Yasaqya 24:3 - NABUWWA KEE MALIKWA

³ Baaxo inki gexook bayele. Tet bagul yan marat kaxxa buuba akkele. Tahat yabtam YALLA. YALLI iyyem raq mali.

Yasaqya 24:3 ပူးပေါင်းရင်းမြစ်များ

2 Aydaad 36:21

Nabi Ermiyaas iyyem tonnal tunguddube. Too nabi ah keenit akkelem duma keenih warseh suge. Iyyeemihii, «A baaxol malcina-tabanih sanatah num dabaaqah elle magacaay, baaxo affoofele» 'yaanam iyyeh yen. Tonna leemiik abak suge ween affoofiyyi yanguddube'gidih, baaxo taamak toffoofe.

Yasaqya 21:17

Keedarah tooboke agiiray qeebi gayset abak sugtehiyyak dagoom raaqele. Ahat yabtam, yoo YALLAY Israayil doore Dagelta kinni» iyye.

Yasaqya 22:25

YALLAY Nabaamak Nabahiyya iyyamaa, «Toh takku wayta saaku, digga le aracal daabisen birta salaceleeh, too way usuk annikissele. Fillal kaak suge quuki radeleh, bayele. Tah intem yoo YALLA» 'yaanam iyyah yan.

Yasaqya 24:1

YALLI addunyâ-bagul tanim foyya abeleeh, kaxxa baatih baysele. Baad bayseleeh tet bagul yan mara fixixisele.

Yasaqya 24:2

Seeka kee seekak kalih maraay, kaadintu kee kaadintu le numuuy, kaddaama kee kaddaama le barraay, duyye xaama num kee yaylamme numuuy, abuud faxa num kee abuud yecee numuuy, mago edde tan num kee mago le num inkih, inki digaalah digaalimelon.

Yasaqya 24:4

Baaxo kafeleeh, coox laqaymuumele. Addunyâ-bagul yan mari boolaatele. Kaxxa marah yan mari aqunxuyuk maacisele.

Yasaqya 42:22

Takkay immay a mari buubeeniih, buxa akak wararen mara. Boodot qideeniih, casbit daanisen maraay, ken waddam wee mara. Seewah ken been saaku, ‹Ken gacisa› inteh keenih yabtem matana.

Yasaqya 5:6

‹Sibaasib teetil yaabakay; amo teetik aysa buulay. Taabuke'gidi 'yaanamah aysa amo teetik margaqaay, sissib kee keenan tet buulay› axceyyo'kkal tet mawagta. Rob hinna'mmay gaanib kinnih, amol teetik wessa m'iyya.»

Yasaqya 6:11

Too waqdi anu kaak exceemih, «YALLAW, ah magide fan sugtu waytaamaay?» exce. Too waqdi usuk yok iyyeemih, «Magaalooli inkih abuuruh raqqaay foyya tikka intam fanah akkuk sugeleeh, tonnah kaadu, qarwa sinaamak foyyah raqqaay baaxol sugtem inkih bayya intam fanah akkuk sugele.

Ermiyaas 13:15

Ermiyaas iyyemii, «Ummatey, ankacisaay siinik axcem oobbeya! YALLI sin lih yaabahak, kaxxiina cabba haay kay yab oobbeya.

Yacedkel 36:4

Tonna-leemiik dariifal yan mari elle anqaasaah buuben qaleelaay koomaamiiy, daqooruuy, gololwa kee abuuruh raqte aroocaay, tonnah kaadu, abur aben magaalooliy, takkeenimiik, yoo YALLAY Mulki lehiyya siinik axcem oobbeya.

Miika 2:4

Woo ayro siinit takkem yabalu waa mari qadar siinil abele. Iyyoonu waanamah, ‹Gaba kalleh, foyya nekkeh nan! YALLI baaxo nee waysiiseh yan; qaduwwi nek yan marah yecee› iyyaanam anqaasah siinik axcelon» 'yaanam iyye.

Miika 4:4

Kulli num isi buqre kee isi bustaanih garil amaanah xiineleeh; akak meysitaanam matan. Tah abtu waytaamih xagana cultem, YALLAY Nabaamak Nabahiyya.