Yasaqya 24:1 - NABUWWA KEE MALIKWA

¹ YALLI addunyâ-bagul tanim foyya abeleeh, kaxxa baatih baysele. Baad bayseleeh tet bagul yan mara fixixisele.

Yasaqya 24:1 ပူးပေါင်းရင်းမြစ်များ

2 Malikwa 21:13

Samaariya kee Israayil-malikih yen Acab kee kay buxah mara akah digaale innah, anu sin kaadu digaaleyyo. Yarusalaam-magaala, teetil suge marak foyyah tet cabba heeyyo. Bagul sugtem akak duugeeniih deeriik afah korsen sacnih innah, foyyah tet cabba heeyyo.

Nacmiya 1:8

Yallaw, duma Muusak intem kassa heey! ‹Kee Israayil ummatey, imaan yol hee wayteenik, marin marih addat sin fixixiseyyo.

Yasaqya 13:13

Yoo YALLAY Nabaamak Nabahiyya bagcarritu waa saaku, qaran axaxiteleh, baaxo elle sugte aracak angayyele.

Yasaqya 13:5

Inkih yan baad baysaana'gidih, YALLA kee, isi bagcarra gabat le qaskar baad edde yaadiye xer baaxok yamaaten.

Yasaqya 2:19

Usuk baaxo yasgayye'gidih yamaatu waa saaku, YALLA kee kay kaxxa nabnah meysih, ummat gablah addat tambooqorem kee booriimah addat tambooqorem akkele.

Yasaqya 24:19

Baaxo kaxxa angoyyah angayyeleeh, rike rikeh kurruumeleeh xuumele.

Yasaqya 24:20

Baaxo yiskire numih innah kabuk kabul lagaq axcele. Digga sinni siraqih innah angayyele. Abte Yallih-cinak gexxaamah annikisseleeh, abte niksok sarra muugutta.

Yasaqya 27:10

Maroh gaso edde tan magaala hunah raaqele; dibu akkele. Num sinniih dibuk yan bacari akkeleeh, abuuruh raaqele. Laahi dabqih elle gacele; noktimah tokke haysitele. Qayso noktimal aloolele; noktimal coox ludwak yaloole.

Yasaqya 29:16

Sugtem deerik afah korissaanam faxxan! Kallak buuti bicse num kee, kallak bicsen buuti inkim celsissan. Buuti is bicse numuk, «Yoo mabicisinna. Isi gabak yoo maabinna» iyyam bictaa? Woh iyyaamih dudda maay le? Buuti, gabak is bicse numuk, «Woh tu yaaxige num hinna!» iyyam maay duudaa? Maduuda.

Yasaqya 29:2

isin faxe qiid abtaanamah, Yalli, «Anu a magaala biyaakiseyyo» 'yaanam iyyah yan. «Yarusalaam boogiseleh, rookitele. Sadgat elle aban aracal qabal elle caxita innah, magaalal qabal caxitele.

Yasaqya 30:32

Yalli fiiruk geerah ken yaagureemih karambo kee *kirar kanniyto yaabbeenimik maadayinnon. Tonna leemiik YALLI isih Assuuriyah-maral-yuckume-digaalat ken digaale le.

Yasaqya 32:12

Buqre elle abak tanton meqe baaxo waak sugettoonuh, qinab xaylo xalak yan coox waak sugettoonu'mmay, rookitay alil isinnik ugura.

Yasaqya 33:9

Baaxo kafteeh, coox laqaymuume. Lubnaan garbo kafte. Saronuy qaxmeqe-baaxoh sugte bakarroyta tekke. Basan rasu kee Karmel qalel yan cooxuk ayyuufi luuqa.

Yasaqya 34:10

Too gira bar kee laqoh habug axceleeh, daayiman qeerele. Adok adoh amma 'yaanam, tokkel dabaaqah num magaca; too gitak num magexa.

Yasaqya 34:2

YALLI kulli baaxoh doolata'lih qeebih yan. Kay bagcarra yakkeenimiik keenil oobeleeh, ken bayselem keenil yuckumeh yan; ken marih-qidimih bical yan.

Yasaqya 42:15

Qaleela kee koomaami abur abeyyo; caxa kee qayso elle mataabuka. Illaltah sugte baaxo kafseyyo; doritte elle sugte baaxo kafseyyo.

Yasaqya 5:6

‹Sibaasib teetil yaabakay; amo teetik aysa buulay. Taabuke'gidi 'yaanamah aysa amo teetik margaqaay, sissib kee keenan tet buulay› axceyyo'kkal tet mawagta. Rob hinna'mmay gaanib kinnih, amol teetik wessa m'iyya.»

Ermiyaas 4:7

Gablah addak yewqe lubaakih innah, ummatta bayisu waa num aracak ugteh gitat yan. Yuudâ-maraw, sin baaxo abur aba'gidih ugteeh yamaateh yan. Ummatta baysele. Elle sugten magaalooli abuuruh raaqele. Sahdayti addal akak maraaqa.

