Yasaqya 24:5 - NABUWWA KEE MALIKWA

⁵ Baaxo nadaasa abtem sinaama. Macaay inteenik, Yalla cinaanaah, usuk aba iyyem abe waanaah, Yallih Qahdiy daayiman waarahiyya makan.

Yasaqya 24:5 ပူးပေါင်းရင်းမြစ်များ

2 Samuwel 23:5

Yi buxa Yallih garil tonnah tanim yot celta. Macaay inteenik, Yalli yo'lih bica haysiteh, baye waa xagana yo'lih hee. Make waan xagana yo'lih heeh, akak kore waa qahdi yoh cule. Tonnal kulli waqdi yoo cateleeh, faxa axcem yoh abele. Yalli toh duuduselem digga le.

2 Malikwa 21:12

Tonna-leemiik yoo YALLAY Israayil doore Dageltah yani, siinik axceemih, Yarusalaam kee Yuudâ-maral, yaabbu waa mari akak wariggitta iyyu waa bala ruubeyyo.

2 Malikwa 21:15

Anu inni marak toh abeyyooh; toh keenik akah abu waam, ken kaxxa abbobti Masrik tewqem kee akkeh fanah yol dambi lem baaheeniih; ken sabbatah yi bagcarra lafitak lafitte» keenik iyye.

2 Aydaad 33:9

Takkay immay Manasse, Yuudâ mara, duma woo baaxol suge maray YALLI ken taagah woo baaxok yeyyeeqehiyya abak sugen dambik lafita dambit ken asise.

Yasaqya 10:6

Assuuriyah-mara, Yalla-maleelay yoo bagcarrissehiyya edde digaaluh ruubeyyo. Ummatta radoonuuy ken garqoonuuy, tonnah kaadu, gital sugte guddaafah innah taqqa keenit iyyoonuh ken ruubeyyo.

Yasaqya 30:9

Macaay inteenik, oson kulli way Yalli faxe waam aban. Aamanti-sinni-xayloy YALLI keenik iyyam oggole waytahiyya kinnon.

Yasaqya 33:8

Kaxxa gitittel lac mayanaay num mayana. Meysih, num woo gitittet magexa. Sitta elle geenim makot cabte; magaalooli yibbixeenih; yassakaxxen num mayana.

Yasaqya 50:1

YALLI iyyamaa, «Num gennaaqô-barra cabah elle xiiriya innal, sin maxiiriyinniyo. Sin xiiriyem teexegeenik, sin elle xiiriye sumaq-warkat baaha. Keenit tan magoh sabbatah isi xaylo xaama marih innah, sinaamal sin xaamem maay takkalen? Tonna hinna'mmay, sin akah xaamem, isinnih abten dambi. Ina siinik akah xiiriyem, edde assen umaane.

Yasaqya 9:17

Tonna leemiik Yalli furraynak num keenik asillimi mahannaay, ken qayxiixa kee gubuunuk numuh maxuwaawinna. Macaay inteenik, oson inkih Yalla maloonuuy, uma marah yaniiniih; oson edde yabba 'yaanam inkih umaane. Tohuh, Yallih naqbi maxamcaay, ken edde digaaluh ruube gaba wadir magacsa.

Ermiyaas 11:10

Ken kaxxa abbobtiy yi amri cintehiyya abak ten dambi, oson kaadu aban. Yalla akke sinni duyyey gabak bicseenihiyya yaqbuden. Israayil kee Yuudah ummat, anu duma ken kaxxa abbobti lih heeh suge qahdi yol makeenih.

Ermiyaas 50:5

Siyoonuh gacan gita esserak, too gita keenih yascassoonu waan waqdi, too gita fanah afkunelon. Too waqdi yi mari, ‹Nee kee YALLI fanal, way bayu waa bica heenno› sittak axcelon.

Yacedkel 16:59

«Yoo YALLAY Mulki le axceemih, ‹Abeyyo intem duuduse cinteeh; titta elle geynem yol makteemih sabbatah, koo celta digaalah koo digaaleyyo.

Yacedkel 20:13

Keenih tu gactek, bacarih tan baaxol sugen saaku kinni-way, anu aba keenik axcem cinak sugen. Yi amri kee yi xintoy duuduse marah waar teceehiyya cinak sugen. Sabti ayro xaguraanam inkinnah cineenih sugen. Tonna-leemiik too saaku yi naqbi le'nna ken aybulleem faxxa heeh, too bacarih tan baaxol elle ken baysam faxeh suge.

Yacedkel 20:24

Toh akah abem, yi madqa cinak sugeeniih, yi amri maaqilak sugen. Sabti ayroy mataamitina keenik exce, taamitak sugen. Ken abbobti aqbuduk sugte xeet kee cooxuk bicsen duyyeh qibaadat gacen.

Yacedkel 37:26

Anu qahdi ken lih haysiteyyooh, too qahdi amaanah ken xiiniseyyoomuh digga keenih akkele. Ken xiseyyooh, ixxima keenik aymaggeyyooh; inni Qibaadah-Qariy tokkek way kate waahiyya too baaxol heeyyo.

Daaniyel 7:25

Yallay inkih daga raaqahiyyak aaminnaanim axceleh, Yallih ummattat xukkutele. Muusa keenih yecee xinto kee qiddi ayroora elle suge wayte'nnal korisam keh gabbateleeh; wakti kee waktitte kee waktik garab gide isi amrih gubat heele.

Daaniyel 9:5

Nanu dambi le taamat asneh, mako lem bahne. Umam abneh nan. Koo cinneh, atu nek aba intem abnu cinneeh, gitak taniimiy atu nee tuybulleehiyya maaqilleh.

Hosiqa 6:7

«Adamak kaxxih a mari ken lih heeh suge bica yol makeh.

Miika 2:10

«Tonna'mmay ahaysa a baaxol amaan mageytaanak, ugutay gexa. Isin abtan dambi a baaxo bayseh.

Yoosuwa 23:16

Usuk xagura siinik iyye kay xinto xagure wayteeniih, tonnah kaadu, YALLAY sin Dagelta kinnihiyya maaqilla hayteenih, deedaltamay yalla axcuk yaqbudeenihiyya tuqbudeenik, wohih taamat gacteenik, YALLI isi bagcarrat sin digaaleleeh; away siinih yecee niqmatah tan baaxol num siinik maraaqa» keenik iyye.

Yoosuwa 24:25

Yoosuwa too saaku YALLIH aftok ummatta lih bica abeeh; tokkel Seekem deqsita aracal kataatoonu waan xinto kee amri keenih warse.