Yasaqya 26:15 - NABUWWA KEE MALIKWA

¹⁵ Ni baaxo kaxxa rasuh hayte; YALLAW, tet kaxxa rasuh hayte. Baaxo dumak baguh teymeggeh. YALLAW, atu litoh tan nabna, baadal doolatwa takkeemik, aaxaguk maacisele, YALLAW.

Yasaqya 26:15 ပူးပေါင်းရင်းမြစ်များ

1 Malikwa 8:46

«Dambit ase waa num mayanaay; tohih sabbatah ku mari dambi lem kol baahen ken tekkeeh, tohuk gexxaamah ku naqbi keenil oobeeh, naqboytit gabal ken hayte koo tekkeh, woo naqboytit xer baaxo takkuu, xayi baaxo takku, seewah ken been ken tekkek,

2 Malikwa 17:23

Sarrak ellecabol, isi nabuwwak akah inxicca 'ye innal, isi garik ken xiiriyeh. Tonna-leemiik Assuuriyah-baaxo ken yiskiliqeeh tokke fan seewah ken been. Ta saaku fanah tokkel yanin.

2 Malikwa 23:27

Tohuk gexxaamah YALLI iyyeemih, «Duma Israayil-marak abba heem Yuudâ-marak abeyyo. Yuudâ-mara inni foocak kaleyyo. Yarusalaam-magaalay inni magaala akak exceh suge kee, Qibaadâ-Qariy yoo elle yaqbudoonuh doore excehiyya yim hinna» 'yaanam iyye.

Nacmiya 9:23

Qaraanal cutuuka takkeh gide xaylok keenih tecee. Ken abbobtih xagana akah culteh sugte baaxol, dabaaqah ken hayte.

Yasaqya 10:22

Away Israayil mari mangah baddi afih qiddeh gide yakkeemih dago mari aduurele. YALLAY Dagelta kinnih, Nabaamak Nabahiyya inkih tan baaxooxat «Abeyyo» iyye baati elle inxicci 'ye innal abe leemih sabbatah, Israayil-ummattat «Abeyyo» iyye baati bical taniih; a baati keenih elle taguude innal keenit akkele.

Yasaqya 33:17

Inti siinik qaxa-le-malik ablele. Usuk reedah elle yan baaxo kulli kabuk ambulleele.

Yasaqya 40:5

YALLI le nabna kee migaq, ambulleeleeh, qaddoowele; ummat inkih tet ablele. Taham YALLI isih iyyeemi; dumaak xagna akah culeemi» 'yaanam inte ta xongolo.

Yasaqya 44:23

YALLI isi taama abeh yanik, qaraanow ifric; ifricay qililis. Baaxoy kaadu ifricay qililis. Qaleela kee garbol yooboke cooxow, ifricay qililisa. YALLI Israayil ummat wadeh; isi qax-maqaane Israayil ummattat aybulleele.

Yasaqya 6:12

Sarrak ummatta inkih xer baaxo askiliqeyyo. Baaxo inkih dibuk raaqele.

Yasaqya 60:21

Ummatta cakkik-tan-taamah taamitele; baaxo kulli way kenim akkele. Liyoh an qax-maqaane keenil elle tambulle'gidih, ken bicisseeh ken daabissem yoo.

Yasaqya 9:3

YALLAW, ken teyderreh mango mara ken abetto. Kaxxam ruffu ken heetto. Sahda buqrek daro orbissa waqdi kee dannabah orbiseenim kurrasitan waqdi elle wallitan gurral, ku foocal wallitelon.

Ermiyaas 30:19

Wokkel yan mari Yallah candu gacseleeh farcih qililiselon. Anu keenit hayu waa barkatah andarrelon; yi barkatah sahda tassakaxxe mara akkelon.

Ermiyaas 32:37

Duma abeh an bagcarrah ken fixixiseyyooh, baaxo ken cabsiiseyyo'mmay, wadir gaabossa ken heeh, a baaxo ken gacseyyo. Akke gacissa ken heeh, tohuk wadir amaanah ken xiiniseyyo.

Yacedkel 36:24

Macaay inteenik, kulli doolat kee baaxoh addak bahha sin heeh, sin baaxo sin heeyyo.

Yacedkel 5:12

Ummatak sidochaytoh af siinik qulul kee dalkah magaalak addal ambaxele. Aki sidooca af kaadu magaalak afal seefit selelon. Raaqe sidooca af kaadu affara kaalibil caacayat ruubeyyo. Sarrak innih seef luk ken ayraddeyyo. Tahat yabtam yoo YALLAY Mulki lehiyya.