Yasaqya 21:5 - NABUWWA KEE MALIKWA

⁵ Wacyih miiz missoysa able. Qibinah seenan fidisah able. Maaqo yakmeeniih, maqab aaqabih able. Too way, ‹Qaskar abbobtiy, uguta. Gob zeytit (saliidit) duuga› iyyan.

Yasaqya 21:5 ပူးပေါင်းရင်းမြစ်များ

2 Samuwel 1:21

«Gilbowaq qaleelaw, rob siinil rade waay! Rob kee buqre ken booxaaxal able waynay. A abaaro akah axceemih akah abamaa, agiira le goobwa wanna maleh raqte. Tohum qax-umaane kinnih waaga mali. Saawuluk gob saliid duugo geyah mayan.

Yasaqya 13:2

YALLI iyyeemih, «Tu elle aabuke wayta qaleh amol, qeebi yanim elle yaaxigen qalaamat hayisa. Makaabon elle tani'kkel gaaboowaana'gidih, qeebi abtu wayta qaskarah amri ucuya. Qeebi aboonu waanamih astah gaba ken fan fayya hayisa.

Ermiyaas 46:3

«Masri-qaskarih-abbobti tirtirisah aabbe. ‹Gob bical haay; ugutay qeebih foora. Gob haysitaay bical gaca.

Ermiyaas 51:11

YALLI Baabelon baysam faxaah, tohuk gexxaamah Meediya deqsitta baaxoh malikwa keenit ruubah yan. Kay Qibaadah-Qarit aben umaaneh sabbatah, keenil obtu wayta bala bical tanik, carbi amrissa qaskar, «Gaysê-baxa arbaqa (samlisa)» inta. «Goobwa haysita» inta.

Ermiyaas 51:39

Kaxxam satqitan waqdi rikeek tan afxago keenih aceeyyo. Too afxagot askireloonuuh, kaxxam asuuleloonu'mmay, tohuk lakal sarrah-akak-ugte-waan-xiinih xiinelon.

Ermiyaas 51:57

YALLI iyyemii, «Abbobtih yan mara kee kasloytitiiy, xintoh abbobti kee doolatak saqoltih yan mara kee, agiirah tan qaskaray Baabeloonul tanihiyya askiriseyyo. Woo sikratat aboonu waan xiinik way muugutan. Tahat yabtam yoo Maliki. Anu YALLAY Nabaamak Nabahiyya kinniyo» iyye.