Yasaqya 26:16 - NABUWWA KEE MALIKWA

¹⁶ «Ku mari gadaamite saaku, ken digaalteeh adbisse saaku, catoh koo fan yemeeten, YALLAW, isinni bagut dooqa abiten.

Yasaqya 26:16 ပူးပေါင်းရင်းမြစ်များ

Yasaqya 37:3

Malik keenil ruube farmo kaah warseeniih iyyeenimii, «Malik ku fanah farmo nel ruubeeh, nek iyyemii, Nabi Yasaqyak, ‹A saaki nek biyak ayrooy; digaala net tekkeh tan. Addat akak nanim, qaybih taniimi; lacawat tan barray xaltu taffarehiyya nekkeh nan.

Ermiyaas 2:27

Yoo fan tafkuneenimik, darre yot cabteeniih, caxak, ‹Ni-ina› intaanaah, xaak, ‹Ni-abba› intan. Takkay immay gibdaabini siinit yakke waqdi, ‹Yallaw, nel uduuray nee wad›, yok intan.

Ermiyaas 22:23

Lubnaan rasuk baahen sariidak bicsen qarwat yan malikow, kaxxa biyaakay akah araadaqissahiyya koo abbixele. Dabbaqanta barrah innah iihisetto» 'yaanam iyye.

Ermiyaas 29:12

Yoo kallacettoonuuh dooqa abetton. Anu kaadu sin dooqa kee kallaci raabiteyyo.

Hosiqa 5:15

Yi mari dambik abeenimil yoo qaddoowe'kal, keenil maaduura. Gadaamah addat yanin waqdi, yoo kassiteloonuuh yoo gorriselon» iyye.

Hosiqa 7:14

Afqadook yoo maqbudinnon. Dooqa aban waqdi, gitat tet maaban. Takkay immay daffa 'yeenih diini-maleela akah abta'nnah, waxxaq axcukuuy boogisak aban. ‹Baaxol daro kee qinab nee mawaysiisin› axcuk dooqa aban waqdi, diini-maleela akah abta'nnah, xagar isinnik qanxisan. Yoo cineeniih darre yot caben.

Makaabon 10:15

Israayil mari too waqdi YALLAK iyyemii, «Nanu dambi lem bahneeh; sarrak faxxem nek ab immay, awayih ibak a umaanek nee cat» kaak iyye.

1 Samuwel 1:15

Is too waqdi kaak inteemih, «Yi saqalow, sikrat mayyu. Maskirinniyo. Cisaabah bagi akak yankakamme barra kinniyooh, liyoh an ceya YALLAH warsitah kaa kallacak suge.