Yasaqya 25:10 - NABUWWA KEE MALIKWA

¹⁰ Macaay inteenik, YALLI Siyon-Qale amaanah xiinisele. Takkay immay Mooyab marat laahi robbi addat suge caffat akah yaaqiten innah aaqitelon.

Yasaqya 25:10 ပူးပေါင်းရင်းမြစ်များ

Yasaqya 10:31

Madmenâ-mari kudmat yan. Geebim mari kaadu kudmat yan.

Yasaqya 10:6

Assuuriyah-mara, Yalla-maleelay yoo bagcarrissehiyya edde digaaluh ruubeyyo. Ummatta radoonuuy ken garqoonuuy, tonnah kaadu, gital sugte guddaafah innah taqqa keenit iyyoonuh ken ruubeyyo.

Yasaqya 11:10

Too ayro Dawud abbah yan Yiisak rade num, baadal tan ummattah inkih asta yakku waa simbil akkele. Mango mari kas kee fayu kaak beetelon. Usuk elle yan ikkel muxxo le nabna gacele.

Yasaqya 11:14

Oson titta geyya heenih ayrô-culma le kabul tan Filistiin-ummattat qeebi abeloonuuh; ayrô-mawqa le kabul tan ummatta kaadu buubelon. Edom kee Mooyab-ummattak qeebil ayseloonuuh; Qammon-ummatta ken yab oggolelon.

Yasaqya 12:6

Siyoonul geytima maraw, qililisa; ruffa 'xica. Israayil doore Dageltay *kudduusuk yanihiyya yan. Ni fanat tanim kaa kinni. Nabna leeh, muxxo lem kaa» 'yaanam axcuk too-ayroora Yallih mari Yallih migaq fayliseleeh, saarisele.

Yasaqya 14:19

koh kabri madagaanaay; ku raysa caxak yirgiqen luddi innal baaxot qideloonuh, teetit ummatta aaqitele. Ku raysih bagul carbit rabte qaskarih raysitte gacele; sitta lih akeerak iqiya fan oobetton.

Yasaqya 16:14

Awayah tu gactek, YALLI iyyaamah, «Mooyab marih kaxxa nabna hununuh sidiica sanatih addat bayele. Mooyab maray manguk yenehiyyak dago mari raaqeleeh; woo mari boola le mara akkele» 'yaanam iyyah yan.

Yasaqya 16:6

Mooyab mari kaxxiinah akah yani'nna noobbeeh, oson anaani kee kaxxiinah qubbuy iyya mara kinnoonum naaxigeh immay, ken tirtira foyya.

Yasaqya 18:4

Macaay inteenik, YALLI yok iyyaamah, «Dabqih elle an aracal gacca exceh, dahan yan barih saldah innah tibbat ken wagta; laqo takke waqdi tan ayroh innah, tibbat ken wagta» iyyah yan.

Yasaqya 25:6

YALLAY Nabaamak Nabahiyya addunyâ-bagul enna 'ta ummattah, a Siyon qalel, kaxxa xigla abele. Too xiglah kulsa le maaqo kee qinabak bicsen kamriy kulsa lehiyya bicsele.

Yasaqya 26:6

Xukkot suge marih itqah tan; tu maleela kee masaakiina itqa kee gitah tet haysiten.

Yasaqya 5:25

Tonna leemiik YALLI isi marat bagcarriteeh, isi gaba ken yuybulleeh ken digaale. Qaleeli yengeyyeeh, rabe marih raysi guddaafah innah gititteh addal rade. Tohuh, Yallih naqbi maxamcaay, ken edde digaaluh ruube gaba wadir magacsa.

Ermiyaas 48:1

YALLAY Nabaamak Nabah, Israayil doore Dagelta kinnihiyya Mooyab marih giddinaamak iyyeemih, «Woyyow Nabo deqsitta magaalat takku waytaama! Too magaala abuuruh raaqele. Kiryatyim-magaala qaybit radeleh antixibbixele. Kaxxa gasoosay maroh teetit tenehiyya addigillele. Teetil yan mari qaybit radele.

Ermiyaas 48:2

Mooyab mari luk yen migaq-gexxo gaba kalele. Cesbon-mari Mooyab mara edde bayisu waa malat yanin. ‹Amay a doolat bayisnay› 'yaanam tittak iyyan. Madmeen-magaala deqsitta magaalal yan marat qeebi abta qaskar ruubeloonuh, tibba ken heelon.

Yacedkel 25:8

YALLAY Mulki lehiyya qagseh iyyeemih, «Mooyab kee Edom mari, ‹Yuudâ mari gersi marak edde yayseenimih loonum malon› 'yaanam iyyeeniih; tohih sabbatah,

Yacedkel 48:35

Inkih tan magaalah gaso affara tattabak xexxaarah sagla alfih mitri akkele. Ta magaalah migaq tahak wadir ‹YALLI-akkel-yani› deqsitele» 'yaanam iyye Yalli.

Miika 4:13

YALLI iyyeemih, «Yarusalaam maraw, gexay isinni naqboytit ibah iqita. Gayse birtak akak bicseenih, xukcuno nacaasak akak bicsen awurih innah qandeh sin heeyyo. Mango baaxoh marak qeebil aysetton. Oson umam abittot geen gaddaliino yoo fan baahelon. Anu YALLAAY; inkih yan baadal yan Goyta kinniyo» 'yaanam iyye.

Xafanya 2:9

Waara YALLAY Nabaamak Nabah, Israayil doore Dageltah yanihiyya kinniyooh; inni migaaqal xiibita'mmay, Qammon kee Mooyab deqsita marat duma Sodom kee Gomorra deqsitta namma magaala kee, too namma magaalal suggu 'ye marat tikka 'te baatih innah tan baati keenit abeyyo. Away elle yanin baaxo qasbo elle taabuke booxah raaqeleeh, waaqex elle yaabuke gubbi akkele. Abuuruy way tu elle suge wayta akkele. Yi ummatak carbik saaboh raqtem ken buubeleeh, sarra ken baaxo isinnih haysitelon» 'yaanam iyyah yan.