Yasaqya 23:11 - NABUWWA KEE MALIKWA

¹¹ Yalli bad fanah gaba ruube. Inkih tan baaxo meysih axaxxe. YALLI, «Kanqaan baaxol koositih bicsen arooca bayisa» 'yaanamih amri yecee.

Yasaqya 23:11 ပူးပေါင်းရင်းမြစ်များ

Yasaqya 10:6

Assuuriyah-mara, Yalla-maleelay yoo bagcarrissehiyya edde digaaluh ruubeyyo. Ummatta radoonuuy ken garqoonuuy, tonnah kaadu, gital sugte guddaafah innah taqqa keenit iyyoonuh ken ruubeyyo.

Yasaqya 13:13

Yoo YALLAY Nabaamak Nabahiyya bagcarritu waa saaku, qaran axaxiteleh, baaxo elle sugte aracak angayyele.

Yasaqya 14:26

Inkih yan baadak abam faxam tamahaay, baadal tan ummatta edde digaalu waa gaba fakeh» iyye.

Yasaqya 19:5

Niil weeqaytih lee daggooweleeh, weeqayti ayrook ayro daggoowak daggooweleeh, ellecabol kafele.

Yasaqya 2:19

Usuk baaxo yasgayye'gidih yamaatu waa saaku, YALLA kee kay kaxxa nabnah meysih, ummat gablah addat tambooqorem kee booriimah addat tambooqorem akkele.

Yasaqya 23:10

Ahaysa Suur maraw, booruy duyye siinih elle obta mantoonuk, Niil-weeqaytih garil yan marih innah, baaxo ubqura.

Yasaqya 23:3

Masrik orobta tellemmô-daro Suur magaala amaatuk sugteeh; baadal tan ummat duyye elle yaylammeeniih xaamaanam ta magaalak sugte.

Yasaqya 25:2

Magaala huna abte, YALLAW, suge wayteh innal cabte. Gasot maroh tan magaalay naqboytak waaso luk sugte abuuruh cabteh, huna abte. Marin marih kaxxa qarwa duma elle sugte magaala suge wayteh innal cabte. Too magaala tohuk wadir nammeyhaak way maxissimta.

Yasaqya 5:25

Tonna leemiik YALLI isi marat bagcarriteeh, isi gaba ken yuybulleeh ken digaale. Qaleeli yengeyyeeh, rabe marih raysi guddaafah innah gititteh addal rade. Tohuh, Yallih naqbi maxamcaay, ken edde digaaluh ruube gaba wadir magacsa.

Yasaqya 50:2

Anu inni mara wada'gidih gexe saaku, yi mari isi aracal akah suge weem macaa? Keenih seece waqdi, inki num kinni-way tu yol magacsinna. Anu ken catam yaffare Dagelta maay kinniyo? Ken wadaamih cayla mayyu innaa? Tonna hinna'mmay, badak ‹Badow, kaf› 'yaanam afak excek, bad kafsa Dagelta kinniyo. Lee darah elle gexak sugte baaxo bakarroytah gacsa Dagelta kinniyo. Woo leeh addat suge kullum gubbil raaqa waqdi, abicaah, lee wayya heeh bakaarah raba.

Ermiyaas 47:7

Takkay immay YALLI tet akah amriseemih sabbatah, a seef qidimik mataadiya. Ama seef Askalon marat qeebi abeleeh; baddi afal yan marat kaadu qeebi abe'kal mataadiya» 'yaanam YALLI iyye.

Yacedkel 26:10

Ken faroosa mangak gexxaamah, faarisih gexot tawqeh tan siisa sin buulele. Faaris-gaariira kee faras amok qeebi abta labha edde tan faariisa, tiddigille magaala cultu wayta waqdi, radah yan anayat gidaarwa engeyya axcele.

Yacedkel 26:4

Suur-magaalat maroh hayteenih tanin gasoosa siinik butukku heeloonuuh, amo xer qarway magaala akak dacrissaanahiyya siinik aggiggilelon. Too magaala xixxaqah akah raqta innah, buuri baguk akak fikka heeyyo.

Yacedkel 31:16

Too caxa dite le kabri oobe marat tengele saaku, is radde waqdi abteh ten xongoloh mango baaxoh mari gilite. Inkih tan Qadanal suge coox kee, leek meqe innah allaggoowak suge Lubnaan cooxuy woo boodo fanah oobehiyya, a caxah raddem yublen waqdi ruffu iyyen.

Naacum 1:14

YALLI Assuuriyah-marih giddinaamak edde yaabeemih: «Migaaqat keenik elle yaaban xaylo keenik maraqta. Ken qibaadah bicsen qarwal tan Yalla akak iyyan duyye keenik bayseyyo. Assuuriyah marah kabrih bicsat an. A addunyah mano keenih mataguuda» iyye.

Caggay 2:7

Baadal tan doolatwa asgayyeyyooh; luk sugen gadda keenik akke bahha heeyyooh; yi qari gaddaliinok kibbiimele.

Zakariyya 14:21

Yarusalaam kee Yuudâ rasul maaqo addat akak alaysan buutitte, YALLAY Nabaamak Nabahiyyah qibaadah aban sadgatih taamah, gersi duyyek baxissa heenih rikeek heelon. Sadgat baaha mari baahah yan saqih cado too buutittel alayselon. Tohuk wadir Nabaamak Naba YALLIH Qibaadah-Qarih addal tellemmo aba mari maraaqa.