Yasaqya 26:10 - NABUWWA KEE MALIKWA

¹⁰ Dambileelah meqem abta way, tonnal qadli kinnim mabartan. Cakkit-gexah yan marih-baaxol, umam aban; dambi lem baahan. YALLI le misliino kee heebat macubbusan; toh mayaaxigan.

Yasaqya 26:10 ပူးပေါင်းရင်းမြစ်များ

2 Malikwa 13:6

Tonna'mmay Israayil mari, Yarobqam ken yuybulleeh cabe dambih abittok maraaqinna. Tohuk kalah kaadu, migaaqah Aseera deqsittaamay yaqbudeenihiyyah astah heenih sugen gurmudda Samaariyal elle suge aracak makalinnon.

Yasaqya 1:21

Duma Yallal teemene magaala a saaku xiiqareh xiinah caalat bahteh tan. Duma qadli le xintoh xiinak cakki-taamah taamita mari teetil yene'mmay, a saaku biileenit teetil raqte.

Yasaqya 2:10

YALLA kee kay kaxxa nabnah meysih, xixxaq le qaleela kee baaxô-bagul dagen boodoodah addat ombooqora.

Yasaqya 24:5

Baaxo nadaasa abtem sinaama. Macaay inteenik, Yalla cinaanaah, usuk aba iyyem abe waanaah, Yallih Qahdiy daayiman waarahiyya makan.

Yasaqya 27:13

Too ayro, kaxxa *baanta aagureloonuuh tet kaayiselon. Masri kabuk gitah been mara kee, Assuuriyal baatit yan marah seecaana'gidih tet aagurelon. Too baanta aabbeloonuuh amaatelon. Yarusalaam-qaley saytunil YALLA aqbudeloonuuh, kaa aynabelon.

Yasaqya 32:6

Macaay inteenik, duquruk yab saaha mali. Aaminnaanimil malsaanam taamah le. Tonna leemik, YALLA cina num yakkeeh; YALLIH giddinaamak, qellat le yaabat yaaba. Qulula mara mayaskama; bakaarita mara mayafqa.

Yasaqya 32:7

Xuwaw sinni anaani-leela umaanet assa. Tu maleela edde baysan dirab kee masaakiina cakki edde waysiisan malat gacan.

Yasaqya 5:12

Qaffaydah digirtan saaku, *kiraraay karambo kee fooxima fooxissaanaah, qinabak bicsen kamri taaqubeenih. Takkay immay YALLIH taamat baaqid mantoonuy, YALLI abam mataaxigan.

Ermiyaas 2:7

Tokkeek niqmatah tan baaxoy kudaar kee buqre elle aboonu waanahiyya fan ken baahe. Takkay immay yi baaxoy siinih eceehiyya caraamu yok abten. Baaxo yok wasak abten.

Ermiyaas 31:23

Kaadu YALLAY Nabaamak Nabah, Israayil doore Dagelta kinnihiyya yok iyyeemih: «A mara seewah elle abbaxuk sugen baaxok gacisu waa saaku, Yuudâ-rasu kee Yuudâ-magaaloolil yan mari ah ablele. Too waqdi, ‹Siyon-qaley taahirik tanit YALLI barkat haay. Cakkik-tan-maqaane le Dagelta elle yan aracat YALLI barkat haay› 'yaanam dooqah axcelon.

Hosiqa 11:7

Yok yaxxeereenim dooriteeni'mmay, fillal keenik hoonu waan quukih catô goranah sahdat xaaqimeloonuuh; yol kaadu weeqelon. Too saaku cato rikek mageyan» iyye.

Hosiqa 13:6

Takkay immay niqmatak tan baaxo culten saaku, faxxaanam geyteeniih cayteenih; kaxxiina siinit hayteeh yoo hawwenteenih.

Hosiqa 9:3

Israayil mari a YALLIH rasul maraaqay, ahak sarra Masri fanah aduurelon. Assuuriyal caraamak tan maaqoh gacelon.

Miika 2:10

«Tonna'mmay ahaysa a baaxol amaan mageytaanak, ugutay gexa. Isin abtan dambi a baaxo bayseh.

1 Samuwel 15:17

Samuwel kaak iyyemii, «Atu qunxa numuh is tubleh immay Israayilil tan kedoodak inkih mirac tekke. YALLI Israayil-malik takke'gidih, koo yuskuteeh koo dooreh.