Yasaqya 23:4 - NABUWWA KEE MALIKWA

⁴ Saydah magaalay wacarriy! Ku bad yaabeh, iyyemii, «Lacaw kee xalay able wayteeh, xaylo aynabe wayte barra ekkeh an» iyyek!

Yasaqya 23:4 ပူးပေါင်းရင်းမြစ်များ

Ermiyaas 25:22

Suur kee Sayda deqsitta namma magaalah malikwaay, Maditraaniyah badih dariifal ten malikwaay,

Ermiyaas 27:3

Edom kee Mooyab kee Qammon kee Suur kee Saydah malikwa fanah ruubu waa farmo kol aceeyyok, Yarusalaam magaalah addal, Xidkiyah xaqul yan farmo maray a koona malikik yemeetehiyyal, too farmo qidetto.

Yacedkel 28:21

«Bani-adantow Saydat takku waytaamat yab.

Yacedkel 28:22

Keenik intaamah: YALLAY Mulki lehiyya siinik iyyaamah, ‹Saydah ummatey, anu sin naqboyta ekkeh an› keenik inxic. ‹Siinik abu waam yok yabalu waa mari yoo faylisele. Sin addal yan marat abah an digaalat taahirik anim innik ayballayu waa saaku, YALLA kinniyom yok aaxigelon.

Yoosuwa 11:8

YALLI Israayil mara qeebil keenik yiysiiseh, ken gabal ken hee. Israayil mari Misrafot-Mayim kee Sayda deqsitta baaxo fan ken ayradduk been. Tohuk kalah kaadu Mixfâ Golo deqsitta baaxoy ayrô-mawqa le kabut raqtahiyyah amma 'yaanam fan xiiriyak ken been. A maray Israayilik naqboytiitih yenehiyya saabo cabba haam fanah qeebi gexak suge.

Makaabon 10:6

Israayil mari fiiruk geerah Baqal kee Qastarot deqsittam aqbuduk yeneeh; tonnah kaadu, Suuriya kee Saydaay Mooyab kee Qammon kee Filistiin mari yalla 'yeh yaqbude duyye aqbuduk yeneeniih; tohih sabbatah YALLAL dambi lem baahen. Oson YALLA hawweeneeniih kaa yaqbudeenim cabeenih.