Yasaqya 26:11 - NABUWWA KEE MALIKWA

¹¹ YALLAW, isi-gaba ugusse'mmay, toh mayablan; edde maradan. Isi marah lito kacanu, ableloonuh; wacarriyelon. Koo niqbam girat ambaxele.

Yasaqya 26:11 ပူးပေါင်းရင်းမြစ်များ

Yasaqya 1:31

Caffaytu girat qidan way elle carara innal, cayla leela isinni uma-taamat cararele. Ta baatik num sin macata.

Yasaqya 10:16

Tonnal hay, YALLAY Dagelta kinnih, Nabaamak Nabahiyya kay qaskaray masu nabahiyyat xagar selta dalka ruubele. Usuk le massakaxxak gubal xagarat urta giray baruge waytahiyya ruubele.

Yasaqya 10:17

Yallay Israayil ifuh yani girah innah akkele. Israayil doore Dageltay *kudduusuk yanihiyya habug inta giray inki ayroh addat eqeb kee sibaasib cararissa akkele.

Yasaqya 11:13

Israayil ummatta Yuudah lon kuuxewaynaan kee naqabu cabelon. Yuudâ-mari kaadu Israayil marah kuuxewaynaan kee naqabu bagut maha.

Yasaqya 18:3

Baaxô-bagul yan maraw ankacisa! Qaleh amol qalaamat ugsoonu waan waqdi wagita! Baanta yaaguroonu waan waqdi oobbeya!

Yasaqya 37:32

Macaay intek, Siyon-qale kee Yarusalaam magaalah addak baatik saaboh raaqe mari anele. Taham YALLAY Nabaamak Nabahiyya keenih le kaxxa kacanuk gexxaamah abele.

Yasaqya 42:13

YALLI, celem gaaduh elle gexa'nnal, gaaduh gexele. Carbih gexa num elle gexa'nnal, bagcarritak gexele. Qeebih tirtirisak naqboytiitik aysele.

Yasaqya 44:18

Tannah tanim aba mari, xangi cabe maray abam isik aaxige waahiyya kinnon. Namma inti baaxo tableemik alifit keenik taniih, tu cubbusaamak misinkaca keenik alifit tan.

Yasaqya 44:9

Yallih aftoh yaqbuden duyye bicsa mari foyyâ-mara. Oson kaxxam ruffu edde iyyan duyye tuxxiq sinniimi. A duyyeh sumaaqita mari, tu aaxige waah tu'mabul sinni mara kinnon. Tonna-leemik tahamat wacarriye lon.

Yasaqya 5:24

Tonna leemiik caffa kee qayso elle kafta innal kafettoonuuh, girat cararetton. Ragid siinik soxkele. Qobor siinik kafeh caacay beele. Toh siinit akah takku waytam, YALLAY Nabaamak Nabahiyya isi xintol siinih warsem cinteeniih, Israayil doore Dageltay *kudduusuk yanihiyya aba nek iyyem cinteenimih sabbata. Kay barittot maqal mahaysitinniton.

Yasaqya 59:17

YALLI, qadaalat alil-dacayrî-birtih innah sarteeh, wadu birti-kalabtah innah haysiteeh, canê-gacsa sartan innah sarteeh, bagcarra raraytoh innah haysite.

Yasaqya 60:14

Kot xukkutak yen marih xaylo amaatele; koo yassakaxxeeni'gidih gommoh koh radelon. Duma koo bursutak yen mari ku ibih gubat radeh, ‹YALLIH magaalay! Siyon magaalay! Israayil doore Dageltay *Kudduusuk yanihiyyah magaalay› 'yaanam axcuk koo diyaarelon.

Yasaqya 63:15

YALLAW, qaraanay taahiriino kee nabna luk elle tanihiyyak, nee fan wagit. YALLAW, nee waduh luk ten fayxi manke kok gexxe? Nee catuh luk ten qande maca tekke? Neh luk ten kacanu kee xuwaw maca yekke? Nee mamaaqilin.

Yasaqya 66:15

Macaay inteenik, YALLI girah innal amaatele. Kay gaariira qaana fuluk haak tamaate. Niqba mara kaxxa bagcarrat edde digaala'gidih, YALLI gira gabat luk amaatele.

Yasaqya 66:24

Qagseh, «Yamaatoonu waan saaku, yi yab cine marih raysa ablelon. Ken xagar takme xaariya, rabta xaariya hinnaay; ken takme gira mabarugta. Ken raysi ableh uma innah gacele» iyye.

Yasaqya 66:5

YALLI iyyem kaak meysitak oggola maraw, YALLI siinik iyyam ankacisa. Siinik iyyaamah: «Isin imaan yol litoonumih sabbatah, sin marak garab sin yanqibeeh, agle siinik cina. Siinil anqaaseenih, ‹Siiniy yafrice nable'gidih, YALLI isi nabna yuybulleeh sin catay› siinik iyyan. Takkay immay oson isinnih qaybit radelon» 'yaanam iyyah yan.

Yasaqya 9:18

Macaay inteenik, oson lon umaane, eqebto kee sibaasibit gexxa girah gide. Ken umaane garbot gexxa giray qer qaran fan akak yawqehiyyah gide.

Yasaqya 9:19

YALLAY Nabaamak Nabahiyya bagcarriteemih sabbatah, kay digaala girah innah baaxo inkih carariseeh, ummatta inkih bayseeh; num numul saduh gace.

Yasaqya 9:7

Kay abbootan osak oseleeh, ambaxe sinni amaan gacele. Dawud korsil gaceleeh, kay baaxol ellecaboh ayro fanah dardaarah anuk, qadli kee cakkih yan gitat xiinisele. Taham YALLAY Nabaamak Nabahiyya isi mara yaysiiseemih fayxi kee, keenih le kaxxa kacanuk akkele.

Ermiyaas 44:28

A carbik tasillimu waytaah Yuudâ-baaxo aleelittu waytam, dago mara. Tohuk wadir Yuudâ-marak saaboh raaqe mari, yi yab numma kinnim kee sin yab numma kinnim ablelon.

Ermiyaas 5:3

YALLAW, atu faxxam, yaaminen maray atu faxxaamak amot tu hee waahiyya. Ken biyaakisseh immay tuh maballon; digaala keenil oobisseh immay kas akak magennon. Yab yaabbeeh dambik yaduure mara hinnon; afqado keenik xeet tekke.

Miika 5:9

Naqboytiitit qeebi abay sella ken haa!

Miika 7:10

Ni naqboytit aham isi intih ablele. Duma ‹YALLAY sin Dagelta kinnihiyya ankel yan?› axcuk suge maray Israayil marak naqboytiitih yaniih, nee qansarisak sugehiyyah nek gaca mara ken ablenno. Naqboytiitit kallah innah aaqitenno» iyyen.

Miika 7:16

Doolatwa tah tabalu wayta saaku, faxe cayla luk sugtaamah niya keenik butukka 'teh, af kee aytil gaba heelon.

Malaaki 4:1

«Yoo YALLAY Nabaamak Nabahiyya axceemih: Too ayroy gaba qidu waahiyya gexot tan. Too ayro kaxxiina leela kee uma-taama leela caffayti innah girat carrelon. Too ayro too mari cararra 'yeenih tu keenik maraqta.

1 Samuwel 6:9

Gexxa waqdi wagitak raaqa. Too waqdi Beet-Semes magaala fan gexxam tubleenik, woo bala nel rubtem Israayil YALLA kinnim elle ixigaay; wonna hinna'mmay, wokke fan gexe waytek, usuk nel ruubem hinnay, isih nel tekkem kinnim elle aaxigenno» keenik iyyen.