Yasaqya 23:13 - NABUWWA KEE MALIKWA

¹³ Baabelon mari edde yan caalat wagitay. Too mari ta saaku hebeltô-loowot mayan. Assuuriyah mari ta baaxo dubaali dabaq abe. Baabelon yabbixeeni'gidih fayya le aroocay tet akak yabbixoonu waanahiyya bicsen. Baabelon mari koositih bicsen arooca foyya keenik aben. Inkih tan magaala abuuruh cabba heen.

Yasaqya 23:13 ပူးပေါင်းရင်းမြစ်များ

2 Malikwa 17:24

Assuuriyah-malik, Baabelon kee Kuut kee Qiwwa kee Camat kee Safarwayim deqsitta magaaloolik sinam beyya heeh, Israayil-mari akak yiskiliqen Samaariyah-rasul tan magaaloolil nookise. Tonnal too mari Samaariyah-rasul tan magaalooli isinnih raqsiteenih, elle nooken.

2 Malikwa 20:12

Too dabaanal Baabelon-malikiy migaaqah Maroodak-Baldan deqsitahiyya Malik-Ciskiyyaahu lakmisam yoobbeeh; too waqdi yuktube warkat kee mattaco kaah ruube.

2 Aydaad 33:11

Tonna-leemiik YALLI Assuuriyah qaskarih abbobti Yuudâ rasu akah yabbixen innah abe. Too mari Manasse yibbixeeniih, sanat santiita kaak hayyaay nacaasak bicsen silsilatat uxuyya kaa heenih, Baabelon rasu fan kaa been.

Yasaqya 10:5

YALLI iyyeemih: «Woyyow, Assuuriyat takku waytaama! Inqibe mara edde digaalu waa caxxih aftoh Assuuriya liyo. Yi bagcarra, gabat le caxxa keenik tan.

Yasaqya 10:7

«Assuuriyah malikih tu gactek, isi bagul malseemih amol yaniih, mango baaxo baysam faxak yani'mmay,

Yasaqya 13:19

Baabelon magaala, baaxooxak inkih qaxah tayse magaala. Tet mari teetit kaxxam yakkale. Takkay immay anu Sodom kee Gomorrak akah abe innah, deerik afah tet koriseyyo.

Yasaqya 13:21

Dubaali dabqih elle yaniih, inin qarwa elle xissita arac akkele. Goroyyak dabqi akkele; dabeeli-ceelo le ginni addal akak meekitele.

Yasaqya 18:6

Ken qaskarih raysi guma kee alluwwâ-gadda akkele. Ken raysa, cagay guma akmeleeh, alluwwa gilal akmele» 'yaanam iyye.

Yasaqya 43:14

YALLAY sin wadahiyya iyyam le. Israayil doore Dageltay *Kudduusuk yani siinik iyyamaa: «Sin taagah, Baabelon fan amri ruubeh an. Oson inkih dabbô-mara akkeloonuh, ken maraakibiy kaxxam edde yakkaleenihiyyat kudelon.

Yacedkel 23:23

Baabeloonuh yooboke mara kee Kaldayah yooboke maraay, Fakod kee Sowaq kee Kowaq yooboke mara kee Assuuriyah mara baaheyyo. Oson inkih, qax-maqaane le furraynay farasak qeebi abtahiyya. Baaxoh abbobti kee qaskar abbobtiiy, kaxxa-kaxxa abbootan le mara kee agiirah tan qaskar kinnon.

Yacedkel 29:18

«Bani-adantow, Baabelon malikih yan Nabkadnessar Suur-magaalal qeebih gaba qideh yan. Isi qaskar amo xagortak muxcah raqqaay sunku keenik dalletta 'tam fanah, quukat yabbixe. Takkay immay a gid yakke cawalay edde yaniinihiyyah kaa kee kay qaskarak galto num mageya.

Daaniyel 4:30

iyyeemih, «Baabelon magaala manxu nabaah! Anu inaytâ-magaalah tet akah xisem, inni qande kee inni caylaay; inni nabna kee inni hayba elle aybulle'gidi»

Cabakkuk 1:6

Macaay inteenik, Baabelon maray racmatta sinniih, geenimit aseehede waahiyyah abbootan aceeyyo. Ta mari baaxooxat qeebi abaana'gidiiy, carbit yabbixeeni'gidih kulli baaxo fan gexelon.