Yasaqya 21:2 - NABUWWA KEE MALIKWA

² Kaxxam uma wacyi yol oobeeh; ublem, ganoleelay gano abtahiyya. Qamalleelay sinam radda uble. «Qeelam maraw, qeebih gaba qida. Meediyah maraw, magaalat maro haa. Is sinaamal bahte umaane teetik gacseyyo» iyye anay oobbe.

Yasaqya 21:2 ပူးပေါင်းရင်းမြစ်များ

Yasaqya 11:11

Too ayro YALLI qagisak isi-qandet isi-maray baatik-saaboh-raaqehiyya le baaxol gacsele. Assuuriya kee Masriiy; Fatros deqsita aracay Masrik gabbi-qaxat raaqahiyya kee Kuusuuy; Qeelam kee Baabelon baaxooy; Camat kee baddi dariifal tan baaxooxak ken baahele.

Yasaqya 14:4

YALLI toh siinih abu waa waqdi, Baabelon baaxoh malik missilah haysittoonuuh, intoonu waytaanamah, «Racmatta sinni malik yinnikisseeh, ahaysa sahdat maxukkuta.

Yasaqya 14:7

Taway ellecabol sahda inkih toffoofeeh ruffu 'teeh amaan geyteh. Kulli num ruffu 'yeeh gad abe.

Yasaqya 22:6

Qeelam-rasih-qaskar, faras amol anuk, gayse kee gaysê-baxa luk tamaateeh, faaris-gaariira luk tamaate. Kiir qaskar gooba luk tamaate.

Yasaqya 24:16

Baaxô-maggaraqak saareh-anay nel rada. «Qadaalat kee cakki le Dageltah fayla takkay» inta xongolo nel radah oobbe. Sarrak ganoleelay sinam gantahiyya uble. Too waqdi, «Woyyow yi nabsow, woyyow yi nabsow, unsumuumeh maana! Ganoleela uxih sinam gantah matanaa!» 'yaanam exce.

Yasaqya 33:1

Sinam baysew, woyyow kot takku waytaamow! Ku baati tekkeh masuginna'mmay ahaysa akkele. Sinam ganak sugte'mmay, koo gana mari masuginna. Takkay immay sinam edde ganak ten wakti gaba kalla heeh, sinam koo edde ganta wakti amaateleeh, sinam edde bayisak ten wakti gaba kalla haa waqdi, baati kot akkele.

Yasaqya 35:10

YALLI wade mari Siyon fanah aduurele; Siyon fanah qililisak africuk aduurelon. Too saaku aben farcatah kulli waqdi africelon. Cisab kee nadaama mayablan.

Yasaqya 47:6

Anu inni marat oomeh, marin mara ken abe. Sin gabal ken hee'mmay, keenih maracmatinniton. Idoolal kinni-way, duude waan quukay keenik naba keenil hayten.

Ermiyaas 25:25

Too marak kalah kaadu, Dimri kee Qeelam kee Meediya akak iyyan baaxooxal yen sidooca malik kee,

Ermiyaas 31:20

«Israayil ummatey, kulli marak kacanuh akah lafta xayloh yok tanin. Sin gide kacanuh numuh massalliyyo. Isin abtan umaanet yaabah immay, tohuh, sin kasa waqdi siinih xuwaawah. Afqado sin fanah liyooh siinih racmateyyo. Tah intam yoo YALLA.

Ermiyaas 31:25

Qamal-malit qande heeyyooh, qulul le num cayiseyyo» 'yaanam yok iyye.

Ermiyaas 45:3

‹Atu Baarukow, «Woyyow, yot takkeemow, YALLI liyoh an biyaakat biyak yok osise. Yot yakkeh yan biyaakak gexxaamah, xagar yok boolaateh. Elle afoofe ikke mageyyo, 'yaanam inta'mmay,

Ermiyaas 49:34

Xidkiya Yuudâ-malik edde yekkeemit xayi saaku, YALLAY Nabaamak Nabahiyya Qeelam giddinaamak Ermiyaasal oobise qangara ah teeti.

Ermiyaas 49:35

Kaak iyyemii, «Qeelam-rasul cayla-leelah yan maray gaysê-xayloh qidimil yimixxigehiyya seleyyo.

Ermiyaas 50:14

«Baabelon marat qeebi abu waa maraw, qeebih bical gaca. Maro keenit haa. Gaysê-baxak elli haytaanamak tu macabinay Baabelon mara edde qida. Baabelon umam yol bahtek, gaysê-baxa teetit haa. Yoo YALLAL umam bahte.

Ermiyaas 50:34

Takkay immay ken cattu waytam, inki celemi. Maa celemiiy inteenik, YALLAY Nabaamak Nabahiyya. Keenit tekkeemih adda isih wagtele. Baabelon mara amaan waysiisele'mmay, gersi mara inkih amaanah xiinisele» iyye.

Ermiyaas 51:11

YALLI Baabelon baysam faxaah, tohuk gexxaamah Meediya deqsitta baaxoh malikwa keenit ruubah yan. Kay Qibaadah-Qarit aben umaaneh sabbatah, keenil obtu wayta bala bical tanik, carbi amrissa qaskar, «Gaysê-baxa arbaqa (samlisa)» inta. «Goobwa haysita» inta.

Ermiyaas 51:44

Yalli iyyemii: «Baabelon mari yallah le Beel deqsitta duyye bayseyyo. Yunxuqem alliyoh kaak gacseyyo. Tohuk wadir ummat kaa aqbuduk maraqta. Baabelon gasoosa addigillele.

Ermiyaas 51:53

Baabelon mari qaran yawqeemih, wokkel qande le megdeb xisaanamah, tohim keenik bayisu waa mara keenit ruubeyyo. Tahat yabtam yoo YALLA» keenik iyye.

Daaniyel 5:28

«Baxsa 'yaanamak maqna kaadu: ku doolat baxambaxsinteh Meediya kee Fursih yooboke marah tontocowwe» 'yaanam kaak iyye.

Daaniyel 5:9

Tahak iyyaanaah abaanam waagiseenih. Too waqdi malikik fooci burraacinaanah dumak lafteh, kaxxam meysite. Kay xintoh miracwa kaadu tahak iyyaanaah abaanam aaxige cineenih.

Daaniyel 8:2

Soonoh ubleemih: Anu innih Qeelam baddak Suusa deqsitta magaalay gaso maroh edde tanihiyyah addal, Uulay deqsita weeqaytih garil soolak suge.

Daaniyel 8:20

Woo tuble maruyuy namma gaysa luk yenehiyyak maqna Meediya kee Fursih marih xinto.

1 Samuwel 24:13

Dumî-mari missilah, ‹Uma marak umam tawqe› 'yaanam axcuk neh sugen. Tonna-leemik anu innih koo maxaga.