Yasaqya 25:1 - NABUWWA KEE MALIKWA

¹ YALLAW, yi Goyta kinnito. Litom muxxo le diggah ten. Dumaak elle malisse'nnal, ku diggay dudda lehiyyat, akke-waynuh tanim abte. Toh abaluk koo aynabeyyo; fayla kaadu koh abeyyo.

Yasaqya 25:1 ပူးပေါင်းရင်းမြစ်များ

Yasaqya 11:5

Isi mara qadli kee nummâ-bagul tan xintoh xiinisele.

Yasaqya 12:1

Too ayro siinik kulli num saare abele. Saareh annah axcetton. «YALLAW, faylise koo liyo. Yoo niqibtom kok eexegeh, darre yot cabtem kok ubleh immay away yoh racmatteh, luk sugte naqabu cabteh. YALLAW, yot niya hayteh tan.

Yasaqya 26:13

YALLAW, ni Goytaw, ni Dageltaw, ku cato geyak, naqbudem koo. Kok sah reedonwa ni-amol sugte.

Yasaqya 26:8

Ku gitat genxa waqdi, YALLAW, kibaal elle haynam koo, YALLAW. Amo-elle-meqinom koo, YALLAW. Fanxam ku massakaxxa, YALLAW.

Yasaqya 28:29

Tah inkih YALLAY Nabaamak Nabahiyyah baritto. Kay kas qajiibih yaniih, kay ixxiga kaxxa nabna le.

Yasaqya 40:27

Hay maca tan Israayiley! Tah ceddeeniih tismiteenik, «Ni Dagelti ni gadaama mayaaxiga» mannal intan? «YALLI ni cakkit maaqile» iyyaanam mannal intan?

Yasaqya 46:10

Sarra takku waytam dumal elle warseh suge. Sarrî-dabaanal takku waytam naharal elle sin iysixxigeh suge. Anu abam faxam akkele ikkal, raq matalla. Abeyyo inxicca excem abeyyo ikkal, fanat akak maasa.

Yasaqya 46:11

Ayrô-mawqa le kabuk qawita ceela numuh seecah an. Too num xer baaxok kaxxa dadah abak amaatele. Anu abam faxam kay gabat bicseyyo. Taham akkeleemit yaabeh ani'mmay fanat mayseeda.

Yasaqya 49:4

Anu yaabeh, annah exce, «Taamiteh immay, yi taama, foyya tekkeeh, boolatteh tan. Dudda haam akah taqbe'mmay, bicsem mayyu; duudem mayyu. Yot tekkeemih yi Dagelti yoh hawselem kaak aaxigeh. Anu edde aseeh abe taamal, kay galto geeyyom digga le. YALLA akah aaminem tohu.

Yasaqya 49:5

Taway YALLI yo'lih yaabe. Aabukeemik dumal elle, inâ-bagut akah anih, YALLI isi naqasu yoo abe. Isi naqasu akah yoo abem, Yaqkuubuk rade kay mara kaa fan gacissa haa'gidi. Israayil xayloy fixixxe, kaa fan gacissa haa'gidi. YALLIH garil nabna liyo; Qande akak liyom yi Goyta.

Yasaqya 61:10

Yi rufto akak tanim YALLAAY; yi Dagelta aaxaguk kaxxam tassa axce. Macaay inteenik, qarus kee qibna digib sartanat akah bilqitte'nnal, YALLI wadu-kee-qadaalat sartanat yot hee.

Yasaqya 7:13

Tohuk gexxaamah Yasaqya kaak iyyeemih, «Malik Dawuduk rade maraw, yok oobbeya! Labhâ-sabri waysissaanam meqem maay takkalen? Hay yi Dageltih sabri waysissaanam maay faxxan?

Ayyuqel 2:26

Ahaysa maaqoh takmeenim mawaytaanaay cayyetton. YALLAY sin Dagelta kinnihiyyay a axxul le maqaane siinih abe faylisetton. Yi mari ahaysa bursuten mara mayakka.