Ermiyaas 40:15

Sarrak Yocanan dibuk tani'kke garayah Gedalya beyya heeh, kaak iyyeemih, «Ismaaqil elle aninnaan ikke gexxa exceh num aaxige'kal kaa qideh cabam faxa. Annal koo qiday kaa m'inna. Koo qiday inneh kaa cabnek, Yuudâ-marih-saaboy ku xaqul gaabowtehiyya fixixih raaqeleeh, rabi ken edde abbixelem taaxigeemi» kaak iyye.

Ermiyaas 50:17

YALLI kaadu qagseh iyyemii, «Israayil mari illiy lubak soole kaleeh yayraddehiyya yekken. Naharak Assuuriyah malik cado keenik yokmeeh; sarrak Baabelon malik lafoofi keenik yiggiggile.

Ermiyaas 51:34

Yarusalaam mari iyyeemih, «Baabelon malik nee bayseh saabo nee cabsiise. Magaala suge wayteh innah hee. Nee bayseh, Yarusalaam lee akak fuuqen gacla abe. Gawi sinam elle yanxuqe innal, sinam nee tunxuqe. Isih faxem nek beeh, wohuk raqtem baaxot nek qide.

Ermiyaas 9:16

Duma ken kee ken kaxxa abbobti able wayteeh aabbe wayte baaxoy oson kaadu ahaydumah aabbe weeniih able weenihiyya fanah ken ruubeyyo. Tokkel aaxige waan marih addal ken fixiixiseyyo. Saabo cabba haanam fanah, ken seltu wayta qaskar keenit ruubeyyo» iyye.

Yacedkel 12:20

Away ummat kibuk elle tan magaalooli abur akkele. Inkih tan baaxo num sinniih lac sinni bacari akkele. YALLA kinniyom yok taaxigoonu waytaanam, too saaku, keenik inxic» yok iyye.

Yacedkel 24:11

Too waqdi nadaasa akak diyaytuh, bagul akak suge dicil akak carara'gidih, woo nacaasak bicsen buutiy addal tu sinni giral xik. Qassowwa 'yam fanah laqay inxic.

Yacedkel 35:14

«Tonna-leemiik yoo YALLAY Mulki lehiyya siinik axceemih, isin Israayil maray yok sah numtin mara akke waahiyyat kaxxa baati tekke saaku, farcatah akah gacca 'ten innah, anu kaadu inkih yan baad akah ifricca 'ya baati siinit abeyyo. Seeqir qaleela kee inkih yan Edom rasu num sinniih lac sinni bacarih tan baaxo abeyyo. Anu YALLA kinniyom too saaku kulli num aaxigele» iyye.

Yacedkel 5:14

Yarusalaam abuuruh cabeyyooh; dariifal siinik tan baaxoh ummat sin garik gitah gacteh gexxa waqdi, burah af siinil raqeeqiseloonuuh; siinil maxayyoowan.

Yacedkel 5:2

Sidooca exxak, exxak teena magaala edde abbaxuk sugen marok caban saaku, magaalah addal gira edde rub. Nammeyhaytoh af magaalak addal elle gexamgexxaamal seefit irgiggiqay qid. Sidochaytoh af caacayat rub. Tonnal anu seef haysitta heeh woo marah ayraddeyyo.

Yacedkel 6:14

Gaba keenil qideyyooh baaxo keenik bayseyyo. Gabbi-qaxat raqta bacarih tan baaxok xabba haanamaay Ribla deqsita aracay kilbat le kabut raaqahiyyah amma 'yaanam, abuuruh tan baaxoy num sinniih lac sinni abeyyo. Israayil mari elle yan baaxok tu macabay inkih bayseyyo. Ummat too waqdi anu YALLA kinniyom yoh aaxigelon» yok iyye.

Yacedkel 6:6

Israayil magaalooli suge waytem ceelak cabba heeyyo. Oson yaqbuden duyye kee sadgat elle aban arac riira abeyyo. Abba heenim inkih, suge wayteh innah, keenik heeyyo.

Yacedkel 7:12

Wakti amah kaana; xayyooweh. Yi digaala kulli numul tamaatu waytaamih sabbatah, xaama num edde yafriceeh, yaylamme num edde qaada uddur akke waytam taaxigeenimi.

Yacedkel 7:14

*Baantah anay radeleeh; too way kulli num bical gacele. Takkay immay yi naqbi kulli numul oobaamih sabbatah, carbih num magexa.

Naacum 1:5

YALLIH foocal qaleeli kadiidimitah. Kooma kay foocal diyaytah. YALLIH garil baaxo axaxxah. Addunya kee addunyâ-bagul enna 'tam inkih axaxittah.

Naacum 2:10

Nanawe buubeenih! Is baateh, abuuruh raqte! Sinaamak afqado meysih dub inta. Guluuba keenik axaxxah, sinam qande cabteh. Fooci keenik gombod ceela.