Yasaqya 22:15 - NABUWWA KEE MALIKWA

¹⁵ YALLAY Dagelta kinnih, Nabaamak Nabahiyya iyyemii, «Malik buxak abbah yan yaaloy Sebna deqsitahiyya fan gexay kaak intamaa,

Yasaqya 22:15 ပူးပေါင်းရင်းမြစ်များ

1 Malikwa 4:6

Aciisar malik-qarih abbah yen. Abdá-Adoniiram dirkih tamsiisan marih amol yen.

2 Malikwa 10:5

Tonna-leemiik malik-gasoh-abbaay magaalâ-xintoh-abbaay makaabon kee malikik-rade-marat dacayrih yen marak inkih, titta geyya heenih farmo kaah ruuben. Iyyeenimii, «Nanu ku taamat gaca mara kinninooh, atu aba axcinnaanim abnuh bical nan. Nanu malikih num mahaynak, atu taysem kot ceelinnaanim ab» 'yaanam farmoh kaah ruuben.

2 Malikwa 18:18

Tohuk lakal Malik Ciskiyyaahuh farmo ruubeeh; too farmol kay marak sidiica num yemeete. Woo sidiica num Cilkiyyá-Elaakimiy malik-qarih-abbah yanihiyya kee, Sebna deqsita numuy malik-qarih kutbe-abeenah yani kee, Asáf-Yowac deqsita numuy tikki 'taamah kutbeh abeenah yanihiyyak ten.

2 Malikwa 18:26

Usuk too yaabak gaba kale waqdi, Elaakim kee Sebna kee Yowac kaak intemii, «Ni abbaw, nanu naaxigem Suuriyah afak woo afat yaabaay ama. Qibraan afay edde yabtahiyya a magaalah-gidaaral yan mari inkih yaabbeh; edde mayaabin» iyyen.

2 Malikwa 18:37

Sarrak Elaakim kee Sebna kee Yowac aben rookah sara isinnik qanxiseenih Assuuriyah-qaskar-abbah-yan-num keenik iyyem malikih warsen.

2 Malikwa 19:2

Malik-qarih-abbah yan Elaakim kee, malik-qarih kutbe-abeenah yan Sebna kee, seekah abbobtih yan mara ken lih hayya heeh, Amox-baxa-nabi-Yasaqya fan farmoh ken ruube. Oson kaadu sartanah *qabuudut gaceenih gexen.

1 Aydaad 27:25

Tohuk kalah kaadu, malik dabaq kee duyye wagga haytaamak abbootan akah yeceen mari yen. Too marak addal kulli num isi taama keenik luk yen. Qadiyél-Qadmawet akak iyyan num malik-makdanwak inkih abbah yen. Qudiyyá-Yonaatan akak iyyan num inaytâ-magaalak afal raqta magaaloolih adda takkuu, gaandoodih adda takkuu, hinnay kaadu, megdebwah adda takku, duyye daanah elle yabbixen golittek abbah yen. Kalúb-Qedri akak iyyan num buqret taamitta 'ya marih cawal kee qasbi wagitta taamak abbah yen. Simqi deqsita numuy Raama akak iyyan magaalal yoobokehiyya, qinab xala cooxuk abbah yen. Dabdi deqsita numuy Safam deqsitta magaalal yoobokehiyya, kaadu qinab xala cooxih xaylok bicsan kamrih abbootan luk yen. Baqal-Caanan deqsita numuy Geder deqsitta magaalal yoobokehiyya, ayrô-culmat raqta mango koomaami le baaxol yan *daytuun xala coox kee *sublak abbah yen. Yooqas deqsita num caxâ xaylok bicsen *zeyti elle gaaboysan aracak abbah yen. Saaron deqsita aracal yooboke Sitray deqsita num kaadu Saaron-booxal yaloole laak inkih abbah yen. Qadláy-Saafat deqsita num kaadu daqoorul yaloole laak abbah yen. Oobil deqsita numuy Ismaaqilto deqsita marah aabakuk yenehiyya gaalak inkih abbah yen. Yecdayaahu deqsita numuy Meronot deqsitta magaalal yoobokehiyya inkih tan danoonah abbootan luk yen. Yaadid deqsita numuy Hagri-marah yoobokehiyya inkih tan illi kee wadarak abbah yen.

Yasaqya 36:11

Usuk too yaabak gaba kale waqdi, Elaakim kee Sebna kee Yowac kaak intemii, «Ni abbaw, nanu naaxigem Suuriyah afak, woo afat yaabaay am. Qibraan afay edde yabtahiyya a magaalah-gidaaral yan mari inkih yaabbek; edde mayaabin» iyyen.

Yasaqya 36:22

Sarrak Elaakim kee Sebna kee Yowac aben qaadah sara isinnik qanxiseenih, Assuuriyah-qaskar-abbah yan num keenik iyyem malikih warsen.

Yasaqya 36:3

Too waqdi Yuudâ-marak sidiica num kaah garayte. Tohumuu, Cilkiyyá-Elaakimiy malik-qarih-abbah yanihiyya kee, Sebna deqsita numuy malik-qarih kutbe-abeenah yani kee, Asáf-Yowac deqsita numuy tikki 'taamah kutbeh-abeynah yanihiyyak ten.

Yasaqya 37:2

Malik-qarih-abbah yan Elaakim kee, malik-qarih kutbe-abeenah yan Sebna kee, seekah abbobtih yan mara ken lih hayya heeh; nabi-Yasaqya fan farmoh ken ruube. Oson kaadu sartanah *qabuudut gaceenih gexen.