Yasaqya 22:12 - NABUWWA KEE MALIKWA

¹² Too ayro YALLAY Dagelta kinnih, Nabaamak Nabahiyya iyyemii, «Weeqaay boogisa. Amo isinnik moolaay sartanah *qabuddat gaca» 'yaanam siinik iyye.

Yasaqya 22:12 ပူးပေါင်းရင်းမြစ်များ

2 Aydaad 35:25

Nabi Ermiyaas nadaamah yan qadar kaah abe. Tohuk wadir Israayil rasul kaah rookitan saaku, agabu kee labha a qadar edde haytam qaadah haysitteh raqte. Woo qadar, rookâ-qadar elle gaaboysan kitaabal geytima.

Qedra 9:3

Toh oobbe waqdi, yot tekke niyâ-diglok gexxaamah sara innik qanxiseeh, amô-xagorta kee deben innik mugseh, abeh an haggah gomboduk bagul daffee.

Nacmiya 9:9

«Ni kaxxa abbobti Masril taqabik geytem tubleh. Qasa badih xaqul cato keenih takke'gidih, aben dooqa keenik raabitteh.

Yasaqya 15:2

Dibon mari qibaada-elle-aban-qale yewqeenih, sadgat elle aban aracih garil weeqan. Mooyab mari, Nabo kee Medabâ-magaalah-marah boogisaanaah rookitan. Rookah amo kee deben isinnik mooleenih.

Yasaqya 26:10

Dambileelah meqem abta way, tonnal qadli kinnim mabartan. Cakkit-gexah yan marih-baaxol, umam aban; dambi lem baahan. YALLI le misliino kee heebat macubbusan; toh mayaaxigan.

Yasaqya 29:1

Yarusalaam-magaalay, kum tekkeh tan! Dawud dabqah elle sugeeh, Yallih sadgat elle aben mansaf elle yan magaalay, sanatat sanat osisaay, abtan qiidittek maadiyina'mmay,

Yasaqya 3:24

Qatri suruy ruubak elle yenen ikkel, xagar keenik abcele. Bagul luk yenen caleytih aftok, qax-umaane le akoota bagul heelon. Qax-meqe amô-xagooruy luk yeneenik, moolah raaqelon. Xagaral luk yenen qax-meqe sarih aftok, *qabuudut gacelon. Luk sugen qax-maqaaneh aftok, qax-umaaneh wacarriyelon.

Yasaqya 32:11

A saaku farcaanak yan agabow, meysita! A saaku nagay yanim isik yakkale agabow, gadaamitettoonum ixiga! Sara isinnik kalay *qabuudut gaca.

Yasaqya 37:1

Malik-Ciskiyyaahu a yab akah yoobbe innaak, sara isik qanxiseeh sartanah *qabuddat gacca 'yeh YALLIH Qibaadah-Qari gexe.

Yasaqya 37:2

Malik-qarih-abbah yan Elaakim kee, malik-qarih kutbe-abeenah yan Sebna kee, seekah abbobtih yan mara ken lih hayya heeh; nabi-Yasaqya fan farmoh ken ruube. Oson kaadu sartanah *qabuudut gaceenih gexen.

Yasaqya 58:3

Yok iyyaanamah, ‹Nek able waytek, macâ-sabbatah soomnaah? Atu baaqid net alle waytek, maca koh rammitnaa?› 'yaanam iyyan. Takkay immay anu keenik axceemih, ‹Soom abtan saaku, isin kaadu isinnih faxxeenim abtaanaah, siinih taamita marah cakki matacaan.

Ermiyaas 16:6

Gaddali kee baacoyti keenik inkih, ta rasul elle rabeleeh, num keenih marookitaay, num ken mayaaguqa. Ken rabih rookah isi xagar num masalliyaay amo isik num mamoola.

Ermiyaas 16:8

« ‹Xigla addal akak aban buxa maculin. Maaqo ken lih maxagin. Ken lih maaqubin.

Ermiyaas 4:8

YALLIH bagcarray kaxxam gibdihiyya Yuudah-ummatta macabtak, rookitaay *qabuddat gacaay weeqaay boogisa, keenik inxic» iyye.

Ermiyaas 7:29

«Tohuk gaba kalta waqdi intaamah, ‹Yarusalaam magaalah ummatey, rookita! Amo isinnik moolay muxcah caba. Molten amoh xagorta baaxot qida! Yoo YALLI bagcarriteeh inni mara cineemih sabbatah qaleeli amol keenih weeqay rabe marah abak yenen booge keenih aba› inxic.

Yacedkel 27:31

Kot tekkeemih rookah, amo isinnik molla heenih sartanah qabudda haysiten. Kot tekkeemih kaxxam koh qaadelon.

Daaniyel 5:1

Ayrok teena malik Belsaxxar alfi yakke maray kay xintoh miracwah yanihiyyah, isi buxal qibnaytiinoh kaxxa afxago keenih xage. Belsaxxar qinabak bicsen kamri ken lih aaqabuk suge.

Hosiqa 9:1

Hosiqa iyyeemih, «Israayil ummatey, qiidih assan saaku diini-maleela akah abta'nnah maabinaay; kaxxam ruffa maxcina. Isinni Dageltak texxeereeniih, kaal luk sugten imaan siinik yeerreeh; qusbih orbisen daro kee caffa tittak elle meexxan aroocal, migaaqah Baqal akak intaanamay raabitteenihiyyah qibaadat gacten. Daro Baqal siinih yeceem takkalen; yoo cinten.

Ayyuqel 1:13

Hay tonnal, isin seekay sadgat elle aban aracih foocal taamittahiyyak, *qabuudut gacca 'xicay rookita. YALLIH Qibaadah-Qarih addal inkih yan bar rookitak xiina. Ahaysa Yallih sadgatah baahak tenen daro kee kamri gaba kaleh.

Ayyuqel 1:8

Baqli akak rabe qibnah innah, boogisaay rookâ-sartan sarita.

Ayyuqel 2:12

YALLI iyyaamah, «Away kinni way baguuk toobitaay sooma. Abteenimih weeqay yol uduura.

Ayyuqel 2:17

Yallih Qibaadah-Qarih adda akak culan culma kee sadgat elle aban aracak fanal, seekay YALLIH naqoosah-tani YALLAL weeqak dooqa abtaama. «YALLAW, isi marah xuwaw. Sahda nel asuule kalaay, sahda, ‹Sin Dagelti ankel yan?› axcuk elle qangaasalta mara nee maabin» axcuk dooqa abaanama.

Qaamus 8:10

Qaffaydah abak tenen farcatih aftok rookitetton. Saxxaq elle abak tenen ikkel, boogisetton. Dubuk lon baxi akak rabe xaleenah innah boogisettoonuuh, amo isinnik molla hayteenih *qabuudut sartanah gacetton. Too ayroh ellecabo mameqeey, qeero siinit aallele.

Yoonas 3:6

Nanawê magaalah malik aham yoobbe waqdi, elle suge dardaarinni korsih baguk uguttu 'yeh, edde suge ibak gulub maada kameesik katta 'yeh, *qabuddat gacca 'yeh gombod addat daffee.

Miika 1:16

Yuudâ maraw, kicinuk tenen xayloh rookah amo isinnik moola. Xaylo siinik seewah beeloonu'mmay, ken rookah gaali-gumah amoh innah moyya isinnik muxcah aba.