Yasaqya 28:12 - NABUWWA KEE MALIKWA

¹² «Offoofiyaay, ahaysa uqrufa; taqbe marak uqrufa inxica» siinik axcuk sugtem Yalla'mmay, takkeenimik Yallih-yab cinten.

Yasaqya 28:12 ပူးပေါင်းရင်းမြစ်များ

2 Aydaad 14:11

Tokkel qeebi radaamak dumal, Aasa YALLAY isi Dagelta kinnihiyya fan dooqa abeeh; dooqah iyyeemih, «YALLAW, boola-le-qaskar cayla-le-qaskarak qeebil taysiisem koo. Nanu, ni Dageltaw, kibaalah linom koo kinnuk, a gid takke qaskaray loowo sinnihiyyat qeebi abna'gidih ku migaaqal ugunneh nan. YALLAW, nee cat; nee doortem koo. Kok taysem matana» iyye.

Yasaqya 11:10

Too ayro Dawud abbah yan Yiisak rade num, baadal tan ummattah inkih asta yakku waa simbil akkele. Mango mari kas kee fayu kaak beetelon. Usuk elle yan ikkel muxxo le nabna gacele.

Yasaqya 29:12

Akriye waa numul beyteeh kaadu, «Yoh ikriyey» intek, «Aleey anu kawsa maaxiga» 'yaanam axcele.

Yasaqya 30:15

Mulki le YALLAY Israayil doore Dagelta kinniih *Kudduusuk yanihiyya iyyaamah, «Amay yol uduuray yol eemena; tonnal waddiimetton. Macisabbootinay kibaal yol hayisa; tonnal qande geetton» 'yaanam iyya'mmay, isin wohim cinteenih.

Yasaqya 32:17

Kulli num cakkik-tan-maqaane le gitat gexeleeh, tohuk gexxaamah cisab mayalla; daayiman baaxol amaan gaceleeh nagay aniina anele.

Yasaqya 32:18

YALLIH mari isi buxal cisaabak amaanah xiineleeh; gadaamak affoofele.

Ermiyaas 44:16

«YALLI yoh warse akak inta yaabay taway neh warisak sugtehiyya kok cinneh!

Ermiyaas 6:16

YALLI isi marak iyyeemih, «Giti elle yangale maglallal solla inxicay baaxo wagitay! Dumî dabaanal sugte gititte cubbusa. Yayse gitay siinih yascassoonu waanahiyyat gexa. Too gitat gexxeenik, amaan geetton» iyye. Takkay immay toh keenih warse waqdi kaal gacseenimih, «Aleeyyah yayse gitat magenna» iyyen.

Zakariyya 7:11

«Takkay immay yi mari yi yab cineeh, darre yot cabba haak misinkaca isinnik alfeenih.

Zakariyya 7:14

Kaxxa caacay guddaafa duufut elle beya'nnal, ken baaxok eyyeqqa ken heeh, marin baaxo fan ken iskiliqe. Tonnal a xaqan le baaxo dibuk raqteeh, dibu tekkeeh; a saaku num teetil mayan» kaak iyye.