Yasaqya 26:14 - NABUWWA KEE MALIKWA

¹⁴ Mayanin, alqo, boodo oobeeniih; Mayaduuran; kabrik muugutan. Ken digaalteh ken bayisse'kkal, aysa rooci keenil magaca. Ahak wadir ken kassam matan.

Yasaqya 26:14 ပူးပေါင်းရင်းမြစ်များ

Yasaqya 10:3

Hay, Yalli sin digaalu waa saaku macaa abetton? Yalli xer baaxok temeete bala siinil oobisek, maca abetton? Catoh iyya fan ardetton? Teddereenim anket aaquretton?

Yasaqya 26:19

«Ku marak rabtem anuwwele; ken xagaral rooci gacele. Kabri culteeh diiko nagartem anuwweeleeh, qilila abele. Kafte qayso naafi doogisaah, Yalli rabtem tonnal doogise.

Yasaqya 29:6

YALLAY Nabaamak Nabahiyya qaran-kakkaqooy baaxoh-angoyya kee ibak-gibdi-xongolo ruubele. Tonnah kaadu, kaxxa caaco kee caacay kee sinam takme gira ruubele. Yarusalaam mari tohuk cattiimele.

Yasaqya 37:19

Too mari Yallih aftoh luk suge duyye keenik carriseenih foyya abeenim numma. Takkay immay woh sahdayti isi gabak xeet kee cooxuk bicse duyye ikkal Yalla hinna.

Yasaqya 8:19

Takkay immay sahda, «Ramli qida mara kee kalluwalley tutuc intak xaagu aba» siinik intu wayta waqdi, isin, «Xaagu kalluwallek abtaanamak, Yallak macah abe waytan? Yan marih xaagu rabe marih roocik macah abtan?» 'yaanam keenik axcetton.