahak ken cataanam faxaanamah akak duude waan caddoh yemeeten. Ta mari ta ceeloy gabat loonuuh yaqbudeenihiyya yalla hinnam keenih matambulla.

Yasaqya 59:3

Diraabat yabtaanaah, kullim dirkih abtaanaah, qabal gabal siinik yan. Toh inkih qellatay isin abtaana.

Yasaqya 59:4

«Qadaalat faxximtaama» iyya num mayanaay, cokmi-buxal qadô-baguuk yaabe num mayan. Foyyah taniimil kibaal haanah, diraabat yaabaanah, umam malsaanah, umaane aban.

Yasaqya 9:15

Amo keenik idoolay oson assakaxxuk sugeeniiy; geerah keenik tanim, nabuwwa kinnino iyya maray dirab acayuk sugehiyya.

Ermiyaas 13:25

‹Sin ellecabo tamaha› siinik axce. Yoo cinteenih, gabak bicsen duyyel teemeneeniih; tohuk gexxaamah anu siinih malsem tamaha. Tah intam yoo YALLA.

Ermiyaas 14:13

Too waqdi anu excemii, «YALLAW, Mulki le Dageltaw, nabuwwa, ‹Ahak wadir carbi mayanaay qulul mayan. Yalli a baaxo kulli waqdi amaanah xiiniseyyo nek iyyeh qahdi neh cule› axcuk, ummattah warsan» 'yaanam exce.

Ermiyaas 16:19

Too waqdi anu excemii, «YALLAW, qande yot haytam koo. Umaanek reebu yoh takkem koo; gadaamak eleelitam koo. Baadal tan ummatta baaxô-maggaraqak koo fanah amaateleeh, ‹Ni kaxxa abbobti tu xiqe sinni xeet kee cooxuk bicsen duyyey yalla 'yeenih yaqbudeenihiyyak sah gabat midirih tu luk masuginnon.

Ermiyaas 44:17

Ninnih abnam faxak sugnem abenno. Duma nee kee ni kaxxa abbobtiiy ni malikwa kee nek saqoltih yan mari, Yuudâ-magaalooli kee Yarusalaam gitittel, gannat-malikáh faaroh qinabak bicsen kamri baahak sugeeniih, teetih sadgat elle abak sugen innal, nanu ta saaku uxih tonnal abenno. Toh abak nen saaku gaddaloolah sugneeh, buxa nek niqmatah sugte. Waynaah akak ceyinnam luk masuginnino.

Ermiyaas 5:12

Yallih-mari YALLA cineeh, iyyeenimih, «YALLI abaamah lem mali. Nanu kaadu ahaysa gibdaabinah linom mannu. Ahaysa carbi kee qululuh nabalu waynam mannu.

Ermiyaas 5:31

Toh macaay inteenik, nabuwwa diraabak sa nummat yaabe waytam tibbixe. Seeka nabuwwa aba intem abta. Yi mari tohum yableh immay akak iyyam mali! Hay meqehik, ellecaboh ayroy kullim gaba edde kalta maca abetton?» 'yaanam siinik iyye.

Yacedkel 13:16

Ane waah yan amaanah ‹Amaan yani› axcuk, Yarusalaam maral dirab yecee mari too saaku masuga. Tahat yabtam yoo YALLAY Mulki lehiyya» 'yaanam yok iyye.

Yacedkel 13:22

«Yi maray cakki gital yaniih, anu umam elle baaham faxe waahiyyak niya taggilen. Uma taamat yan mari, woo uma taamak eweqqa 'yeh meqe manoh xiinaanamak, adaf keenil takken.

Yacedkel 22:28

Nabuwwa qari irok noorat yaskute marih innah, ta umaaney takkehiyya yastureenih; able ween wacyi nubleh iyyaanaah, akke waytu waytam akkele iyyan. Toh Yallak geyne xaagu iyyan. Yoh tu gactek, anu tu keenik maxacciyo.

Yacedkel 8:12

Too waqdi Yalli yok iyyeemih, «Ama Israayil idoola sirrit abta taama tablem hinna? Tasaawirik kibuk yan qarih addat duyye yaqbuden. Oson tah akah abaanam, ‹YALLI a baaxo cabeh ikkal, nanu sirrit abnam nek mayabla› 'yaanama» yok iyye.

Daaniyel 11:22

Naqboytiitih kaak tan qaskarat qeebi abeleeh baysele. Too qaskar dibuk hinna'mmay, kaxxa seekih agantah baysele.

Daaniyel 9:27

Too malik inki malciin-gide mango marah bica abele. Woo malciinik garab taturra 'ya waqdi, ummatta abak sugte sadgat kee mattaco inkih abe ken kalele. Yalli faxe baati too ikke amma 'tam fanah, kaxxam umâ-yabulih tanim Yallih Qibaadah-Qarik fayya 'ta aracal heelon. Tamah nagay cubbusay mahawweenin» yok iyye.

Hosiqa 2:18

«Too saaku alak alaakulleyti yi mara xage waa'gidih, qahdi heeyyo. Carbi edde abba haan silaacak seef kee gaysê-baxa baaxok ayyaaqeyyo. Yi ummat amaanah xintay 'yaanam axceyyo.

Qaamus 2:4

Kaadu qagissa heeh iyyemii, «Aham YALLI iyyaama. Yuudah yooboke mari fiiruk geerah dambi le taama abeenih; tohuk gexxaamah ken digaaleyyom digga le. Yoo YALLI, aba keenik exceemit maqal haysite cineeniih, yi amriy aba keenik excehiyyal anqaasah haysiten. Oson akak raden ken kaxxa abbobti aqbuduk sugte duyyey xeet kee cooxuk bicseenihiyyah qibaadat gacen. Tohuk gexxaamah makot gexa mara yekken.

Qaamus 6:13

« ‹Lodabar magaala nibbixeh› axcuk elle tirtirissan. ‹Karnaayim magaala ninni qandet nibbixe› axcuk hidah elle rabtan.

Yoonas 2:8

Tuxxiq sinniimil yaamine mari YALLAY cato yacee caban.

Xafanya 1:12

YALLI kaadu qagseh iyyeemih, «Too ayro gabat faanus hayya heeh Yarusalaam magaala gorriseyyo. Isil kaxxa kibaal le maray isit kaxxam yakkalehiyya digaaleyyo. ‹YALLI abba haamah lem mali. Meqem neh maabaay; umam nel mabaaha› iyya mara digaaleyyo.