Yasaqya 27:12 - NABUWWA KEE MALIKWA

¹² Too ayro YALLI, Furaatak xabba haanamaay Masri cuduudul yan daqaarah amma 'yaanam fan, Israayil ummat gaaboysele. Isi mara gaaboysele. Kamadik caffa elle baxsan innal, ken baxisak ken gaaboysele.

Yasaqya 27:12 ပူးပေါင်းရင်းမြစ်များ

1 Malikwa 8:65

Qibaadâ-Qaril Suleeman kee inkih tan ummatta Iraawô-Dabih-Qiid deqsita qiidih YALLAY ni Dagelta kinni aynabukuuy africuk malcina ayro qiidih asen. Too qiidih gaaboowe mari kaxxam manguk yeneeh; Camat deqsitta daabak xabba haanamaay Masri cuduudul yan daqaarah amma 'yaanam baaxok inkih mango mari woo qiidih yemeete.

Nacmiya 1:9

Tonna'mmay tohuh, yol tuduureenik, aba siinik axcem oggolla hayteenih abteenik, inkih yan baadal sin fixixisaamah, yoo elle taqbudoonuh doore arac fan sin gacseyyo› nek inteh ten.

Yasaqya 17:6

Dago mari keenik raaqele. Israayil mari *daytuun caxay xaylo inkih akak ifiilla heenih, namma *daytuun akkeey sidooca *daytuun akke amot akak raqte akke kee, hinnay kaadu, gubi luddat dago xaylo akak raqtehiyya innah gacelon. Ah intam yoo YALLAY Israayil doore Dageltah yanihiyya kinni» iyye.

Yasaqya 49:5

Taway YALLI yo'lih yaabe. Aabukeemik dumal elle, inâ-bagut akah anih, YALLI isi naqasu yoo abe. Isi naqasu akah yoo abem, Yaqkuubuk rade kay mara kaa fan gacissa haa'gidi. Israayil xayloy fixixxe, kaa fan gacissa haa'gidi. YALLIH garil nabna liyo; Qande akak liyom yi Goyta.

Yasaqya 56:8

YALLI Israayilik fixixeh suge mara ittah gacsa. Kaay Mulki le iyyeemih, «Kaadu gersi maray keenit yangalu waahiyya baaheyyo» 'yaanamah xagna cule.

Ermiyaas 3:14

Qagissa heeh iyyamaa, «Imaan maleelay! Yi mara kinnitoonuk, yol uduura. Sin Dagelti yoo. Kulli magaalak num-num siinik beeyyooh, kulli gulubuk kaadu namma-namma num siinik doorru heeh, sarrak Siyon qale fan sin beeyyo.

Ermiyaas 44:28

A carbik tasillimu waytaah Yuudâ-baaxo aleelittu waytam, dago mara. Tohuk wadir Yuudâ-marak saaboh raaqe mari, yi yab numma kinnim kee sin yab numma kinnim ablelon.

Yacedkel 20:34

Ama fixixih elle tanin baaxok sin bahha heeh inki aracah sin gacisu waa saaku, yi gabay qande le kee, abeh an bagcarra sin aybulleeyyo.

Yacedkel 20:41

Isin fixixih elle sugten baaxok sin eyyeqqaay titta fanah sin gacissa heek sarra, isin teceen sadgatay yoo ruffa heehiyya akah oggole'nnah, sin oggoleyyo. Sin addal abu waamat, gersi baaxol yan mari taahirik anim yok aaxigele.

Yacedkel 39:25

YALLAY Mulki lehiyya iyyeemih, «Anu a saaku, Yaqkuubuk rade marah racmateyyo. Ahak sarra akah sugen gaddaleela ken abeyyo. Inni migaaqay taahirik yani dacriseyyo.

Yacedkel 47:19

«Gabbi qaxat raaqa cuduud akak qimbisam, gabbi-qaxat raaqa Tamaari deqsita araca. Tokkeek Kaadis-Mariiba deqsita illalta kee Masri cuduudul yan daqaarah amma 'yaanamaay Maditraaniyah bad fan yakke.

Qaamus 9:9

Israayil mara yanfiyen daroh innah ken anfiyeyyo. Marin marih addat ken fixixise waqdi, ken addak uma mara ayyaaqeyyo.

Zakariyya 8:7

Inni mara seewah been baaxok gacseyyo. Ayrô-culma kee ayrô-mawqak ken baaxo fanah ken gacseyyooh,

Yoosuwa 15:4

bisoh Qaxmon deqsitta magaalah amma 'yaanam fan gufak yen. Tokkeek kaadu Masri cuduudul yan daqar katayak, Maditraaniyah bad fan guffa hayta baaxo inkih kenimik ten. «Israayil maraw, gabbi-qaxal sin baaxoh cuduud tonnal sugele».