Yasaqya 22:17 - NABUWWA KEE MALIKWA

¹⁷ Atu kaxxa numuh is lowta koo'mmay, YALLI ukkuqqa koo heeh baaxot koo qidele.

Yasaqya 22:17 ပူးပေါင်းရင်းမြစ်များ

Aster 7:8

Malik yemeete waqdi, rooci kaak wadda'gidih, kallacih is elle tan qarkaytô-bagul gommoh radda 'yeh tet kallacak suge. Malik toh yuble waqdi, «A num yi buxah addal yi barra caylisam faxa kunna!» axcuk kaat kaaye. Tonna-luk wokkel suge mari Haamanak foocal saro heen.

Yasaqya 22:16

‹Fiiruk atu iyya is takkaleeh? Qalê-bagut fayya le'kket xissa kabri kok xisa intem iyyaay? A kabri daggasita kok intem iyyaay? Ku-buxah-mari akkel kabri maay lon?

Yasaqya 22:18

Ukkuqqa koo heeh, koqosoh innah kaxxam naba baaxok bagul koo qidu waa waqdi, kombobbolettooh, tokkel rabetto. Elle kaxxiinitak sugte faras-gaariira elle kok raaqele. Atu malik-buxak migaq baysa num kinnito!› kaak inxic» yok iyye.

Ermiyaas 10:18

Macaay inteenik, YALLI iyyaamah: «Away a baaxok ken xiiriyeyyo. Kaxxa gibdaabinay uma'nnah ken biyaakisahiyya keenil oobiseyyo» iyyah yan.

Ermiyaas 14:3

Gaddaleela buxal, keenih taamita mara leeh ruuban. Too mari leê-goranah dori elle yani'kke fanah gexaana'mmay, leey akah gexeenihiyyak baxaysiteenih yaduuren. Leeh been soor foyyah gacsan. Tohuh aban wacarriyik gexxaamah, fooca isinnik reebisan.