Yasaqya 22:23 - NABUWWA KEE MALIKWA

²³ Siraq edde daabisan birtih innah, digga le aracal kaa daabiseyyo. Isi ahlih migaq kee kunnabna akkele» iyye.

Yasaqya 22:23 ပူးပေါင်းရင်းမြစ်များ

Qedra 9:8

«Tonna'mmay YALLAW, ni Dageltaw, dago uddur kinni way, maqaaneh addat nee sugusse. Baatik saaboh raaqe marak edde sugne naqoosinnak nee kalteh. A baaxoy taahirik tanil amaanah nee tabbixe. Edde sugne naqoosinnak dagom kalla nee hayteh, qusba manot nee hayte.

Aster 10:3

Yahuuduh yooboke Mordakay, Malik-Ekserkasak kalih marak inkih, reedah amol raaqa numuk yen. Yahuud kaxxam kaa assakaxxuk teneeh, kaxxam kaadu kaa kicinuk ten. Usuk kaadu isi marah amqinnan taamah abitto kee ken amo dacrisaanam taamah luk yen.

Aster 4:14

Annah taniimik tibba 'tek, Yahuud ummattah cato gersi ikkek amaateleeh, cattiimeloonu'mmay, koo kee ku abbak raaqe mari inkih ambaxele. Kaadu malik barra akah tekkem, tannah yan waktit tuk teena abta'gidi takkem bictah» 'yaanam farmoh teetih ruube.

Yasaqya 22:24

Takkay immay kay ahli inkih kay gaba wagta mara akkele. Quukah kay fillal gacelon. Quuka kaal akkelon.

Yasaqya 22:25

YALLAY Nabaamak Nabahiyya iyyamaa, «Toh takku wayta saaku, digga le aracal daabisen birta salaceleeh, too way usuk annikissele. Fillal kaak suge quuki radeleh, bayele. Tah intem yoo YALLA» 'yaanam iyyah yan.

Zakariyya 10:4

Yuudâ marih addak baaxo xiinisaah, sahda miraacisa mara kee qaskar abbobti awqele. Oson rakiibo akkelon. Siraq edde daabisan birtaay, carbi edde aban macaxi innah qande le mara akkelon.

1 Samuwel 2:8

Baacoytiitih suge mara caysah tu maleela gaddalisah. Malik xaylot ken missoysa; kaxxa marat ken missoysa. Baaxo elle tan rakiibo YALLIH imi; baad woo rakiiboh-bagul xise.