Yasaqya 24:20 - NABUWWA KEE MALIKWA

²⁰ Baaxo yiskire numih innah kabuk kabul lagaq axcele. Digga sinni siraqih innah angayyele. Abte Yallih-cinak gexxaamah annikisseleeh, abte niksok sarra muugutta.

Yasaqya 24:20 ပူးပေါင်းရင်းမြစ်များ

Yasaqya 1:28

Takkay immay YALLIH yab cina maray dambit asahiyya baysele. Kaa cabba hee mara selele.

Yasaqya 1:8

Yarusalaam, gubbil xisen daboyta kee cabcab elle yooboke aracal xisen seenan-qari kee naqboytit maraasiye magaalah innah, dubuk tekke.

Yasaqya 19:14

YALLAY Nabaamak Nabahiyya sahda badsa fayu yecee mara ken abe. Tohuk gexxaamah Masri mari baditit yaniih, yiskire numuy isi alliyoh bagul xiinah innah lagaq iyyen.

Yasaqya 24:1

YALLI addunyâ-bagul tanim foyya abeleeh, kaxxa baatih baysele. Baad bayseleeh tet bagul yan mara fixixisele.

Yasaqya 28:7

Seekaay nabuwwa abte sikratah ibi keenik lagaggaq iyya. Kamrit aben sikratih taagah annikissuk yandafoofolen; baditak gita malit radan. Nabuwwa kamrit tiskireh tan. Suwaawuruy oson yableenit radoonu cineenih; yefferen. Seeka kaadu kaxxam tiskire; sinam amoh keenik bahta yab mekloonuuy kuroonu yefferen.

Yasaqya 29:9

Ama tekken xangi-maleelay akah taniinihiyya tika. Akah tanin inti maleela tika. Qinabak bicsen kamri aaqube'kal lagaggaq intan. Gambiik gambil lagaq intaana'mmay, toh kamri maqubih sabbatah abtaanam hinna.

Yasaqya 38:12

‹Dacarsittô-marih qarway cube'kal guuruntah innah, yi rooci guurumeh› exce. Xambaqen fiddima ekkeh an. Yalli, ‹Mano kok finqitteh› iyyaanam yok iyyeh suge. Ama ayro gaba kale'kal, Yallih amri yol yamaatem inni niyal cubak suge.

Yasaqya 43:27

Akak radden sin kaxxa abba duma dambit aseh yen; sin afak yabta sin kedoh-abbobti yi yab cinak sugte.

Yasaqya 66:24

Qagseh, «Yamaatoonu waan saaku, yi yab cine marih raysa ablelon. Ken xagar takme xaariya, rabta xaariya hinnaay; ken takme gira mabarugta. Ken raysi ableh uma innah gacele» iyye.

Ermiyaas 25:27

Sarrak YALLI yok iyyeemih, too marak intaamah, «YALLAY Nabaamak Nabah, Israayil doore Dagelta kinnihiyya, ‹Tama kamrik baqqa hayteenih edde iskirraay allittaay, sarra akak ugute waytan niksoh innikissa intaanam fanah sin afqeyyo. Toh akah axcem, anu siinit ruubu waa maray seefit sin selu waahiyyah ceelallo› 'yaanam siinik iyya» keenik inxic.

Ermiyaas 4:24

Qaleela wagga hee waqdi, qaleeli kaadu dillibitah uble. Koomaami kabuk kabul koramkorah uble.

Ermiyaas 51:29

YALLI Baabelon rasuh loowe bala teetil oobisu waa saaku baaxo angayyeleeh, dillibitele. Baabelon abur akkeleeh; dabaaqah num teetil magaca.

Ermiyaas 8:4

YALLI kaadu qagseh yok iyyemii, «Yi marak intaamah, ‹Yinnikisse num niksok maay ugte waa? Gitak hoxe num gitah maay aduure waa?

Daaniyel 11:19

Malik too waqdi isi baaxol tan magaalooliy gaso maroh edde tanihiyya fan aduurele'mmay, qeebil gaceh amaatele. Toh kaak ellecabo akkele.

Qaamus 8:14

Too ayro Samaariyal tan ceelo iyyaah Daan mari yaqbudem iyyaah, Bersabaq-dageltaw axcuk yaqbuden duyyeh migaaqal xiibita mari inkih bayele. Too baatik muugutan› 'yaanam yok iyye» iyye.

Naacum 1:5

YALLIH foocal qaleeli kadiidimitah. Kooma kay foocal diyaytah. YALLIH garil baaxo axaxxah. Addunya kee addunyâ-bagul enna 'tam inkih axaxittah.