Yasaqya 24:23 - NABUWWA KEE MALIKWA

²³ Sarra, YALLAY Nabaamak Nabahiyya reedele. Tohuk gexxaamah alsa kee ayrô-diifi amballayuk maraaqa. Too saaku YALLAY Nabaamak Nabahiyya Yarusalaam magaalal Siyon-qalel reedele. Yarusalaamal sugtu wayta makaabon too saaku kay nabna ablelon.

Yasaqya 24:23 ပူးပေါင်းရင်းမြစ်များ

Yasaqya 12:6

Siyoonul geytima maraw, qililisa; ruffa 'xica. Israayil doore Dageltay *kudduusuk yanihiyya yan. Ni fanat tanim kaa kinni. Nabna leeh, muxxo lem kaa» 'yaanam axcuk too-ayroora Yallih mari Yallih migaq fayliseleeh, saarisele.

Yasaqya 13:10

Cutuuka kee cutuukah-egla ifak maraqta. Ayro tawqe waqdi dattoowele. Alsa kaadu ifu cabele.

Yasaqya 30:26

Alsa ifuh ayroh innah gaceleeh, ayro kaadu ifuh malcina adda dumak lafitta axcele. Malcina ayroh ifuy yesgelleenihiyyah bis aallele. Aham takku waytam, YALLI isi mara abeh yan biyaakak edde qaffoysu waa saaku.

Yasaqya 33:17

Inti siinik qaxa-le-malik ablele. Usuk reedah elle yan baaxo kulli kabuk ambulleele.

Yasaqya 33:22

YALLI ni cokmaabe; madqa isih neh yayyaaqe. Ni malik kaa; nee waddu waytam kaa.

Yasaqya 52:7

Farmô-numuy qaleelak taturra 'yeh wagari xaaguy meqehiyya gabat lehiyya tableenim manxu meqeeh; too num waddiimaanam sinaamah warsaah, Siyon marak iyyaamah, «Sin Dagelti maliki» keenik iyya.

Yasaqya 60:1

Yarusalaamey, ifi kol ifseemih sabbatah ugutey ayroh innah ifey; YALLIH nabna kol ifta.

Yasaqya 60:19

Ahaysa laqo ayroh ifut faxxu waytam mantu; bari kaadu alsah ifut faxu waam mali. Yoo YALLI way-baruge-sinni-ifu koh akkele; nabna ku Dageltak geetto.

Yasaqya 60:20

Rooka gaba kok edde kalta wakti amaatele. Yoo YALLI way baruge sinni ifu koh akkele; ayro kee alsah ifuk fula koh ifisak sugeyyo.

Yacedkel 48:35

Inkih tan magaalah gaso affara tattabak xexxaarah sagla alfih mitri akkele. Ta magaalah migaq tahak wadir ‹YALLI-akkel-yani› deqsitele» 'yaanam iyye Yalli.

Daaniyel 7:18

Takkay immay keenik lakal, Yallay inkih daga raaqahiyyah ummatta too abbootan geeleeh; woo abbootan ken gabak way makata› yok iyye.

Daaniyel 7:27

Addunyal enna 'ya marih xintoh qande kee nabna, Yallay inkih daga raaqahiyyah ummattah aceelon. Ken daadarinni, ambaxe sinniih waara daadarinna. Xintoh abbobtiy a addunyah bagul enna 'tahiyya inkih ken akdumelon, amri keenik oggolelon› yok iyye.

Ayyuqel 2:31

YALLIH ayroy sahda akak meysitta kaxxa ayro kinnihiyya tamaateemik naharal, ayro dattooweleeh alsi qisih qabal innah gacele» iyye.

Ayyuqel 3:15

Ayro kee alsa dattooweleeh; cutuuka ifak maraqta.

Qobadya 1:21

Yarusalaam mari, Qiisoh yooboke marak qeebil ayseleeh, baaxo keenik xabba heenih keenil ackumelon. YALLI too saaku isih, malik keenik akkele» iyye.

Miika 4:7

A mari aymiteeh, buxak yexxeere marah yaniini'mmay, meqe bica keenit abeyyo. Too mari kaxxa doolat akkele. Siyon Qaleh amol too ayrok wadir anu innih ummaan waqdi keenil ackumeyyo.

Zakariyya 14:6

Too ayro qaraanal ayro mifta'mmay, wac magacaay baaxol barad marada.

Zakariyya 14:7

Dite magacta. Bar kinni way ifi gaceleeh, kulli way ifuk sa bari magaca. Taham edde takku wayta ayroy rikeek tani taaxigem YALLA.

Zakariyya 9:9

YALLI iyyeemih, «Siyon maraw, afracuk ifrica! Yarusalaam maraw, qililisa! Sin malik sin fanah yamaateh yanik wagita! Sin malik qadaalat leeh; nasri luk yamaateh yan. Takkay immay qunxa num tikka 'yeh dananal gaceh yamaateh yan; oklô-baxih amol gacca 'yeh yamaateh yan.