Yasaqya 24:6 - NABUWWA KEE MALIKWA

⁶ Tonna-leemiik Yallih-abaaro addunyal obte. Tet bagul yan mari akah biyaakitam, isinnih aben umaane. Addunyâ-bagul yan mari isih abe umaanek gexxaamah, bayak maaciseleeh dago mari raaqele.

Yasaqya 24:6 ပူးပေါင်းရင်းမြစ်များ

2 Malikwa 24:12

Too waqdi Malik-Yahoyaasin kee, kay inaay kay buxal taamita-maraay kay doolat-abbobti kee kay qaskar-abbobti Baabelon malikil gaba yeceen. Baabelon-malikiy Nabkadnessar deqsita edde dardaare bacarhaytô-sanatat, Yahoyaasin casbit hee.

2 Malikwa 25:12

Takkay immay Yuudâ-rasul kaxxam masaakiinah yan mara qinab-cooxih-taama kee baqurê-taamah cabe.

Yasaqya 1:31

Caffaytu girat qidan way elle carara innal, cayla leela isinni uma-taamat cararele. Ta baatik num sin macata.

Yasaqya 1:9

YALLAY Nabaamak Nabahiyya, Yarusalaamal yekkeh yan wararak marak garabak rooci cate waamal, Yarusalaam magaala Sodom kee Gomorrak kaxxih, inkitanuuk baye rarte.

Yasaqya 34:5

YALLIH seef qaraanal tanim baysek lakal, Edom maray baati elle amrisehiyya too seefit bayele.

Yasaqya 43:28

Tonna leemiik yi marak abbobtih yan mara qaybik qideyyo. Yaqkuubuk rade mara bayseyyo; Israayil-mara buruten mara abeyyo.

Yasaqya 5:24

Tonna leemiik caffa kee qayso elle kafta innal kafettoonuuh, girat cararetton. Ragid siinik soxkele. Qobor siinik kafeh caacay beele. Toh siinit akah takku waytam, YALLAY Nabaamak Nabahiyya isi xintol siinih warsem cinteeniih, Israayil doore Dageltay *kudduusuk yanihiyya aba nek iyyem cinteenimih sabbata. Kay barittot maqal mahaysitinniton.

Yasaqya 9:19

YALLAY Nabaamak Nabahiyya bagcarriteemih sabbatah, kay digaala girah innah baaxo inkih carariseeh, ummatta inkih bayseeh; num numul saduh gace.

Ermiyaas 12:4

Baaxo nek qabaarah kafte. Toobokeh sugte qayso kaffa karacca 'te. Lac yembexeeh, qaraanal haada haadaytih agantah tembexeh. Toh akah tekkem, tet addal yan mari aba uma-taama. Oson kaadu ‹Yalli nanu abnam mayabla› 'yaanam afak iyyan. Ta mara hay, ma waqdi digaaletto?» 'yaanam exce.

Ermiyaas 5:14

Takkay immay YALLAY Nabaamak Naba Dagelta kinnihiyya yok iyyeemih, «Ermiyaasow, a mari tamah yok iyyeh yani'mmay, yi yaabay ku afak yawqehiyya gira keenil abeyyooh, atu lih yabta mara boco abeyyo. Too gira ken selele» 'yaanam yok iyye.

Yacedkel 5:3

Takkay immay xagooruk dagom raaqisay saroh exxat uxuy.

Malaaki 3:9

Inkih tan baaxoh maraw, akak garaqtaanam yoo kinniimih sabbatah, abaaro siinil oobise.

Malaaki 4:1

«Yoo YALLAY Nabaamak Nabahiyya axceemih: Too ayroy gaba qidu waahiyya gexot tan. Too ayro kaxxiina leela kee uma-taama leela caffayti innah girat carrelon. Too ayro too mari cararra 'yeenih tu keenik maraqta.

Malaaki 4:6

Anu innih amma exceh baaxo siinik bayse waa'gidih, nabi Eliyyas amma 'yeh wiilih sugte xaleena kee xaylo fan bicsele» iyye.